UJeremiya 32:34 - iBhayibhili Elingcwele 1978

³⁴ Bamisa izinengiso zabo endlini lapho ibizo lami lidunyiselwa khona, ukuba bayingcolise.

IBhayibhili Elingcwele LesiNdebele

³⁴ Bamisa izithombe zabo ezinengekayo endlini eleBizo lami bayingcolisa.

UJeremiya 32:34 ပူးပေါင်းရင်းမြစ်များ

2 AmaKhosi 21:1

UManase wayeleminyaka elitshumi lambili lapho eqalisa ukubusa; wabusa iminyaka engamatshumi amahlanu lanhlanu eJerusalema. Ibizo likanina lalinguHefiziba.

2 AmaKhosi 23:6

Wakhupha ethempelini insika emiselwe unkulunkulukazi uAshera, wayisa esifuleni iKidroni ngaphandle kweJerusalema, wayitshisa khona, wayicubuza yaba luthuli, waluphosela emalibeni abantukazana.

2 ImiLando 33:15

Wasusa onkulunkulu bezizweni lesithombe ethempelini, lama‐altare ayewakhile entabeni yethempeli lawaseJerusalema, wakuphosela ngaphandle komuzi.

2 ImiLando 36:14

Zonke inhloko zakoJuda labapristi kanye labantu labo babonile kakhulu, balandela amanyala wonke ezizwe, balingcolisa ithempeli eyayizahlukanisele lona eJerusalema.

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

UJeremiya 23:11

Umprofethi lompristi kabamesabi uNkulunkulu, ngitsho lasendlini yami ngifumene ububi babo, kutsho iNkosi.

UJeremiya 30:14

Zonke izithandwa zakho zikukhohliwe, kazisakudingi. Ngoba ngikutshayile njengesitha, ngokutshaya okulolunya, ngoba icala lakho likhulu, lezono zakho zandile.

UJeremiya 34:15

Linake seliphendukile lamhla, lenza okulungileyo emehlweni ami, lamemezela ukukhululeka kubomakhelwana benu, lenza isivumelwano phambi kwami endlini lapho ibizo lami lidunyiselwa khona;

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UJeremiya 7:10

beselisiza ukuba lime phambi kwami kulindlu lapho ibizo lami lidunyiselwa khona, lithi: Sikhululwe! Kodwa liqhubeke ukwenza zonke lezizinengiso.

UJeremiya 7:30

Abantu bakoJuda benzile okubi phambi kwami; babekile izinengiso zabo endlini lapho ibizo lami lidunyiselwa khona, ukuba bayingcolise, kutsho iNkosi.

UJeremiya 7:31

Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.