UJeremiya 27:9 - iBhayibhili Elingcwele 1978

⁹ Ngakhoke lingabalaleli abaprofethi benu, labavumisayo benu, labaphuphi benu, lezangoma zenu, labathakathi benu abathi kini: Kaliyikuyisebenzela inkosi yaseBabiloni.

IBhayibhili Elingcwele LesiNdebele

⁹ Ngakho lingabalaleli abaphrofethi benu, izanuse zenu, abachazi bamaphupho, izangoma zenu loba izinyanga zenu ezithi kini, kaliyikuyisebenzela inkosi yaseBhabhiloni.’

UJeremiya 27:9 ပူးပေါင်းရင်းမြစ်များ

U-Eksodasi 22:18

Lingayekeli umthakathi ukuba aphile.

U-Eksodasi 7:11

UFaro wasebiza izazi lezangoma, abalumbi baseGibithe, labo benza njalo ngamalumbo abo.

Izaga 19:27

Uba uyekela ukufunda, mntanami, uzaswela amazwi okwazi.

U-Isaya 8:19

Abantu bazakuthi kuwe: Buza emadlozini, lakubathakathi abatshaya imilozwi, banyenyeze; angithi abantu bangabuza kubonkulunkulu babo, babuze kwabafileyo ngabaphilayo na?

UJeremiya 14:14

INkosi yathi kimi: Abaprofethi batshumayela amanga ngebizo lami. Kangibathumanga, kangibalayanga, kangikhulumanga kibo; batshumayela kini imibono yamanga, lokuvumisa okuyize, lenkohliso yengqondo zabo.

UJeremiya 23:16

INkosi yamabandla ithi: Lingawalaleli amazwi abaprofethi abawatshumayela kini belithembisa okuyize, bekhuluma imibono yengqondo zabo, kungesikho okuvela eNkosini.

UJeremiya 23:25

Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

UJeremiya 23:32

Ngimelana lalabo abaxoxa amaphupho amanga, baduhise abantu bami ngamanga abo langokuwalazela kwabo, ngingabathumanga, ngabalaya; ngakho kababasizi ngalutho lababantu, kutsho iNkosi.

UJeremiya 29:8

INkosi yamabandla, uNkulunkulu kaIsrayeli, ithi: Lingavumeli abaprofethi benu labalumbi benu abakhona phakathi kwenu balikhohlise, lingawalaleli amaphupho abawaphuphayo;

UHezekhiyeli 21:29

— usabona imibono yamanga, uvumise amanga — ubekwe ezintanyeni zezixhwali ezimbi, ezilensuku esezifikile, isikhathi sokutshaywa kwazo kokucina.

UDanyeli 4:7

Zasezifika izanuse lezangoma lamaKaladiya labafunda okutshiwo zinkanyezi; ngabatshela iphupho, kodwa behluleka ukungitshela incazelo yalo.

UMikha 3:7

Ababoni bazayangeka, lezanuse zibe lenhloni, bambomboze imilomo yabo, ngoba kungaveli impendulo kuNkulunkulu.

UZakhariya 10:2

Ngoba izithombe ezithiwa amaterafi zikhuluma ize, labalumbi babona okungamanga, labaphuphi balandisa amaphupho ayinkohliso, ukududuza kwabo kuyize. Ngakhoke abantu bayahambahamba njengezimvu, bahlupheke ngoba bengelamalusi.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

Imisebenzi 8:11

Bamlalela ngoba wabamangalisa isikhathi eside ngemilingo yakhe.

Abase-Efesu 5:6

Lingakhohliswa muntu ngamazwi ayize, ngoba ngenxa yalezizinto ulaka lukaNkulunkulu luyehlela phezu kwabantu abangalaleliyo.

UDutheronomi 13:2

besekusenzeka isibonakaliso loba isimangaliso alitshengise sona, athi: Asilandele abanye onkulunkulu elingabaziyo, sibakhonze;

UDutheronomi 18:14

Izizwe lezi elizakuzinqoba ziyalalela abahlola imihlola labavumisayo; kodwa lina, iNkosi uNkulunkulu wenu kayilivumeli ukuba lenze njalo.

UJoshuwa 13:22

LoBalami isanuse indodana kaPeyori, abakoIsrayeli abambulala ngomhedla kanye labanye ababulawayo.

Isambulo 18:23

lokukhanya kwesibane kakusayikukhanya phakathi kwakho; lelizwi lomyeni lomlobokazi kalisayikuzwakala phakathi kwakho; ngoba abathengisi bakho bebeyizikhulu zomhlaba, lezizwe zonke zikhohliswe yikuthakatha kwakho.

Isambulo 21:8

Kodwa amagwala, labangakholwayo, labangcolileyo, lababulali, leziphingi, labathakathi, labakhonza izithombe, labo bonke abaqambi bamanga, isabelo sabo sizakuba echibini elivutha umlilo lesolufa, okuyikufa kwesibili.

Isambulo 22:15

Ngaphandle kukhona izinja, labathakathi, leziphingi, lababulali, labakhonza izithombe, labo bonke abathanda inkohliso beyenza.

Isambulo 9:21

Futhi kabaphendukanga ekubulaleni kwabo, lasekuthakatheni kwabo, lasekuphingeni kwabo, lasekwebeni kwabo.