UJeremiya 32:9 - iBhayibhili Elingcwele 1978

⁹ Ngayithenga insimu eseAnathothi kuHanameli umfowethu, ngamnika imali engamashekeli alitshumi lesikhombisa esiliva.

IBhayibhili Elingcwele LesiNdebele

⁹ ngakho ngayithenga insimu ye-Anathothi kumzawami uHanameli, ngamlinganisela amashekeli alitshumi lesikhombisa esiliva.

UJeremiya 32:9 ပူးပေါင်းရင်းမြစ်များ

UGenesisi 24:22

Kwathi amakamela eseqedile ukunatha, indoda yasithatha icici legolide, ubunzima balo buyingxenye yeshekeli, lamasongo amabili egolide ezandleni zayo, ubunzima bawo bungamashekeli alitshumi.

UGenesisi 37:28

Kwasekudlula amaMidiyani angabathengi; bamkhupha uJosefa emgodini, bamthengisa kumaIshmayeli ngenhlamvu zesiliva ezingamatshumi amabili. Laboke bamusa eGibithe.

1 AmaKhosi 20:39

Kwathi inkosi idlula, wamemeza enkosini wathi: Inceku yakho yangena phakathi kokulwa; kwaphuma omunye phakathi kwabalwayo, waletha umuntu kimi wathi: Londoloza lumuntu; uba ekulahlekela, uzalahlekelwa yikusila kwakho, kumbe uhlawule ngethalenta lesiliva.

UNehemiya 5:15

Ababusi ababengaphambi kwami babathwalisa nzima abantu, bethatha kibo ukudla kwensuku ngensuku lewayini okulingana lamashekeli esiliva angamatshumi amane. Lezinceku zabo zabaphatha kalukhuni abantu. Kodwa mina kangikwenzanga lokho ngenxa yokwesaba uNkulunkulu.

U-Esta 3:9

Uba kulungile enkosini, kakulotshwe umthetho wokuthi kababulawe, mina ngizakhupha amathalenta esiliva azinkulungwane ezilitshumi, nginike izikhulu zenkosi ukuba afakwe enothweni yenkosi.

U-Eksodasi 21:32

Nxa inkabi ihlaba inceku ingabe incekukazi, umniniyo uzanika inkosi yayo amashekeli esiliva angamatshumi amathathu, inkabi ikhandwe ngamatshe.

U-Isaya 55:2

Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.

UHezekhiyeli 4:10

Uzalinganisa ukudla kwakho, udle amashekeli angamatshumi amabili ngelanga, ukudle ngesikhathi ngesikhathi.

UHosiya 3:2

Ngasengimthenga ngamashekeli esiliva alitshumi lanhlanu, langehomeri elilengxenye yebhali.