UJeremiya 3:19 - iBhayibhili Elingcwele 1978

¹⁹ Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

IBhayibhili Elingcwele LesiNdebele

¹⁹ Mina ngokwami ngathi, ‘Kade ngingathaba kakhulu ukuliphatha njengamadodana, ngilinike ilizwe elifunekayo, ilifa elihle kakhulu ezizweni zonke.’ Bengicabanga ukuthi lizangibiza ngokuthi ‘Baba’ njalo lingaphambuki ekungilandeleni.

UJeremiya 3:19 ပူးပေါင်းရင်းမြစ်များ

AmaHubo 106:24

Baleya ilizwe elihle, bengasikholwa isithembiso sakhe.

AmaHubo 16:6

Imingcele yesabelo sami isezindaweni ezinhle; yebo, ngilalo ilifa elihle.

AmaHubo 89:26

Uzakungibiza ngokuthi: Wena unguBaba loNkulunkulu wami, idwala lami, lomkhululi wami.

Izaga 3:35

Abahlakaniphileyo bazakuzuza udumo, kodwa abayizithutha bazazuza ihlazo.

U-Isaya 63:16

Ngoba wena ungubaba, lanxa uAbrahama engasazi loIsrayeli engasivumi; wena Nkosi ungubaba, ibizo lakho linguMhlengi wethu kusukela endulo.

U-Isaya 64:8

Kanti, Nkosi, wena ungubaba; thina silibumba, wena ungumbumbi wethu; sonke singumsebenzi wezandla zakho.

UJeremiya 12:10

Abelusi abanengi basichithile isivini sami, basinyathezela phansi isabelo sami, isabelo sami esihle basenza saba yinkangala engelalutho.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 3:4

Kawusand’ ukumemeza kimi yini ukuthi: Baba, wena ungumngane wobutsha bami?

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UHezekhiyeli 20:6

Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

UDanyeli 11:16

Kodwa ehlaselayo izakwenza ekuthandayo, kungabi khona loyedwa oyimelayo. Izakuma elizweni elihle, lonke libe sesandleni sayo.

UDanyeli 11:41

Izangena elizweni elihle, ibulale amatshumi azinkulungwane; kodwa iEdoma leMowabi lengxenye enkulu yabaseAmoni bazaphunyuka esandleni sayo.

UDanyeli 11:45

Izamisa amathente ayo obukhosi phakathi kolwandle lentaba enhle engcwele. Kodwa izakufa, kungekho ongayisiza.

UDanyeli 8:9

Kolunye lwazo kwaphuma uphondo oluncinyane, lwakhula kakhulu, lwatshengisa amandla ayo ngasenginizimu langasempumalanga langaselizweni elihle.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

AbaseGalathiya 3:26

Ngoba lina lonke lingabantwana bakaNkulunkulu ngokukholwa kuKristu Jesu.

Abase-Efesu 1:5

Wasimisela ngothando ukuba sibe ngabantwana bakhe ngoJesu Kristu, ngokwecebo lentando yakhe,

UDutheronomi 14:1

Lina lingabantwana beNkosi uNkulunkulu wenu. Kaliyikuzisika, lingaziphuculi emabunzini enu ngenxa yabafileyo.

AmaHebheru 10:39

Kodwa thina kasisibo abahlehlela emuva babhujiswe; singabokukholwa, ukuze kusiliswe imiphefumulo yethu.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.