UJeremiya 32:5 - iBhayibhili Elingcwele 1978

⁵ izakumthatha uZedekiya, imuse eBabiloni, ahlale khona ngize ngimhambele mina, kutsho iNkosi; lanxa usilwa lamaKaladiya, kawuyikuphumelela?

IBhayibhili Elingcwele LesiNdebele

⁵ Izathatha uZedekhiya imuse eBhabhiloni, lapho azahlala khona ngize ngibone engingakwenza kuye, kutsho uThixo. Nxa usilwa lamaKhaladiya, kawuyikuphumelela.’ ”

UJeremiya 32:5 ပူးပေါင်းရင်းမြစ်များ

2 ImiLando 13:12

UNkulunkulu ulathi, ungumholi wethu, labapristi bakhe bakhona ukukhalisa impondo ukusibizela ekulweni lani. Madoda akoIsrayeli, musani ukulwa leNkosi, uNkulunkulu wabokhokho benu, ngoba lingeke liphumelele.

2 ImiLando 24:20

Umoya kaNkulunkulu wasusehlela kuZekariya indodana kaJehoyada umpristi; wema phambi kwabantu, wathi kibo: UNkulunkulu uthi: Kungani lisaphula imilayo yami ukuba lingaphumeleli na? Ngoba lingilahlile mina Nkosi, lami ngililahlile.

Izaga 21:30

Ukuhlakanipha lokuqedisisa lokweluleka kakusilutho phambi kweNkosi.

UJeremiya 2:37

Uzaphuma lalapho uthwele imikhono yakho ekhanda, ngoba iNkosi ibalahlile labo obathembayo, kawuyikuphumelela ngabo.

UJeremiya 27:22

Zizasiwa eBabiloni, zihlale khona kuze kufike usuku lokuzikhumbula kwami, kutsho iNkosi. Ng’khona ngizakuzibuyisa kulindawo.

UJeremiya 32:24

Amadundulu okuvimbezela umuzi asekhona ukuba umuzi uthathwe, langenxa yempi lendlala lomkhuhlane umuzi unikelwe ezandleni zamaKaladiya awuhlaselayo. Lokho owakutshoyo kwenzakele njengoba ubona.

UJeremiya 32:6

UJeremiya wathi: Ilizwi leNkosi lafika kimi lisithi:

UJeremiya 33:5

AmaKaladiya azafika ukulwa, azigcwalise ngezidumbu zabantu engizababulala ekuthukutheleni kwami lasekufuthekeni kwami; ngoba lumuzi ngiwufihlele ubuso bami ngenxa yobubi babo bonke.

UJeremiya 37:10

Loba liyahlula impi yonke yamaKaladiya alwayo lani, kusale nje abantu abalimeleyo, bazasukuma bonke baphume emathenteni abo, bawutshise lumuzi ngomlilo.

UJeremiya 39:4

Kwathi lapho uZedekiya inkosi lawo wonke amabutho bebabona, babaleka, baphuma emzini ebusuku ngendlela yensimu yenkosi, ngesango eliphakathi kwemiduli emibili, baqonda eAraba.

UJeremiya 39:5

Kodwa impi yamaKaladiya yaxotshana labo, yamfica uZedekiya emagcekeni aseJeriko. Isimbambile yamletha kuNebukadineza inkosi yaseBabiloni eRibila, elizweni laseHamathi, wamgweba khona.

UJeremiya 39:7

Yamkhupha amehlo uZedekiya, yambopha ngamaketane ukuba imuse eBabiloni.

Izililo 1:14

Iziphambeko zami zabotshelwa kimi, isandla sayo sazithandela kimi. Ijogwe layo lafakwa entanyeni yami, ngaphela amandla ngenxa yobunzima balo. INkosi yangiyekelela kilo, ngahluleka ukuma.

UHezekhiyeli 12:12

Isikhulu sabo sizakwetshata umthwalo waso emnyameni, sitshungubale embotsheni sigubuzele ubuso baso, ukuze singaboni ilizwe.

UHezekhiyeli 12:13

Kodwa ngizaphosa imbule lami phezu kwaso, ngisibambe ngalo, ngisise eBabiloni elizweni lamaKaladiya; kanti kasiyikulibona, loba sizafela khona.

UHezekhiyeli 17:15

Kodwa lowo wayivukela ngokuthuma izithunywa eGibithe, ukuba bamnike amabhiza lempi enkulu. Uzaphumelela na? Kambe umuntu owenza okunje angaphepha na? Angasaphula isivumelwano aphephe na?

AmaNani 14:41

Kodwa uMose wathi: Lephulelani umlayo weNkosi? Kaliyikuphumelela.