UJeremiya 3:12 - iBhayibhili Elingcwele 1978

¹² Hamba uyememezela lamazwi ngasenyakatho uthi: Buya wena Israyeli ongathembekanga, kutsho iNkosi. Kangiyikukuthukuthelela, ngoba ngilesihawu, itsho iNkosi. Kangiyikuthukuthela kokuphela.

IBhayibhili Elingcwele LesiNdebele

¹² Hamba, uyememezela ilizwi leli ngasenyakatho: ‘Phenduka Israyeli ongathembekanga,’ kutsho uThixo, ‘Kangisayikukuhwaqela futhi, ngoba ngilesihawu,’ kutsho uThixo. ‘Kangiyikuthukuthela kokuphela.

UJeremiya 3:12 ပူးပေါင်းရင်းမြစ်များ

UGenesisi 4:7

Angithi uba usenza kuhle, uzakwamukeleka na? Kodwa uba ungenzi kuhle, isono siyakucathamela ngasemnyango sikunxwanele, kodwa umele ukusibusa.

2 AmaKhosi 15:29

Ensukwini zikaPeka inkosi yakoIsrayeli uTigilathi‐Pileseri inkosi yaseAsiriya wafika wathumba iIjoni, leAbeli‐Beti‐Mahaka, leJanowa, leKedeshi, leHazori, leGileyadi, leGalili, lonke ilizwe lakoNafitali; wathumba abantu, wabesa eAsiriya.

2 AmaKhosi 17:23

iNkosi yaze yamsusa uIsrayeli phambi kwayo njengokutsho kwayo ngazo zonke inceku zayo abaprofethi. Ngakho uIsrayeli wathunjwa elizweni lakhe, wasiwa eAsiriya kuze kube lamhla.

2 AmaKhosi 17:6

Yalithatha iSamariya ngomnyaka wesificamunwemunye wokubusa kukaHosheya, yabathumba abakoIsrayeli, yabesa eAsiriya, yababeka eHala laseHabori, umfula waseGozani, lasemizini yamaMede.

2 AmaKhosi 18:1

Ngomnyaka wesithathu wokubusa kukaHosheya indodana kaEla, inkosi yakoIsrayeli, uHezekiya indodana kaAhazi inkosi yakoJuda waba yinkosi.

2 ImiLando 29:10

Kusenhliziyweni yami ukuba senze isivumelwano leNkosi, uNkulunkulu kaIsrayeli, ukuba ulaka lwayo oluvuthayo ludede kithi.

2 ImiLando 30:9

Uba libuyela eNkosini, izihlobo zenu labantwana benu bazafumana isihawu kulabo ababathumbileyo, babuye kulelilizwe. Ngoba iNkosi uNkulunkulu wenu ilomusa lesihawu, kayiyikulifulathela uba libuyela kuyo.

AmaHubo 103:17

Kodwa uthando olungapheliyo lweNkosi lumi kuze kube nininini kubo abayesabayo, lokulunga kwayo kumi kuze kube sebantwaneni babantwana,

AmaHubo 103:8

INkosi ilobubele lesihawu, iyaphuza ukuthukuthela, igcwele uthando olungapheliyo.

AmaHubo 103:9

Kayiyikuthetha njalonjalo, kayiyikuhlala ithukuthele kuze kube nininini.

AmaHubo 145:8

INkosi ilomusa lesihawu, iyaphuza ukuthukuthela, igcwele uthando olungapheliyo.

AmaHubo 79:5

Koze kube nini, Nkosi, uthukuthela, lolaka lwakho luvutha njengomlilo na?

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

Izaga 28:13

Ofihla iziphambeko zakhe kayikuphumelela, kodwa lowo ozivumayo azitshiye, uzahawukelwa.

U-Isaya 31:6

Lina bantu bakoIsrayeli, buyelani kuye elimhlamukileyo kakubi.

U-Isaya 44:22

Ngesule iziphambeko zakho njengeyezi, lezono zakho njengenkungu; buyela kimi, ngoba ngikuhlengile.

UJeremiya 11:6

INkosi yathi kimi: Tshumayela wonke lamazwi emizini yakoJuda lasezindleleni zaseJerusalema, uthi: Zwanini amazwi alesisivumelwano, liwagcine.

UJeremiya 12:15

Ngemva kokubasiphuna kwami, ngizabuya ngibe lesihawu kubo, ngibabuyise futhi kube yilowo lalowo endaweni yakhe lelizweni lakibo.

UJeremiya 23:8

Kodwa bazakuthi: Ngifunga iNkosi eyakhupha yakhokela inzalo yendlu kaIsrayeli elizweni lasenyakatho lakuwo wonke amazwe eyayiyixotshele kuwo. Ng’khona izahlala elizweni lakibo.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UJeremiya 3:14

Buyani, bantwana abangathembekanga, kutsho iNkosi; ngoba ngiyinkosi yenu. Ngizalithatha, abe munye emzini, babe babili kulo usendo, ngililethe eZiyone.

UJeremiya 3:18

Ngalezonsuku indlu yakoJuda izahlangana lendlu yakoIsrayeli, ziphume kanyekanye elizweni lasenyakatho, zize elizweni engalinika okhokho benu ukuba libe ngelabo.

UJeremiya 3:22

Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

UJeremiya 3:5

Uzahlala uthukuthele njalonjalo, elolaka kuze kube sekucineni na? Utsho njalo wena, kodwa uphikilele ukwenza konke okubi.

UJeremiya 3:7

Ngathi uzabuya kimi esekwenzile konke lokhu; kodwa kabuyanga, lodadewabo ongathembekanga uJuda wakubona lokho.

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

UJeremiya 31:21

Zimisele izitshengiso, uzimiscle iziqondiso zendlela, uqaphelise kakhulu indlela, umgwaqo owahamba ngawo. Buya, wena ntombi Israyeli, ubuyele emizini yakini.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 33:26

ngizakulahla inzalo kaJakobe lenzalo kaDavida inceku yami, kangiyikukhetha omunye wenzalo yakhe ukuba abuse phezu kwenzalo kaAbrahama loIsaka loJakobe. Ngoba ngizabuyisa abantu babo, ngibe lesihawu kibo.

UJeremiya 4:1

Uba uphenduka, wena Israyeli, kutsho iNkosi, phendukela kimi. Uba ususa phambi kwami izinengiso zakho, ungasuki kimi,

Izililo 3:22

ukuthi uthando olungapheliyo lweNkosi luhlala njalo, lesihawu sayo kasilakucina.

UHezekhiyeli 11:17

Ngakhoke tshono uthi iNkosi uNkulunkulu ithi: Ngizabaqoqa ezizweni, ngibabuthe emazweni engibachithachithele kiwo, ngibanike ilizwe lakoIsrayeli.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHezekhiyeli 39:25

Ngalokhoke iNkosi uNkulunkulu ithi: Sengizabuyisa abantu bakaJakobe, ngibe lesihawu kuye wonke uIsrayeli, ngibe lomona langebizo lami elingcwele.

UHosiya 6:1

Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

ULevi 26:40

Bazakuvuma ububi babo lobubi baboyise, ububi ababenzayo kimi, futhi abahamba ngabo ngokuphambene lami.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

UDutheronomi 30:2

lizabuyela eNkosini uNkulunkulu wenu lina labantwana benu, lilalele ilizwi layo ngenhliziyo yenu yonke langomphefumulo wenu wonke, kukho konke engililaya khona lamuhla.