UJeremiya 32:41 - iBhayibhili Elingcwele 1978

⁴¹ Ngizathokoza ngokubenzela okuhle, ngibagxumeke ngobuqotho kulelilizwe ngayo yonke inhliziyo yami langawo wonke umoya wami.

IBhayibhili Elingcwele LesiNdebele

⁴¹ Ngizathokoza ekubenzeleni okuhle njalo ngibagxumeke ngobuqotho kulelilizwe ngenhliziyo yami yonke langomoya wami wonke.

UJeremiya 32:41 ပူးပေါင်းရင်းမြစ်များ

AmaHubo 80:8

Walikhupha ivini eGibithe, wazixotsha izizwe, walihlanyela lona.

U-Isaya 60:21

Abantu bakho bonke bazakuba ngabalungileyo, ilizwe libe ngelabo kokuphela, babe lugatsha oluhlanyelwa yimi, umsebenzi wezandla zami, ukuba ngibe lodumo.

U-Isaya 62:4

Kawusayikubizwa ngokuthi ngoTshiyiweyo, lelizwe lakini kalisayikuthiwa ngoLahliweyo; kodwa uzakubizwa ngokuthi yiNtokozo yami, lelizwe lakini ngokuthi ngoWendileyo; ngoba iNkosi iyathokoza ngawe, lelizwe lakini libe ngelayo.

U-Isaya 62:5

Ngoba njengejaha lithatha intombi, ngokunjaloke okwakhayo uzakukuthatha; lanjengomyeni ethokoziswa ngumlobokazi, uNkulunkulu wakho uzakuthokoza ngawe.

U-Isaya 65:19

Ngizathokoza ngeJerusalema, ngijabule ngabantu bami; kakusayikuzwakala kulo ilizwi lokukhala lelizwi lokulila.

UJeremiya 18:9

Langasiphi isikhathi engikhuluma ngesizwe langombuso ukuthi ngizakukwakha ngikumise,

UJeremiya 24:6

Ngizabaphatha kuhle, ngibabuyise kulelilizwe. Ngizakubakha, ngingabadilizi, ngibagxumeke, ngingabasiphuni,

UJeremiya 31:28

Kuzakuthi njengalokho ngibalindile ukuba ngisiphune lokuba ngidilize lokuba ngichithe lokuba ngibhubhise, ngilethe okubi, ngokunjaloke sengizakubalinda ukuba ngakhe, ngihlanyele, kutsho iNkosi.

UHezekhiyeli 36:36

Izizwe ezisele zilizingelezele zizakwazi ukuba mina Nkosi ngizakhile indawo ezingamanxiwa, ngahlanyela kutsha ilizwe ebeseliyinkangala. Mina Nkosi ngikhulumile, ngizakukwenza.

UHosiya 14:5

Ngizakuba njengamazolo kuIsrayeli; uzakhahlela njengomduze, agxumekeke njengomkhaya omhlophe.

uAmosi 9:15

Ngizakubagxumeka elizweni labo, bangabe besasitshulwa futhi elizweni engibanike lona, kutsho iNkosi uNkulunkulu wakho.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

UZefaniya 3:17

INkosi uNkulunkulu wakho iphakathi kwakho, injengeqhawe elinqobayo; izajabula ngawe ngentokozo, ikuvuselele ngothando lwayo, ithabe ngawe ngokuhlabelela

UDutheronomi 28:63

Njengalokhu iNkosi ibithaba ngokulenzela okuhle langokulandisa, ngokunjalo izakujabula ngokulichitha langokulibhubhisa, lisuswe elizweni elingena kulo ukulithumba.

UDutheronomi 30:9

INkosi izakuliphumelelisa kakhulu emisebenzini yonke yezandla zenu, enzalweni yezisu zenu, lenzalweni yenkomo zenu, lezithelweni zomhlaba wenu; ngoba iNkosi izakuthaba futhi ngokuliphumelelisa, njengalokhu yayithaba ngokhokho benu,