UJeremiya 3:16 - iBhayibhili Elingcwele 1978

¹⁶ Kuzakuthi lapho selandile laba banengi elizweni, ngalezonsuku kabasayikukhuluma ngomtshokotsho wesivumelwano seNkosi, kutsho iNkosi. Kakusayikucatshangwa ngawo, kawusayikukhunjulwa, kawusayikukhalelwa, kakusayikwenziwa omunye.

IBhayibhili Elingcwele LesiNdebele

¹⁶ Ngalezonsuku, ubunengi benu sebande kakhulu elizweni,” kutsho uThixo, “abantu kabasayikuthi, ‘Ibhokisi lesivumelwano sikaThixo.’ Kaliyikufika emicabangweni yabo kumbe likhunjulwe; kaliyikudingakala, njalo akuyikwenziwa elinye futhi.

UJeremiya 3:16 ပူးပေါင်းရင်းမြစ်များ

U-Isaya 60:22

Usendo oluncinyane luzakuba ngabantu abanengi, labayingcosana babe yisizwe esilamandla. Ngizakukwenza lokhu ngesikhathi esifaneleyo. Mina ngiyiNkosi.

U-Isaya 61:4

Bazakwakha amanxiwa amadala, bavuse izindawo zakudala ezichithekileyo, balungise imizi edilikileyo, lazo zonke indawo ezindala ezichithekileyo.

U-Isaya 65:17

Khangela, ngiyadala izulu elitsha lomhlaba omutsha, izinto zakuqala kazisayikukhunjulwa, kazisayikuphinda zifike engqondweni.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 30:19

Kuzaphuma kubo ingoma zokubonga, lokumemeza kwabathokozayo. Ngizakubandisa babe banengi, bazahlonitshwa, bangabi balutshwana.

UJeremiya 31:27

Khangela, insuku ziyeza, kutsho iNkosi, lapho ngizahlanyela indlu kaIsrayeli lendlu kaJuda ngenhlanyelo yabantu lenhlanyelo yenyamazana.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 7:4

Lingathembi amazwi la akhohlisayo okuthi: Leli lithempeli leNkosi, ithempeli leNkosi, ithempeli leNkosi.

UHezekhiyeli 15:5

Sisaphelele sasingasetshenziswa lutho; pho, lapho umlilo ususitshisile sesihaqazekile, singabe sisasetshenziswa na?

UHezekhiyeli 37:26

Ngizakwenza labo isivumelwano sokuthula, sibe yisivumelwano esingelakuphela. Ngizababusisa ngibandise, ngakhe indlu yami engcwele phakathi kwabo kokuphela.

uAmosi 9:9

Ngoba ngizakulaya ukuba uIsrayeli ahlungulwe phakathi kwazo zonke izizwe njengokuhlungulwa kwamabele ngokhomane, kodwa kakuyikuwela phansi lolulodwa uhlamvu.

UZefaniya 3:11

Ngalolosuku lina bantu bami, kaliyikuyangeka ngenxa yezenzo eliphambuka ngazo kimi, ngoba ngizakhupha phakathi kwenu labo abazikhukhumezayo; kalisayikuziphakamisa entabeni yami engcwele.

UMatewu 1:11

uJosiya wazala uJekoniya labafowabo ngesikhathi sokuthunjelwa kwabo eBabiloni.

UMatewu 3:9

Lingacabangi ukuba lingatsho phakathi kwenu ukuthi: Silobaba uAbrahama. Ngoba ngithi kini: UNkulunkulu ulamandla okumenzela uAbrahama abantwana kulamatshe.