UJeremiya 3:21 - iBhayibhili Elingcwele 1978

²¹ Ilizwi liyezwakala emadundulwini angelalutho, elokukhala lokukhuleka kwabantwana bakoIsrayeli, ngoba beyonile indlela yabo, bayikhohlwa iNkosi uNkulunkulu wabo.

IBhayibhili Elingcwele LesiNdebele

²¹ Ilizwi liyezwakala emiqolweni elugwadule, ukukhala lokuncenga kwabantu bako-Israyeli, ngoba izindlela zabo bazonile bakhohlwa loThixo uNkulunkulu wabo.

UJeremiya 3:21 ပူးပေါင်းရင်းမြစ်များ

UJobe 33:27

ehlabela phambi kwabantu esithi: Ngonile, ngahlanekela okulungileyo, kodwa kakubalelwanga kimi.

Izaga 10:9

Ohamba ngobuqotho uhamba evikelekile, kodwa ohlanekela indlela zakhe uzakuwa.

Izaga 19:3

Ubuthutha bomuntu buyamchitha, abeseyithukuthelela iNkosi.

U-Isaya 15:2

Abantu baseDiboni bakhwela endaweni eziphakemeyo zokukhonzela ukuyakhala; abantu baseMowabi bakhalela iNebo leMedeba; bonke baphucile amakhanda, bagela lezindevu;

U-Isaya 17:10

Ngoba wena Israyeli umkhohliwe uNkulunkulu wokukhululwa kwakho, kawulikhumbulanga leDwala, isiphephelo sakho. Ngoba uyahlanyela izithombo ezinhle, ugxumeke amahlumela abonkulunkulu bezizwe,

U-Isaya 57:11

Wesaba bani kangaka ukuze uqambe amanga ungangikhumbuli, ungangifaki enhliziyweni yakho na? Kawusangesabi ngoba ngithule okwesikhathi eside na?

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 13:25

Lokhu yikho ukuphela kwakho, lesabelo engikukhethele sona, kutsho iNkosi; ngoba ungikhohliwe, wathemba onkulunkulu bamanga.

UJeremiya 18:15

Kodwa abantu bami bangikhohliwe, batshisela onkulunkulu bamanga impepha; bakhubeka endleleni zabo, emigwaqweni yasendulo, baphambukela ezindledlaneni, kabahambanga ngemigwaqo;

UJeremiya 2:32

Intombi ingazikhohlwa yini iziceco zayo lomlobokazi izambatho zakhe na? Kanti abantu bami bangikhohliwe insuku ezingelakubalwa.

UJeremiya 3:2

Phakamisela amehlo akho emadundulwini angelalutho, ubone. Kungaphi lapho ungalalelwanga khona na? Ngasezindleleni wahlalela izithandwa njengomArabiya enkangala. Ulingcolisile ilizwe ngobufebe bakho obubi.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UJeremiya 7:29

Gelani inwele zenu, lizilahle, lina bantu baseJerusalema; lilile emadundulwini angelalutho; ngoba iNkosi isalile yasilahla isizukulwana esivuse ulaka lwayo.

UHezekhiyeli 23:35

Ngalokho iNkosi uNkulunkulu ithi: Ngoba ungikhohliwe, wangilahla nyovane, thwala umvuzo wamanyala akho lokuwula kwakho.

UHezekhiyeli 7:16

Uba kukhona ababalekela ezintabeni bazakuba njengamajuba avela esihotsheni; bakhale bonke bekhalela ububi babo.

UHosiya 13:6

Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

UHosiya 8:14

UIsrayeli umkhohliwe uMenzi wakhe, wazakhela izindlu zamakhosi; uJuda wandisile imizi ebiyelweyo; kodwa ngizathumela umlilo phezu kwemizi yakhe, ozaqothula inqaba zakhe.

UMikha 3:9

Zwanini lokhu, lina zinhloko zendlu kaJakobe, lani zikhulu zendlu kaIsrayeli, elinengwa yikulunga, lihlanekele bonke ubuqotho,

AmaNani 22:32

Isithunywa seNkosi sathi kuye: Umtshayeleni ubabhemi wakho kathathu na? Khangela, ngizile ukukuvimbela, ngoba indlela yakho imbi kimi;

2 AbaseKhorinte 7:10

Ngoba ukudabuka okuthwalwa ngendlela kaNkulunkulu kuletha ukuphenduka angezisole ngakho umuntu, kuveze ukusiliswa; kodwa ukudabuka okuthwalwa ngendlela yomhlaba kuletha ukufa.