UJeremiya 3:2 - iBhayibhili Elingcwele 1978

² Phakamisela amehlo akho emadundulwini angelalutho, ubone. Kungaphi lapho ungalalelwanga khona na? Ngasezindleleni wahlalela izithandwa njengomArabiya enkangala. Ulingcolisile ilizwe ngobufebe bakho obubi.

IBhayibhili Elingcwele LesiNdebele

² “Khangela emiqolweni elugwadule ubone. Kungaphi lapho ongazange udlwangululwe khona? Emigwaqweni wahlala ulindele izithandwa, wahlala njengomhambuma enkangala. Ulingcolisile ilizwe ngobufebe bakho langobubi bakho.

UJeremiya 3:2 ပူးပေါင်းရင်းမြစ်များ

UGenesisi 38:14

Wasekhupha ingubo zakhe zobufelwakazi, wazimbomboza, wembatha, wahlala esangweni leEnayima, elisendleleni eya eTimina; ngoba wabona ukuthi uShela esekhulile, engendiswanga kuye.

1 AmaKhosi 11:3

Wayelabafazi abangamakhulu ayisikhombisa ababengamakhosikazi, labanye abafazi abangamakhulu amathathu; baphambukisa inhliziyo yakhe kuNkulunkulu.

2 AmaKhosi 23:13

Inkosi yangcolisa indawo eziphakemeyo zokukhonzela ezazingasempumalanga kweJerusalema, ngaseningizimu kwentaba ethiwa iOliveti, uSolomoni inkosi yakoIsrayeli eyayizakhele uAshitorethi unkulunkulukazi oyisinengiso samaSidoni, loKemoshi unkulunkulu oyisinengiso saseMowabi, loMilkomu unkulunkulu oyisinengiso samaAmoni.

AmaHubo 106:38

bachitha igazi elingelacala, igazi lamadodana lamadodakazi abo, abanikela ngawo ezithombeni zaseKanani; ilizwe lagcwala igazi.

Izaga 23:28

Ucathama njengomphangi, andise abangathembekanga.

Izaga 7:11

eziqakisa engathembekanga, engathandi ukuhlala emzini wakhe,

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 2:23

Ungatsho kanjani ukuthi: Kangingcolanga, kangilandelanga oBali na? Khangela ukuziphatha kwakho esigodini, wazi ukuba wenzeni. Unjengekamela elisikazi elizulazulayo emizileni yalo,

UJeremiya 2:7

Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UJeremiya 3:21

Ilizwi liyezwakala emadundulwini angelalutho, elokukhala lokukhuleka kwabantwana bakoIsrayeli, ngoba beyonile indlela yabo, bayikhohlwa iNkosi uNkulunkulu wabo.

UJeremiya 3:9

Ngoba ubufebe babuyinto elula kuye wangcolisa ilizwe ngokufeba kwakhe langokukhonza amatshe lezihlahla.

UJeremiya 7:29

Gelani inwele zenu, lizilahle, lina bantu baseJerusalema; lilile emadundulwini angelalutho; ngoba iNkosi isalile yasilahla isizukulwana esivuse ulaka lwayo.

UHezekhiyeli 16:16

Wathatha ezinye izambatho zakho, wacecisa ngazo indawo zokukhonzela, wawulela lapho.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHosiya 2:5

Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

ULukha 16:23

Sesisendaweni yabafileyo saphakamisa amehlo aso, sisebuhlungwini, sabona uAbrahama ekhatshana, loLazaro esesifubeni sakhe.

UDutheronomi 12:2

Impela lizakudiliza zonke indawo lapho izizwe elizakuzinqoba zazikhonzela khona onkulunkulu bazo, ezintabeni eziphakemeyo lasemaqaqeni langaphansi kwezihlahla zonke eziluhlaza;