UJeremiya 3:18 - iBhayibhili Elingcwele 1978

¹⁸ Ngalezonsuku indlu yakoJuda izahlangana lendlu yakoIsrayeli, ziphume kanyekanye elizweni lasenyakatho, zize elizweni engalinika okhokho benu ukuba libe ngelabo.

IBhayibhili Elingcwele LesiNdebele

¹⁸ Ngalezonsuku indlu kaJuda izahlangana leka-Israyeli, njalo ndawonye, zivela elizweni elisenyakatho, zizakuza elizweni engalinika okhokho benu ukuba libe yilifa labo.

UJeremiya 3:18 ပူးပေါင်းရင်းမြစ်များ

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

U-Isaya 43:5

Ungesabi, ngoba mina ngilawe; ngizakhupha inzalo yakho ngasempumalanga, ngikubuthe langasentshonalanga;

U-Isaya 43:6

ngitsho lakuyo inyakatho ngithi: Bakhulule; lakuyo iningizimu ngithi: Ungabaleli; buyisani amadodana ami akhatshana, lamadodakazi ami ezindaweni zonke,

UJeremiya 16:15

kodwa kuzakuthiwa: Ngifunga iNkosi eyabakhupha abakoIsrayeli elizweni lasenyakatho lasemazweni ababexotshelwe kiwo. Ngoba ngizababuyisa elizweni lakibo engalinika okhokho babo.

UJeremiya 23:8

Kodwa bazakuthi: Ngifunga iNkosi eyakhupha yakhokela inzalo yendlu kaIsrayeli elizweni lasenyakatho lakuwo wonke amazwe eyayiyixotshele kuwo. Ng’khona izahlala elizweni lakibo.

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

UJeremiya 30:3

Ngoba insuku ziyeza, lapho ngizabuyisa abantu bami uIsrayeli loJuda, kutsho iNkosi. Ngizababuyisela elizweni engalinika okhokho babo, libe ngelabo.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 50:20

Ngalezonsuku langalesosikhathi, kutsho iNkosi, kuzadingwa ukona koIsrayeli, kodwa kungafunyanwa; kudingwe lesono koJuda, kodwa singafunyanwa; ngoba ngizabathethelela labo abayingcosana engibatshiyayo.

UJeremiya 50:4

Ngalezonsuku langalesosikhathi, kutsho iNkosi, abantu bakoIsrayeli labantu bakoJuda bazabuthana ndawonye, bazahamba bekhala, bedinga iNkosi uNkulunkulu wabo.

UJeremiya 50:5

Bazabuza indlela eya eZiyone, bekhangele ngakulo, bathi: Wozani, sizihlanganise leNkosi ngesivumelwano esingapheliyo esingayikukhohlakala.

UJeremiya 7:7

ngizakuliyekela ukuba lihlale kulindawo, elizweni engalinika okhokho benu kusukela endulo kuze kube nininini.

UHezekhiyeli 11:17

Ngakhoke tshono uthi iNkosi uNkulunkulu ithi: Ngizabaqoqa ezizweni, ngibabuthe emazweni engibachithachithele kiwo, ngibanike ilizwe lakoIsrayeli.

UHosiya 1:11

AbakoJuda labakoIsrayeli bazabuthana ndawonye, bazikhethele umkhokheli abe munye, bagcwale baze beqe imingcele yelizwe, ngoba luzakuba lukhulu usuku lwaseJezereli.

UHosiya 11:12

INkosi ithi: UEfrayimi ungizingelezele ngamanga, loIsrayeli ungiphahlile ngenkohliso; loJuda uyangihlamuka, mina othembekileyo loNgcwele.

UHosiya 2:2

Solani unyoko, limsole, ngoba kasuye umkami, lami kangisiyo indoda yakhe, ukuba ayekele ukuwula kwakhe, asuse izigqizo zokufeba kwakhe emabeleni akhe,

uAmosi 9:15

Ngizakubagxumeka elizweni labo, bangabe besasitshulwa futhi elizweni engibanike lona, kutsho iNkosi uNkulunkulu wakho.

UZakhariya 10:6

Mina Nkosi ngizamqinisa uJuda, ngikhulule uJosefa. Ngizababuyisa ngoba ngilesihawu kibo, babe njengokungathi kangizanga ngibalahle; ngoba ngiyiNkosi uNkulunkulu wabo, ngizabaphendula.

UZakhariya 2:6

Heyi! Balekani elizweni lasenyakatho, kutsho iNkosi; ngilihlakazele emazweni wonke njengemimoya yomine yaphezulu.