UJeremiya 30:3 - iBhayibhili Elingcwele 1978

³ Ngoba insuku ziyeza, lapho ngizabuyisa abantu bami uIsrayeli loJuda, kutsho iNkosi. Ngizababuyisela elizweni engalinika okhokho babo, libe ngelabo.

IBhayibhili Elingcwele LesiNdebele

³ Insuku ziyeza,’ kutsho uThixo, ‘lapho engizabuyisa abantu bami u-Israyeli loJuda bevela ekuthunjweni ngibabuyisele elizweni engalinika okhokho babo ukuba libe ngelabo,’ kutsho uThixo.”

UJeremiya 30:3 ပူးပေါင်းရင်းမြစ်များ

U-Ezra 3:1

Lapho isifikile inyanga yesikhombisa, labakoIsrayeli sebehlezi emizini yabo, abantu babuthana eJerusalema njengomuntu munye.

U-Ezra 3:12

Kodwa abanengi babapristi lamaLevi lezinhloko zezindlu, abadala ababeyibonile indlu yokuqala, bakhala kakhulu lapho bebona isisekelo salindlu sesibekiwe; kodwa abanye bamemeza kakhulu ngokuthokoza.

U-Ezra 3:8

Ngomnyaka wesibili wokufika kwabo endlini kaNkulunkulu eJerusalema, ngenyanga yesibili, uZerubabeli indodana kaSalatiyeli loJeshuwa indodana kaJozadaki bawuqalisa umsebenzi, besizwa yibo bonke abakoIsrayeli langabapristi lamaLevi, bonke ababebuyile eJerusalema bevela ekuthunjweni. Bakhetha amaLevi aleminyaka engamatshumi amabili kusiya phezulu ukuphatha umsebenzi wethempeli.

AmaHubo 126:4

Buyisa abantu bakithi, Nkosi, njengemifula ibuya igeleze futhi eNegebi.

AmaHubo 53:6

Kungathi ukukhululwa kukaIsrayeli kungavela eZiyone! Lapho uNkulunkulu esebuyisa inhlanhla kubantu bakhe, uJakobe uzakuthaba, loIsrayeli athokoze.

UJeremiya 16:15

kodwa kuzakuthiwa: Ngifunga iNkosi eyabakhupha abakoIsrayeli elizweni lasenyakatho lasemazweni ababexotshelwe kiwo. Ngoba ngizababuyisa elizweni lakibo engalinika okhokho babo.

UJeremiya 23:5

Khangela, insuku ziyeza, kutsho iNkosi, lapho ngizamhlumisela uDavida uGatsha olulungileyo; luzakubusa njengenkosi, lube lokuhlakanipha, lwenze ukulunga lobuqotho elizweni.

UJeremiya 27:11

Kodwa isizwe esizakuthobela inkosi yaseBabiloni, siyisebenzele, ngizasiyekela elizweni laso, ukuba sililime, sakhe kulo, kutsho iNkosi.

UJeremiya 27:22

Zizasiwa eBabiloni, zihlale khona kuze kufike usuku lokuzikhumbula kwami, kutsho iNkosi. Ng’khona ngizakuzibuyisa kulindawo.

UJeremiya 29:10

INkosi ithi: Lapho iminyaka engamatshumi ayisikhombisa isiphelile eBabiloni, ngizalihambela, ngigcwalise isithembiso sami, ngilibuyise kulindawo.

UJeremiya 29:14

lizangifumana, kutsho iNkosi, ngilibuyise ekuthunjweni kwenu, ngiliqoqe kuzo zonke izizwe lakuzo zonke indawo lapho ngilixotshele khona, ngilibuyise endaweni engalithumba kuyo.

UJeremiya 3:18

Ngalezonsuku indlu yakoJuda izahlangana lendlu yakoIsrayeli, ziphume kanyekanye elizweni lasenyakatho, zize elizweni engalinika okhokho benu ukuba libe ngelabo.

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

UJeremiya 30:18

INkosi ithi: Ngizabuyisa abantwana bakaJakobe, ngihawukele wonke amakhaya abo. Yonke imizi izakwakhiwa futhi endaweni yayo, lazo zonke izindlu zakhiwe njengakuqala.

UJeremiya 30:4

La ngamazwi iNkosi eyawakhuluma ngoIsrayeli loJuda,

UJeremiya 31:16

INkosi ithi: Thula, ungakhali, lamehlo akho angabi lezinyembezi; ngoba umsebenzi wakho uzakuba lomvuzo, bazabuya bevela elizweni lesitha, kutsho iNkosi.

