UJeremiya 38:18 - iBhayibhili Elingcwele 1978

¹⁸ Kodwa uba ungazinikeli ezikhulwini zaseBabiloni, lumuzi uzathunjwa ngamaKaladiya, awutshise ngomlilo, lawe kawuyikuphunyuka ezandleni zawo.

IBhayibhili Elingcwele LesiNdebele

¹⁸ Kodwa nxa ungazinikeli ezikhulwini zenkosi yaseBhabhiloni, idolobho leli lizanikelwa kumaKhaladiya azalitshisa ngomlilo; njalo wena uqobo kawuyikuphunyuka ezandleni zawo.’ ”

UJeremiya 38:18 ပူးပေါင်းရင်းမြစ်များ

2 AmaKhosi 24:12

UJehoyakini inkosi yakoJuda wazinikela enkosini yaseBabiloni yena lonina lezinceku zakhe lezinduna zakhe labathenwa bakhe. Inkosi yaseBabiloni yamthumba ngomnyaka wesificaminwembili wokubusa kwakhe,

UJeremiya 21:10

Ngoba ngiwukhangele lumuzi ukuba ngiwenzele okubi, ngingawenzeli okuhle, kutsho iNkosi; uzanikelwa esandleni senkosi yaseBabiloni ezakuwutshisa ngomlilo.

UJeremiya 27:8

Kodwa uba isizwe ingabe umbuso ungamsebenzeli uNebukadineza inkosi yaseBabiloni, uthobele ijogwe lenkosi yaseBabiloni, ngizatshaya lesosizwe ngempi langendlala langomkhuhlane, ngize ngisinikele esandleni sakhe ngokupheleleyo, kutsho iNkosi.

UJeremiya 37:8

AmaKaladiya azabuya, awuhlasele lumuzi, awuthumbe, awutshise ngomlilo.

UJeremiya 38:23

Abafazi bakho bonke lamadodana akho bazakukhutshelwa kumaKaladiya, lawe kawuyikuphunyuka ezandleni zawo, kodwa uzabanjwa yinkosi yaseBabiloni, lalumuzi utshiswe ngomlilo.

UJeremiya 38:3

INkosi ithi: Lumuzi uzanikelwa impela esandleni sempi yenkosi yaseBabiloni, uthunjwe.

UJeremiya 39:3

Kwathi iJerusalema selithunjiwe, zonke izikhulu zenkosi yaseBabiloni zeza zahlala esangweni eliphakathi, uNerigali‐Sharezi, loSamiganebo, loSarisekimi induna yabathenwa, loNerigali‐Sharezi induna yamabutho, lazo zonke ezinye induna zenkosi yaseBabiloni.

UJeremiya 39:8

AmaKaladiya atshisa indlu yenkosi lezindlu zabantu, adilizela phansi imiduli yaseJerusalema.

UHezekhiyeli 12:13

Kodwa ngizaphosa imbule lami phezu kwaso, ngisibambe ngalo, ngisise eBabiloni elizweni lamaKaladiya; kanti kasiyikulibona, loba sizafela khona.

UHezekhiyeli 17:15

Kodwa lowo wayivukela ngokuthuma izithunywa eGibithe, ukuba bamnike amabhiza lempi enkulu. Uzaphumelela na? Kambe umuntu owenza okunje angaphepha na? Angasaphula isivumelwano aphephe na?