UJeremiya 3:17 - iBhayibhili Elingcwele 1978

¹⁷ Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

IBhayibhili Elingcwele LesiNdebele

¹⁷ Ngalesosikhathi iJerusalema bazalibiza ngokuthi yisiHlalo Sobukhosi sikaThixo, njalo izizwe zonke zizabuthana eJerusalema ukuba zihloniphe ibizo likaThixo. Kabasayikulandela inkani yezinhliziyo zabo ezimbi.

UJeremiya 3:17 ပူးပေါင်းရင်းမြစ်များ

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

1 AmaKhosi 8:41

Futhi owezizweni ongesuye wasebantwini bakho uIsrayeli evela elizweni elikhatshana ngenxa yebizo lakho

AmaHubo 102:23

Yanciphisa amandla ami ebutsheni bami, yaphungula insuku zami.

AmaHubo 78:8

bangabi njengokhokho babo, ababeyisizukulwana esimakhanda alukhuni lesilenkani, isizukulwana esinhliziyo engaqinanga, lesimoya waso wawungathembekanga kuNkulunkulu.

AmaHubo 87:3

Kukhulunywa ngawe izinto ezidumileyo, wena muzi kaNkulunkulu!

U-Isaya 26:8

Nkosi, sihambe endleleni yemilayo yakho, sakuthemba; imiphefumulo yethu ilangatha ibizo lakho lezikhumbuzo zakho.

U-Isaya 56:6

Labezizwe abazihlanganisa leNkosi ukuyikhonza lokuthanda ibizo layo, babe yizinceku zayo, bonke abagcina iSabatha, bengaloni, bebambelela esivumelwaneni sami,

U-Isaya 59:19

Bazakulesaba ibizo leNkosi entshonalanga, besabe ubukhulu bayo empumalanga; ngoba izakufika njengomfula okhukhulayo, ofuqwa ngumoya weNkosi.

U-Isaya 6:1

Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

U-Isaya 66:1

INkosi ithi: Izulu liyisihlalo sami sobukhosi, lomhlaba uyisigcabha senyawo zami; ngenjani leyondlu ebelizakungakhela yona, ngenjani lendawo yami yokuphumula na?

U-Isaya 66:18

Ngiyeza ukubutha zonke izizwe lemihlobo yonke, kuzafika, kubone ubukhulu bami.

U-Isaya 66:20

Bazabuyisa bonke abafowenu bebakhupha kuzo zonke izizwe, babe yisipho eNkosini; bazababuyisa ngamabhiza langezinqola zokulwa, langamathala, langezimbongolo, langamakamela, entabeni yami engcwele iJerusalema, kutsho iNkosi, njengabakoIsrayeli beletha iminikelo yabo yempuphu ngezitsha zabo ezihlambulukileyo endlini yeNkosi.

UJeremiya 11:8

Kodwa kabezwanga, kabalalelanga; kodwa benza kwaba yilowo lalowo ngokwenkani yenhliziyo yakhe. Ngasengisehlisela phezu kwabo wonke lamazwi alesisivumelwano engabalaya ukuwagcina, kodwa kabawagcinanga.

UJeremiya 12:15

Ngemva kokubasiphuna kwami, ngizabuya ngibe lesihawu kubo, ngibabuyise futhi kube yilowo lalowo endaweni yakhe lelizweni lakibo.

UJeremiya 12:16

Kuzakuthi uba bezazifunda kuhle indlela zabantu bami, bafunge ibizo lami bathi: Ngifunga iNkosi; njengalokho bafundisa abantu bami ukufunga uBali, bazakwakha phakathi kwabantu bami.

UJeremiya 14:21

Ungasixotshi, ngenxa yebizo lakho, ungaseyisi isihlalo sobukhosi bakho; sikhumbule, ungasephuli isivumelwano osenze lathi.

UJeremiya 16:12

langoba lina lenze okubi ukwedlula okhokho benu; ngoba lonke lilandela inkani yenhliziyo zenu ezimbi, liyala ukungilalela.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UJeremiya 17:12

Indlu yethu engcwele injengesihlalo sobukhosi esilenkazimulo, esabekwa phezulu kusukela ekuqaleni.

UJeremiya 18:12

Kodwa bona bathi: Lokho kakusizi lutho. Sizalandela awethu amacebo, sonke senze ngenkani yenhliziyo zethu ezimbi.

UJeremiya 3:19

Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

UJeremiya 31:23

INkosi yamabandla, uNkulunkulu kaIsrayeli, ithi: Bazabuya batsho lamazwi elizweni lakoJuda lasemizini yakhona, lapho sengibabuyisile abantu bakibo bathi: INkosi ikubusise, wena khaya lokulunga, lawe ntaba engcwele.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

UHezekhiyeli 43:7

wathi kimi: Ndoda, le yindawo yesihlalo sami sobukhosi lendawo yenyawo zami, lapho ngizahlala khona phakathi kwabantu bakoIsrayeli kokuphela. AbakoIsrayeli kabasayikungcolisa ibizo lami elingcwele, bona lamakhosi abo, ngokuwula kwabo langezidumbu zamakhosi abo,

UHezekhiyeli 48:35

Inxa zonke zomuzi zizakuba zingalo eziyizinkulungwane ezilitshumi laficaminwembili. Ibizo lomuzi kusukela nje lizakuthiwa. INkosi ilapho.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

UZakhariya 8:8

ngibalethe ukuba bahlale phakathi kweJerusalema, babe ngabantu bami, lami ngibe nguNkulunkulu wabo ngeqiniso langokulunga.

AmaNani 15:39

Kuzakuthi lapho likukhangela lokhu, likhumbule yonke imilayo yeNkosi, liyenze, lingalandeli lokho inhliziyo zenu ezikufisayo lamehlo enu akubonayo, okulamandla okuliduhisa.

AbaseRoma 1:21

ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.

AbaseRoma 6:14

isono kasiyikubusa phezu kwenu ngoba kalingaphansi komlayo, kodwa lingaphansi komusa.

AbaseGalathiya 4:26

Kodwa iJerusalema eliphezulu likhululekile, lona lingumama wethu.

UDutheronomi 29:29

Izimfihlakalo zingezeNkosi uNkulunkulu wethu, kodwa izinto ezambuliweyo zingezethu lezabantwana bethu kuze kube nininini, ukuba sigcine wonke amazwi alumlayo.

Abahluleli 2:19

Kodwa kuthi lapho umahluleli esefile, babuyele emuva benze okubi ukwedlula okhokho babo, balandele abanye onkulunkulu, babakhonze bakhothame kibo; kabayekelanga lokukodwa kwezenzo zabo lokwendlela zabo zenkani.