UJeremiya 3:14 - iBhayibhili Elingcwele 1978

¹⁴ Buyani, bantwana abangathembekanga, kutsho iNkosi; ngoba ngiyinkosi yenu. Ngizalithatha, abe munye emzini, babe babili kulo usendo, ngililethe eZiyone.

IBhayibhili Elingcwele LesiNdebele

¹⁴ “Phendukani, bantu abangathembekanga,” kutsho uThixo, “ngoba ngingumyeni wenu. Ngizalikhetha, oyedwa edolobheni lababili emulini ngililethe eZiyoni.

UJeremiya 3:14 ပူးပေါင်းရင်းမြစ်များ

2 ImiLando 30:6

Ngakho izigijimi zahamba kulo lonke elakoIsrayeli lelakoJuda ziphethe incwadi ezivela enkosini lezikhulu zayo ezitsho ilizwi lenkosi elithi: Bantu bakoIsrayeli, buyelani eNkosini, uNkulunkulu kaAbrahama loIsaka loIsrayeli, ukuze ibuyele kulabo benu abaphunyukileyo ezandleni zamakhosi eAsiriya.

U-Isaya 1:9

Uba iNkosi yamabandla ibingasitshiyelanga ingcosana yabantu, besizakuba njengeSodoma, sifane leGomora.

U-Isaya 10:22

Ngoba lanxa abantu bakho, Israyeli, bengangetshebetshebe lolwandle, kuzakubuya phakathi kwabo abaseleyo kuphela; ukuchitheka kumisiwe okubafaneleyo.

U-Isaya 17:6

kungasali lutho khona, kuphela izikhwebu ezidojiweyo; loba njengesihlahla seoliva esijikijelwayo esilezithelo ezimbili loba ezintathu ezisegqongeni yaso, ezine loba ezinhlanu engatsheni zesihlahla sezithelo, kutsho iNkosi uNkulunkulu kaIsrayeli.

U-Isaya 27:12

Kuzakuthi ngalolosuku iNkosi ibhule amabele, kusukela emfuleni iYufrathi kuze kube semfuleni waseGibithe; lizakubuthwa ngamunye ngamunye, lina bakoIsrayeli.

U-Isaya 31:6

Lina bantu bakoIsrayeli, buyelani kuye elimhlamukileyo kakubi.

U-Isaya 44:22

Ngesule iziphambeko zakho njengeyezi, lezono zakho njengenkungu; buyela kimi, ngoba ngikuhlengile.

U-Isaya 54:5

Ngoba uMenzi wakho nguye ongumkakho, obizwa ngokuthi yiNkosi yamabandla; loNgcwele kaIsrayeli unguMhlengi wakho, obizwa ngokuthi nguNkulunkulu womhlaba wonke.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

U-Isaya 57:17

Ngenxa yobubi bukaIsrayeli obukhulu ngathukuthela, ngamtshaya ekuthukutheleni kwami, ngamlahla; kodwa kwaqhubeka ukuhlamuka kwakhe.

U-Isaya 6:13

Lanxa kusele kulo ingxenye yetshumi yabantu, izatshiswa, njengesihlahla esikhulu, okusasele isidindi saso emhlabathini, lapho isihlahla sesiganyuliwe. — Esidindini kuzavela okutsha —

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UJeremiya 23:3

Ngizabutha eziseleyo emhlambini wami kuwo wonke amazwe lapho ngizixotshele khona, ngizibuyise futhi esibayeni sazo, zizazala, zande.

UJeremiya 29:14

lizangifumana, kutsho iNkosi, ngilibuyise ekuthunjweni kwenu, ngiliqoqe kuzo zonke izizwe lakuzo zonke indawo lapho ngilixotshele khona, ngilibuyise endaweni engalithumba kuyo.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UJeremiya 3:12

Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

UJeremiya 3:8

Wabona ukuthi ngenxa yobufebe bonke bukaIsrayeli ongathembekanga, ngamxotsha ngamnika lencwadi yesahlukaniso; kodwa udadewabo ongathembekanga uJuda kesabanga, laye wasuka wafeba.

UJeremiya 31:12

Bazakuza bahlabele entabeni yaseZiyone, bazathokoza kakhulu ngokuhle kweNkosi, ngamabele lewayini, langamafutha, bathokoze ngamazinyane ezimvu, langamathole enkomo; ukuphila kwabo kube njengensimu ethelelwayo, bangabe besaba losizi futhi.

UJeremiya 31:32

esingenjengesivumelwano engasenza lokhokho babo mhla ngibabamba ngesandla sami ukubakhupha elizweni laseGibithe, ngitsho isivumelwano sami abasaphulayo, lanxa ngangiyiNkosi yabo, kutsho iNkosi.

UJeremiya 31:6

Ngoba luzakuba khona usuku lapho abalindi bezamemeza emaqaqeni akoEfrayimi, bathi: Sukani, siye eZiyone, eNkosini uNkulunkulu wethu.

UHosiya 5:15

Ngizabuyela futhi endaweni yami, baze bavume icala labo, bangidinge; osizini lwabo bangidingisise.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

AbaseRoma 9:27

UIsaya laye umemeza ngoIsrayeli esithi: Lanxa inani labakoIsrayeli lingangetshebetshebe lolwandle, kuzakusiliswa abalutshwana kuphela.