UJeremiya 27:8 - iBhayibhili Elingcwele 1978

⁸ Kodwa uba isizwe ingabe umbuso ungamsebenzeli uNebukadineza inkosi yaseBabiloni, uthobele ijogwe lenkosi yaseBabiloni, ngizatshaya lesosizwe ngempi langendlala langomkhuhlane, ngize ngisinikele esandleni sakhe ngokupheleleyo, kutsho iNkosi.

IBhayibhili Elingcwele LesiNdebele

⁸ Kodwa, loba yisiphi isizwe loba umbuso ongasebenzeli uNebhukhadineza inkosi yaseBhabhiloni loba ukhothamisele intamo yawo ejogeni lakhe, ngizasijezisa lesosizwe ngenkemba, ngendlala langesifo, ngize ngiwuchithe ngesandla sakhe, kutsho uThixo.

UJeremiya 27:8 ပူးပေါင်းရင်းမြစ်များ

UJeremiya 24:10

Ngizabehlisela impi lendlala lomkhuhlane, baze babhubhe baphele elizweni engibanika lona lokhokho babo.

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UJeremiya 27:11

Kodwa isizwe esizakuthobela inkosi yaseBabiloni, siyisebenzele, ngizasiyekela elizweni laso, ukuba sililime, sakhe kulo, kutsho iNkosi.

UJeremiya 27:13

Lizafelani wena labantu bakho ngempi langendlala langomkhuhlane, njengokutsho kweNkosi mayelana lesizwe esingayikuyisebenzela inkosi yaseBabiloni na?

UJeremiya 28:14

Ngoba iNkosi yamabandla, uNkulunkulu kaIsrayeli, ithi: Ngigaxile ijogwe lensimbi entanyeni yazo zonke lezizizwe ukuba zisebenzele uNebukadineza inkosi yaseBabiloni, futhi zizamsebenzela, ngoba ngimnikile lenyamazana zeganga.

UJeremiya 28:4

Ngibuyise kulindawo futhi uJekoniya indodana kaJehoyakimi, inkosi yakoJuda, labo bonke abathunjwayo koJuda basiwa eBabiloni, ngoba ngizalephula ijogwe lenkosi yaseBabiloni, kutsho iNkosi.

UJeremiya 29:17

ithi: Khangelani, ngiyathuma kibo impi lendlala lomkhuhlane, ngibenze babe njengomkhiwa omubi kakhulu ongadlekiyo ngenxa yobubi bawo.

UJeremiya 29:18

Ngizaxotshana labo ngempi langendlala langomkhuhlane, ngibenze babe yinto eyesabekayo kuyo yonke imibuso yomhlaba, babe yisiqalekiso, lesimangaliso, lento yokuncifelwa, lehlazo, phakathi kwazo zonke izizwe lapho ngibaxotshele khona;

UJeremiya 40:9

UGedaliya indodana kaAhikamu, kaShafani, wafunga kibo labantu babo, wathi: Lingesabi ukukhonza amaKaladiya. Hlalani elizweni, liyisebenzele inkosi yaseBabiloni, kuzalilungela.

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.