UJeremiya 31:23

INkosi yamabandla, uNkulunkulu kaIsrayeli, ithi: Bazabuya batsho lamazwi elizweni lakoJuda lasemizini yakhona, lapho sengibabuyisile abantu bakibo bathi: INkosi ikubusise, wena khaya lokulunga, lawe ntaba engcwele.

UJeremiya 31:27

Khangela, insuku ziyeza, kutsho iNkosi, lapho ngizahlanyela indlu kaIsrayeli lendlu kaJuda ngenhlanyelo yabantu lenhlanyelo yenyamazana.

UJeremiya 31:31

Khangela, insuku ziyeza, kutsho iNkosi, lapho ngizakwenza isivumelwano esitsha lendlu kaIsrayeli lendlu kaJuda,

UJeremiya 31:38

INkosi ithi: Insuku ziyeza lapho umuzi weNkosi uzakwakhiwa, kusukela eMphotshongweni kaHananeli kuze kufike eSangweni leNgonsi.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UJeremiya 32:44

Amasimu azathengwa ngemali, kulungiswe incwadi zokuthenga, kulotshwe kuzo amabizo abofakazi, zinamatheliswe, elizweni lakoBenjamini lasemaphandleni aseJerusalema, lasemizini yakoJuda, lasemizini yasemaqaqeni, lasemizini yaseShefela, lasemizini yaseNegebi; ngoba ngizabuyisa abantu bakhona, kutsho iNkosi.

UJeremiya 33:26

ngizakulahla inzalo kaJakobe lenzalo kaDavida inceku yami, kangiyikukhetha omunye wenzalo yakhe ukuba abuse phezu kwenzalo kaAbrahama loIsaka loJakobe. Ngoba ngizabuyisa abantu babo, ngibe lesihawu kibo.

UJeremiya 51:60

UJeremiya waloba encwadini konke okubi okuzakwehlela iBabiloni, wonke lamazwi alotshiweyo ngeBabiloni.

UHezekhiyeli 20:42

Lizakwazi ukuba ngiyiNkosi lapho sengilibuyise elizweni lakoIsrayeli, ilizwe engafunga ukulinika okhokho benu.

UHezekhiyeli 34:13

Ngizazikhupha phakathi kwabantu, ngizibuthe emazweni, ngizibuyisele elizweni lazo, ngizidlise entabeni zakoIsrayeli, lasemithonjeni, lakuzo zonke indawo zelizwe okwakhiwe kizo.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UHezekhiyeli 47:14

Lizalahlukanisa ngokulinganayo; ngafunga ukulinika okhokho benu, lelilizwe lizakuba ngelenu.

UJoweli 3:1

Ngoba ngalezonsuku langalesosikhathi lapho ngibuyisa impumelelo yabaJuda labeJerusalema,

UZefaniya 2:7

Ilizwe elingasolwandle lizakuba ngelabaseleyo endlini kaJuda belusele kilo, ezindlini zeAshikeloni bazalala khona kusihlwa. Ngoba iNkosi uNkulunkulu wabo izakubakhumbula, ibenzele inhlanhla.

UZefaniya 3:20

Ngalesosikhathi ngizakuliletha ekhaya esikhathini sokulibutha kwami. Ngizakulenza ukuba libe lodumo, libongwe phakathi kwabantu bonke bomhlaba lapho sengibuyisa inhlanhla yenu futhi, kutsho iNkosi.

ULukha 17:22

Wasesithi kubafundi bakhe: Kuzakufika insuku, lapho elizakufisa ukubona lube lunye lwensuku zeNdodana yomuntu, kodwa kaliyikulubona.

ULukha 19:43

Ngoba uzakwehlelwa zinsuku, lapho izitha zakho zizakwakhela umthangala, zikuzingelezele, zikuvimbele inxa zonke,

ULukha 21:6

Kuzakufika insuku, lapho kungayikutshiywa kulokhu elikubonayo ilitshe phezu kwelinye elingayikudilizelwa phansi.

UDutheronomi 30:3

INkosi uNkulunkulu wenu izalihawukela, ibuyise abathunjiweyo benu, ilibuthe futhi ebantwini lapho iNkosi uNkulunkulu wenu elihlakazele khona.

UDutheronomi 30:5

ilibuyisele elizweni okhokho benu abalithumba ukuba libe ngelenu, liphumelele, lande kakhulu kulabokhokho benu.

AmaHebheru 8:8

Kodwa lapho ebasola, uthi kibo: Insuku ziyeza, kutsho iNkosi, lapho ngizakwenza isivumelwano esitsha lendlu kaIsrayeli lendlu kaJuda,