UJeremiya 38:16 - iBhayibhili Elingcwele 1978

¹⁶ Inkosi uZedekiya yasifunga ekusithekeni kuJeremiya yathi: Ngifunga iNkosi eyenza imimoya yethu, kangiyikukubulala, futhi kangiyikukunikela ezandleni zabantu laba abafuna ukukubulala.

IBhayibhili Elingcwele LesiNdebele

¹⁶ Kodwa inkosi uZedekhiya wafunga isifungo lesi ngasese kuJeremiya, wathi, “Ngeqiniso elinjengoba uThixo ekhona, yena owasinika ukuphefumula, angiyikukubulala loba ngikunikele kulabo abafuna ukukubulala.”

UJeremiya 38:16 ပူးပေါင်းရင်းမြစ်များ

UmTshumayeli 12:7

lothuli lungakabuyeli emhlabathini lapho lwavela khona, lomoya ubuyela kuNkulunkulu owawunikayo.

U-Isaya 42:5

Utsho kanje uNkulunkulu, iNkosi, owadala iphezulu, walendlala, lowenza umhlaba lalokho okukuwo, lonika abantu abakuwo umphefumulo, lomoya kwabahamba kuwo,

U-Isaya 57:16

Ngoba kangiyikulwa kokuphela, futhi kangiyikuthukuthela njalonjalo; ngoba umoya wokuphila waphuma kimi, ngadabula abantu.

UJeremiya 34:20

Ngizabanikela ezendleni zezitha zabo lezandleni zalabo abafuna ukubabulala. Izidumbu zabo zizakuba yikudla kwenyoni zaphezulu lenyamazana zeganga.

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UZakhariya 12:1

Nanti ilizwi. Yilizwi leNkosi ngoIsrayeli. INkosi eyendlala iphezulu, yamisa umhlaba, yenza umoya womuntu phakathi kwakhe,

AmaNani 16:22

Bathi mbo ngobuso phansi bathi: Nkulunkulu, Nkulunkulu wemimoya yakho konke okuphilayo, uzathukuthelela ibandla lonke ngenxa yokona komuntu munye na?

AmaNani 27:16

INkosi, uNkulunkulu wemimoya yakho konke okuphilayo, kayimise umuntu ebandleni,

UJohane 3:2

Yena weza kuye ebusuku, wathi kuye: Mfundisi, siyazi ukuthi ungumfundisi ovela kuNkulunkulu, ngoba kakho ongenza lezizibonakaliso ozenzayo uba uNkulunkulu engelaye.

Imisebenzi 17:25

futhi kakhonzwa ngezandla zabantu njengokungathi uswele ulutho, ngoba yena uqobo lwakhe uyabapha bonke abantu ukusila lokuphefumula lakho konke;

Imisebenzi 17:28

Ngoba sisila, sihambe, sihlale ngaye, njengokuba imbongi ezithile zakini zitshilo zathi: Ngoba futhi siyinzalo yakhe.

AmaHebheru 12:9

Futhike sasilabo obaba basemhlabeni abasilayayo, sabahlonipha; pho, kasiyikuzehlisela ngaphansi kukaYise wemimoya yethu kakhulu kulalokho, siphile, na?