UJeremiya 3:22 - iBhayibhili Elingcwele 1978

²² Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

IBhayibhili Elingcwele LesiNdebele

²² “Phendukani, bantu abangathembekanga, ngizalelapha ukungathembeki kwenu.” “Yebo, sizakuza kuwe, ngoba unguThixo uNkulunkulu wethu.

UJeremiya 3:22 ပူးပေါင်းရင်းမြစ်များ

Ingoma 1:4

Ngidonsa, sigijime; ungingenise endlini yakho, nkosi. Sizekujabula sithokoze ngawe, sibabaze uthando lwakho ukwedlula iwayini; kufanele ukuba uthandwe.

U-Isaya 1:2

Zwanini, mazulu; ulalele lawe mhlaba, ngoba iNkosi isikhulumile, yathi: Ngondlile ngakhulisa abantwana, kodwa bangivukela.

U-Isaya 27:8

Ngokubaxotsha langokubasa ekuthunjweni ibatshayile abantu bayo; yabasusa ngomoya wayo olamandla ngokuphephetha komoya wasempumalanga.

U-Isaya 31:6

Lina bantu bakoIsrayeli, buyelani kuye elimhlamukileyo kakubi.

U-Isaya 57:17

Ngenxa yobubi bukaIsrayeli obukhulu ngathukuthela, ngamtshaya ekuthukutheleni kwami, ngamlahla; kodwa kwaqhubeka ukuhlamuka kwakhe.

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

UJeremiya 30:17

Ngoba ngizabuyisa ukusila kwakho, ngelaphe amanxeba akho, kutsho iNkosi. Ngoba bakubize ngokuthi: Ungolahliweyo, leZiyone elingafunwa muntu.

UJeremiya 31:18

Ngimzwile uEfrayimi ekhala esithi: Ungitshayile, ngatshaywa njengethole elingathambanga; ngibuyisa ukuze ngibuye, ngoba wena uyiNkosi uNkulunkulu wami.

UJeremiya 33:6

Kodwa ngizawulethela ukuphila lokusiliswa; ngizabasilisa abantu bawo, ngibatshengise ukuphumelela lokulondoloza kwami okunengi.

UJeremiya 4:1

Uba uphenduka, wena Israyeli, kutsho iNkosi, phendukela kimi. Uba ususa phambi kwami izinengiso zakho, ungasuki kimi,

UHezekhiyeli 18:30

Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 14:4

INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

UHosiya 14:5

Ngizakuba njengamazolo kuIsrayeli; uzakhahlela njengomduze, agxumekeke njengomkhaya omhlophe.

UHosiya 14:8

UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

UJoweli 2:12

Kanti lakhathesinje, kutsho iNkosi, phendukelani kimi ngenhliziyo zenu zonke, ngokuzila ukudla, langokukhala, langokulila,

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.