UJeremiya 27:7 - iBhayibhili Elingcwele 1978

⁷ Zonke izizwe zizamsebenzela yena lendodana yakhe, lomzukulu wakhe, kuze kufike isikhathi sokuchithwa kwelizwe lakhe; kuzakuthi izizwe ezinengi lamakhosi amakhulu bamenze isigqili.

IBhayibhili Elingcwele LesiNdebele

⁷ Izizwe zonke zizamsebenzela yena lamadodana akhe kanye labazukulu bakhe kuze kufike isikhathi selizwe lakhe lapho azanqotshwa khona yizizwe ezinengi lamakhosi amakhulu.

UJeremiya 27:7 ပူးပေါင်းရင်းမြစ်များ

AmaHubo 37:13

Kodwa iNkosi iyamhleka omubi, ngoba iyabona ukuthi usuku lwakhe lokucina luyeza.

U-Isaya 13:1

Leli yilizwi ngeBabiloni aliboniswayo uIsaya indodana kaAmozi.

U-Isaya 21:9

Khangela, nampa abagadi besiza, abagadi bamabhiza ngababili. Wasesithi: Liwile, liwile iBabiloni; lazo zonke izithombe zabonkulunkulu balo zidilizelwe phansi.

UJeremiya 27:22

Zizasiwa eBabiloni, zihlale khona kuze kufike usuku lokuzikhumbula kwami, kutsho iNkosi. Ng’khona ngizakuzibuyisa kulindawo.

UJeremiya 34:1

Ilizwi leNkosi elafika kuJeremiya, lapho uNebukadineza inkosi yaseBabiloni layo yonke impi yakhe, lemibuso yonke yomhlaba eyayibuswa nguye, labo bonke abantu bakhe, babesilwa leJerusalema layo yonke imizi yalo,

UJeremiya 44:30

INkosi ithi: Khangelani, ngizanikela uFaro Hofra inkosi yaseGibithe ezandleni zezitha zakhe, lasezandleni zalabo abamzingelayo, njengoba nganikela uZedekiya inkosi yakoJuda esandleni sikaNebukadineza inkosi yaseBabiloni, owayeyisitha sakhe emzingela.

UJeremiya 46:13

Ilizwi leNkosi eyalikhuluma kuJeremiya umprofethi ngokuza kukaNebukadineza inkosi yaseBabiloni ukuhlasela iGibithe, lathi:

UJeremiya 52:31

Kwathi ngomnyaka wamatshumi amathathu lesikhombisa wokuthunjwa kukaJehoyakini inkosi yakoJuda, ngosuku lwamatshumi amabili lanhlanu lwenyanga yetshumi lambili, uEvili‐Merodaki inkosi yaseBabiloni, ngomnyaka abekwa ngawo abe yinkosi, waba lomusa kuJehoyakini, wamkhupha entolongweni,

UHezekhiyeli 30:24

Ngizaqinisa ingalo zenkosi yaseBabiloni, ngibeke umkhonto wami esandleni sayo; kodwa ngizakwaphula ingalo zikaFaro, abubule phambi kwayo njengomuntu olimele kubi.

UDanyeli 2:37

Wenake, nkosi, uyinkosi yamakhosi enikwe umbuso nguNkulunkulu ophezulu lamandla lodumo lobukhosi,

UDanyeli 4:22

singuwe, wena nkosi, osukhulile waqina. Ubukhulu bakho sebukhulile, bafinyelela phezulu, lokubusa kwakho kwafinyelela ekucineni komhlaba.

UHabhakhukhi 2:7

Labo olezikwilidi zabo kabayikukujuma na? bakuvukele labo abazakukwenza uthuthumele na? Uzakuba yimpango yabo.

UHabhakhukhi 2:8

Ngoba uziphangile izizwe ezinengi, wachitha igazi labantu, wenza ububi emhlabeni, emizini yonke lakubo bonke abahlala kiyo, bonke abaseleyo emhlabeni bazakukuphanga.

Isambulo 14:8

Salandelwa ngesinye isithunywa sesibili sisithi: Liwile, liwile iBabiloni elikhulu, elinathise izizwe zonke iwayini lolaka lokuphinga kwabo!

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.