UJeremiya 3:23 - iBhayibhili Elingcwele 1978

²³ Impela ukukhonza phezu kwezintaba kakusizi lutho kanye lomsindo wakhona. Impela ukukhululwa kukaIsrayeli kuseNkosini uNkulunkulu wethu.

IBhayibhili Elingcwele LesiNdebele

²³ Impela umsindo wokukhonza izithombe emaqaqeni lasezintabeni uyinkohliso, ngempela kuThixo uNkulunkulu wethu kulensindiso ka-Israyeli.

UJeremiya 3:23 ပူးပေါင်းရင်းမြစ်များ

AmaHubo 3:8

Ukukhulula kungokweNkosi. Isibusiso sakho kasibe phezu kwabantu bakho.

AmaHubo 62:7

Ukukhululwa kwami lodumo lwami kukuNkulunkulu; idwala lami eliqinileyo lesiphephelo sami kunguNkulunkulu.

Izaga 21:31

Ibhiza lingalungiselwa usuku lokulwa, kodwa yiNkosi enika ukunqoba.

U-Isaya 10:20

Kuzakuthi ngalolosuku abaseleyo koIsrayeli, abasilileyo endlini kaJakobe, kabasayikuthembela kuye abatshayileyo; kodwa bazathembela eNkosini, oNgcwele kaIsrayeli ngeqiniso.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

U-Isaya 43:11

Mina ngiyiNkosi, ngaphandle kwami kakho umsilisi.

U-Isaya 44:9

Bonke abenza izithombe bayize, lezinto zabo ezithandekayo kazisizi lutho; labo abazidumisayo kababoni, futhi kabazi, ngakho bazayangeka.

U-Isaya 45:15

Impela unguNkulunkulu ozifihlayo, wena Nkulunkulu wakoIsrayeli, loMsilisi.

U-Isaya 45:17

Kodwa uIsrayeli uzakhululwa yiNkosi ngokukhululwa okungapheliyo; kaliyikuyangeka, libe lenhloni, kuze kube nininini.

U-Isaya 45:20

Buthanani, lisondele lonke, lina abaseleyo bezizwe, elingelakho ukwazi, elithwele izithombe zezigodo, likhuleka kunkulunkulu ongelakusiza.

U-Isaya 63:1

Ngubani lo ovela eEdoma, evela eBozira egqoke ingubo ezibomvu, lo ocecileyo ngezingubo zakhe, ehamba ngobukhulu bamandla akhe na? Yimi engikhuluma ngokulunga, engilamandla okusiza.

U-Isaya 63:16

Ngoba wena ungubaba, lanxa uAbrahama engasazi loIsrayeli engasivumi; wena Nkosi ungubaba, ibizo lakho linguMhlengi wethu kusukela endulo.

UJeremiya 14:8

Wena themba likaIsrayeli, mkhululi wakhe ngesikhathi sokuhlupheka, yini ukuba ube njengowezizweni, ube njengesihambi esiphambukela eceleni ukuhlala okobusuku na?

UJeremiya 17:14

Ngisilisa, wena Nkosi, ngisile; ungikhulule ukuba ngikhululwe; ngoba nguwe engikudumisayo.

UJeremiya 17:2

abantwana babo besakhumbula ama‐altare abo, lensika zabo ezimiselwe unkulunkulukazi uAshera eziphansi kwazo zonke izihlahla eziluhlaza, lasemaqaqeni aphakemeyo,

UJeremiya 3:6

INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

UJeremiya 31:7

Ngoba iNkosi ithi: Mhlabeleleni uJakobe ngokuthokoza, liyimemezele induna yezizwe; limemeze, lidumise lithi: INkosi yabakhulula abantu bayo abaseleyo koIsrayeli.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHosiya 1:7

Kodwa ngizahawukela abakoJuda, ngibakhulule mina Nkosi uNkulunkulu wabo; kangiyikubakhulula ngomtshoko, loba ngomkhonto, loba ngempi, loba ngamabhiza, langabagadi bamabhiza.

UJohane 4:22

Lina likhonza elingakwaziyo, thina sikhonza esikwaziyo; ngoba ukusiliswa kuvela kubaJuda.