UJeremiya 38:4 - iBhayibhili Elingcwele 1978

⁴ Izikhulu zasezisithi enkosini: Kabulawe lumuntu, ngoba wenza amabutho asele kulumuzi abe buthakathaka, kanye labantu bonke, ngokukhuluma kibo amazwi anje. Ngoba lumuntu kaphisekeli okuhle kwalababantu, kodwa uphisekela okubi.

IBhayibhili Elingcwele LesiNdebele

⁴ Izikhulu zasezisithi enkosini, “Umuntu lo kumele abulawe. Wenza amabutho asala kulelidolobho aphelelwe lithemba, kanye labantu bonke, ngenxa yezinto azitshoyo kubo. Umuntu lo kadingi okuhle kwabantu laba, kodwa ukubhujiswa kwabo.”

UJeremiya 38:4 ပူးပေါင်းရင်းမြစ်များ

1 AmaKhosi 21:20

UAhabi wathi kuElija: Ungificile, wena sitha sami na? Yena wathi: Ngikuficile, ngoba uzinikele ukwenza okubi phambi kweNkosi.

2 ImiLando 24:21

Basebemenzela icebo; belaywe yinkosi uJowashi, bamkhanda uZekariya ngamatshe egumeni lethempeli.

U-Ezra 4:12

Siyayazisa inkosi ukuthi abaJuda abafika lapha bevela kuwe sebeyile eJerusalema. Sebewakha lowomuzi oxhwalileyo lomubi; balungisile izisekelo, sebeqedisa imiduli.

UNehemiya 6:9

Ngoba bonke babefuna ukusethusa, bethemba ukuthi sizayekela umsebenzi, ungabe usenziwa. Lokho kwangikhuthaza, ngaphikelela.

U-Eksodasi 5:4

Kodwa inkosi yaseGibithe yathi kubo: Lina Mose loAroni, libasuselani abantu emisebenzini yabo na? Sukani, liye emisebenzini yenu!

UJeremiya 11:21

Ngakhoke iNkosi ithi ngabantu baseAnathothi abafuna ukuphila kwakho besithi: Ungatshumayeli ngebizo leNkosi funa sikubulale;

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

UJeremiya 26:11

Abapristi labaprofethi basebesithi kuzo izikhulu lakubo bonke abantu: Umuntu lo ufanele ukubulawa, ngoba utshumayele ngalumuzi njengoba lizizwele lani.

UJeremiya 29:7

Sebenzelani ukuthula komuzi lapho ngilithumbele khona, liwukhulekele eNkosini, ngoba ekuthuleni kwawo lizakuba lokuthula lani.

UJeremiya 38:16

Inkosi uZedekiya yasifunga ekusithekeni kuJeremiya yathi: Ngifunga iNkosi eyenza imimoya yethu, kangiyikukubulala, futhi kangiyikukunikela ezandleni zabantu laba abafuna ukukubulala.

UJeremiya 38:25

Nxa izikhulu zisizwa ukuba ngikhulume lawe, zize kuwe zithi: Ake usitshele ukuba ubusithini enkosini, lokuba inkosi itheni kuwe; ungasifihleli lutho, kasiyikukubulala;

UJeremiya 43:3

kodwa uBaruki indodana kaNeriya uyakuxabanisa lathi ukuba asinikele kumaKaladiya ukuze asibulale, kumbe asithumbe asise eBabiloni.

UHezekhiyeli 22:27

Izikhulu eziphakathi kwalo zifana lempisi eziphangayo, ezichitha igazi zibulala abantu, ukuba zizuze umvuzo ngobuqili.

uAmosi 7:10

UAmaziya umpristi waseBetheli wasethumela ilizwi kuJerobowamu inkosi yakoIsrayeli, wathi: UAmosi ukuvusela abantu bakoIsrayeli, lelizwe kalilakuwamela wonke amazwi akhe.

ULukha 23:2

Baqala ukummangalela, besithi: Simfumene lumuntu eduhisa isizwe sakithi, esalela ukuthela kuKesari, esithi nguye onguKristu inkosi.

Imisebenzi 16:20

Sebebalethile enduneni, bathi: Lababantu bengabaJuda badunga umuzi wethu;

Imisebenzi 17:6

Kwathi bengabafumani badonsela uJasoni kanye labazalwane abathile kubaphathi bomuzi, bathi: Laba abayaluzisa ilizwe sebefikile lalapha,

Imisebenzi 24:5

Ngoba lindoda siyifumene iyinkathazo ivusa abaJuda bonke emhlabeni wonke, ingumholi wehlelo lamaNazaretha,

Imisebenzi 28:22

Kodwa sifisa ukuzwa okunakanayo wena, ngoba mayelana lalelihlelo siyazi ukuthi liyaphikiswa endaweni zonke.