UJeremiya 32:18 - iBhayibhili Elingcwele 1978

¹⁸ otshengisa uthando olungapheliyo kwabayizinkulungwane, kodwa uphindisela ububi baboyise kubantwana babo ngemva kwabo. Wena Nkulunkulu omkhulu lolamandla, oyiNkosi yamabandla,

IBhayibhili Elingcwele LesiNdebele

¹⁸ Ubonakalisa uthando kuzinkulungwane kodwa ulethe isijeziso sezono zaboyise ebantwaneni babo ngemva kwabo. Wena Nkulunkulu omkhulu olamandla, obizo lakho nguThixo uSomandla,

UJeremiya 32:18 ပူးပေါင်းရင်းမြစ်များ

UGenesisi 49:24

Kodwa idandili lakhe lahlala liqinile, lamandla ezandla zakhe aqiniswa ngezandla zikaSomandla kaJakobe, okuvela kuye umalusi, iLitshe likaIsrayeli,

2 AmaKhosi 9:26

Njengoba ngibonile impela izolo igazi likaNabothi legazi lamadodana akhe, ngizaphindisela kuwe kulesisiqinti. Ngakhoke mdobhe, umphosele kulesisiqinti njengokutsho kweNkosi.

UNehemiya 1:5

Ngathi: Nkosi, Nkulunkulu ophezulu, Nkulunkulu omkhulu lowesabekayo, ogcina isivumelwano lolothando olungapheliyo kulabo abakuthandayo begcina imilayo yakho,

AmaHubo 50:1

USomandla, uNkulunkulu, iNkosi, uyakhuluma, ubiza umhlaba kusukela ekuphumeni kwelanga kuze kube sekutshoneni kwalo.

AmaHubo 89:9

Wena uyabusa ukukhukhumala kolwandle; lapho amavinqo alo evuka uyawathulisa.

U-Eksodasi 34:6

INkosi yedlula phambi kwakhe, yamemeza yathi: YiNkosi! YiNkosi! nguNkulunkulu olesihawu olomusa, ophuza ukuthukuthela, ogcwele uthando olungapheliyo lobuqotho,

U-Eksodasi 34:7

ohawukela abayizigidi, othethelela ububi leziphambeko lezono, kodwa ongayikubayekela abalecala, kodwa owehlisela ububi baboyise phezu kwabantwana laphezu kwabantwana babantwana abesizukulwana sesithathu lesesine.

U-Isaya 10:21

Abaseleyo bazakubuya, abaseleyo bakaJakobe babuyele kuNkulunkulu olamandla.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Isaya 9:6

Ngoba sizalelwe umntwana, sinikiwe indodana: izanikwa amandla obukhosi, ibizwe ngokuthi: UMluleki omangalisayo, uNkulunkulu olamandla, uBaba ongelakuphela, iNkosi yokuthula.

UJeremiya 10:16

UNkulunkulu kaJakobe kanjengazo, ngoba nguye owadala zonke izinto, isizwe sakoIsrayeli yiso asikhethayo; ubizwa ngokuthi yiNkosi yamabandla.

UJeremiya 10:6

Kakho onjengawe, Nkosi, ngoba umkhulu, lebizo lakho likhulu kakhulu.

UJeremiya 20:11

Kodwa iNkosi ilami njengeqhawe elesabekayo; ngakhoke abangizingelayo bazakhubeka, kabayikungahlula; bazayangeka kakhulu, ngoba kabayikuphumelela. Lehlazo labo elingelakuphela kaliyikukhohlakala.

UJeremiya 31:35

INkosi enika ilanga libe yikukhanya emini, emise inyanga lezinkanyezi zibe yikukhanya ebusuku, evusa ulwandle ukuba kuhlokome amavinqo alo, ebizwa ngokuthi yiNkosi yamabandla, ithi:

UJeremiya 33:2

INkosi eyenza umhlaba leyawubumba, yawumisa waqina, yona ethiwa yiNkosi, ithi:

UJeremiya 50:34

Kanti umhlengi wabo ulamandla, ubizwa ngokuthi yiNkosi yamabandla. Impela uzamela indaba yabo, ukuba anike umhlaba ukuthula, kodwa anyakazise abakhileyo eBabiloni.

UDanyeli 2:45

njengoba wabona ilitshe liqephuka entabeni, lingaqetshulwa muntu, laphohloza insimbi lethusi lebumba lesiliva legolide. UNkulunkulu omkhulu uyazisile inkosi okuzakwenzeka emva kwalokho. Iphupho liqinisile, lencazelo yalo iliqiniso.

UHabhakhukhi 1:12

Kawusuye owasendulo, wena Nkosi Nkulunkulu wami oNgcwele na? Kasiyikufa. Nkosi, wenzile lesisizwe ukuba sibe yinto yokwahlulela; wena Dwala, usimisele ukutshaya.

AmaNani 14:18

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

UMatewu 27:25

Bonke abantu baphendula bathi: Igazi lakhe kalibe phezu kwethu laphezu kwabantwana bethu.

ULukha 6:38

Phanini, lani lizakuphiwa; lizakuphiwa esandleni isilinganiso esihle, sigqitshiwe, sahlukuzwa, sigcwele sithe kliki; ngoba ngesilinganiso elilinganisa ngaso lani lizakulinganiselwa ngaso.

UDutheronomi 10:17

Ngoba iNkosi uNkulunkulu wenu inguNkulunkulu wabonkulunkulu, leNkosi yamakhosi, uNkulunkulu omkhulu, olamandla, owesabekayo, ongakhethi muntu, ongamukeli umvuzo wokuthengwa.

UDutheronomi 7:21

Kaliyikubesaba, ngoba iNkosi uNkulunkulu wenu iphakathi kwenu, inguNkulunkulu omkhulu lowesabekayo.