UJeremiya 38:6 - iBhayibhili Elingcwele 1978

⁶ Basebemthatha uJeremiya, bamphosela emgodini kaMalikiya indodana yenkosi, owawusegumeni labalindi, bamehlisela phakathi ngamagoda. Umgodi wawungelamanzi, kodwa wawugcwele udaka. UJeremiya watshona odakeni.

IBhayibhili Elingcwele LesiNdebele

⁶ Ngakho bamthatha uJeremiya bamfaka emgodini kaMalikhija, indodana yenkosi, owawusegumeni labalindi. UJeremiya bamehlisela phansi phakathi komgodi ngemichilo; wawungelamanzi, kuludaka kuphela, ngakho uJeremiya watshona edakeni.

UJeremiya 38:6 ပူးပေါင်းရင်းမြစ်များ

UGenesisi 37:24

bamthatha, bamphosela emgodini; umgodi wawungelalutho ungelamanzi.

AmaHubo 109:5

Ngakho bangibuyisela okubi ngokuhle, lenzondo ngothando lwami.

AmaHubo 40:2

Yangikhupha emgodini owesabekayo, exhaphozini elibi, yabeka inyawo zami phezu kwedwala, yaqinisa izinyathelo zami.

AmaHubo 69:2

Ngiyatshona odakeni, lapho kungelandawo yokuma; ngingene emanzini atshonayo, lempophoma iyangicwilisa.

UJeremiya 32:2

Ngalesosikhathi impi yenkosi yaseBabiloni yalivimbezela iJerusalema; uJeremiya umprofethi wayevalelwe egumeni labalindi, elalisesigodlweni senkosi yakoJuda.

UJeremiya 36:26

Inkosi yalaya uJerameli indodana yenkosi, loSeraya indodana kaAziriyeli, loShelemiya indodana kaAbideli, ukuba babambe uBaruki umbhali loJeremiya umprofethi; kodwa iNkosi uNkulunkulu yabafihla.

UJeremiya 37:16

UJeremiya wafakwa endlini engumgodi, wahlala khona insuku ezinengi.

UJeremiya 37:21

Ngakho inkosi uZedekiya waselaya ukuba bamfake uJeremiya egumeni labalindi, lokuba anikwe isinkwa sibe sinye insuku zonke esivela kubapheki bezinkwa, kwaze kwaphela zonke izinkwa emzini. Ngakho uJeremiya wahlala egumeni labalindi.

UJeremiya 38:13

Basebemdonsa uJeremiya ngamagoda, bamkhupha emgodini. UJeremiya wahlala egumeni labalindi.

UJeremiya 38:22

Bonke abesifazana abasele endlini yenkosi yakoJuda bazakhutshelwa ezikhulwini zenkosi yaseBabiloni, bathi: Abangane bakho abathembekileyo bakukhohlisile, bakwahlula; kodwa lapho inyawo zakho sezitshone odakeni, bazakubalekela.

UDanyeli 6:16

Inkosi yasilaya ukuba uDaniyeli alethwe, aphoselwe emgodini wezilwane. Yathi kuDaniyeli: Kungathi uNkulunkulu wakho omkhonzayo njalonjalo angakukhulula!

UZakhariya 9:11

Laweke, ngenxa yesivumelwano sakho lami esiqiniswe ngegazi, ngizakhupha izibotshwa zakho emgodini ongelamanzi.

Imisebenzi 16:24

Yena elayiwe ngokunjalo wabafaka entolongweni ephakathi, wabophela inyawo zabo ezigodweni.

AmaHebheru 10:36

Ngoba lifanele ukubekezela, ukuze kuthi seliyenzile intando kaNkulunkulu lamukeliswe okwathenjiswayo.