UJeremiya 3:6 - iBhayibhili Elingcwele 1978

⁶ INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

IBhayibhili Elingcwele LesiNdebele

⁶ Ekubuseni kwenkosi uJosiya, uThixo wathi kimi, “Ukubonile yini okwenziwe ngu-Israyeli ongathembekanga? Usekhwele phezu kwamaqaqa wonke aphakemeyo langaphansi kwezihlahla zonke eziluhlaza wafebela khona.

UJeremiya 3:6 ပူးပေါင်းရင်းမြစ်များ

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

2 ImiLando 34:1

UJosiya wayeleminyaka eficaminwembili lapho eqalisa ukubusa; wabusa iminyaka engamatshumi amathathu lanye eJerusalema.

AmaHubo 106:39

Bangcola ngokunjalo ngemisebenzi yabo, benza ukuphinga ngezenzo zabo.

U-Isaya 57:3

Sondelani, lina madodana omthakathi, lina nzalo yesifebe lewule;

U-Isaya 57:7

Phezu kwentaba ende ephakemeyo ubekile umbheda wakho, wakhwela ukuyanikela khona umhlatshelo.

UJeremiya 1:2

Ilizwi leNkosi lafika kuye ensukwini zikaJosiya indodana kaAmoni, inkosi yakoJuda, ngomnyaka wetshumi lantathu wokubusa kwakhe;

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

UJeremiya 17:2

abantwana babo besakhumbula ama‐altare abo, lensika zabo ezimiselwe unkulunkulukazi uAshera eziphansi kwazo zonke izihlahla eziluhlaza, lasemaqaqeni aphakemeyo,

UJeremiya 3:8

Wabona ukuthi ngenxa yobufebe bonke bukaIsrayeli ongathembekanga, ngamxotsha ngamnika lencwadi yesahlukaniso; kodwa udadewabo ongathembekanga uJuda kesabanga, laye wasuka wafeba.

UJeremiya 31:22

Koze kube nini uzilazila, wena ndodakazi engathembekanga na? INkosi idale into entsha emhlabeni, owesifazana uvukela indoda.

UJeremiya 5:11

Indlu kaIsrayeli lendlu kaJuda zingikhohlisile ngokupheleleyo, kutsho iNkosi.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UHezekhiyeli 16:31

Wazakhela ithala emahlanganweni endlela zonke, wenza indawo zakho eziphakemeyo zokukhonzela emidangeni yonke. Kanti kawubanga njengewule ngoba wadelela inkokhelo.

UHezekhiyeli 16:35

Ngakhoke, wena wule, zwana ilizwi leNkosi.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 23:11

Umnawakhe uOholiba wakubona lokhu, yena wayemubi kulaye ekukhanukeni kwakhe lasekuwuleni kwakhe, okwakusedlula okukadadewabo.

UHezekhiyeli 23:4

Omdala wayethiwa nguOhola, lomnawakhe wayethiwa nguOholiba. Baba ngabami, bangizalela amadodana lamadodakazi. UOhola uliSamariya, loOholiba uliJerusalema.

UHosiya 11:7

Abantu bami baqonde ukuhlehla kimi, lanxa bekhuleka kunkulunkulu wabo ophakemeyo, kodwa kayikubasiza.

UHosiya 4:13

Benza imihlatshelo engqongeni zentaba, banikela iminikelo phezu kwamaqaqa, ngaphansi kwezihlahla ezinkulu, langaphansi kwemikhaya emhlophe. Langaphansi kwezihlahla ezinkulu lezilamahlamvu ngoba zilemithunzi emihle. Ngakhoke amadodakazi enu ayawula, labalobokazi benu bayafeba.

Abahluleli 2:17

Kanti kababalalelanga abahluleli babo, baphinga ngokukhonza abanye onkulunkulu, bakhothama kibo, baphambuka masinyane endleleni okhokho babo ababehamba kuyo, ababelalele imilayo yeNkosi. Bona kabayilalelanga iNkosi.