UJeremiya 27:10 - iBhayibhili Elingcwele 1978

¹⁰ Ngoba batshumayela amanga kini, ukuba lisuswe elizweni lakini, ngilixotshe kilo, libhubhe.

IBhayibhili Elingcwele LesiNdebele

¹⁰ Baphrofetha amanga kini azasebenza ukulisusa nje kuphela emazweni enu; ngizalixotsha njalo lizabhubha.

UJeremiya 27:10 ပူးပေါင်းရင်းမြစ်များ

U-Eksodasi 22:18

Lingayekeli umthakathi ukuba aphile.

UJeremiya 14:14

INkosi yathi kimi: Abaprofethi batshumayela amanga ngebizo lami. Kangibathumanga, kangibalayanga, kangikhulumanga kibo; batshumayela kini imibono yamanga, lokuvumisa okuyize, lenkohliso yengqondo zabo.

UJeremiya 23:16

INkosi yamabandla ithi: Lingawalaleli amazwi abaprofethi abawatshumayela kini belithembisa okuyize, bekhuluma imibono yengqondo zabo, kungesikho okuvela eNkosini.

UJeremiya 23:25

Ngizwile ukuba batheni abaprofethi abatshumayela amanga ebizweni lami besithi: Ngiphuphile, ngiphuphile!

UJeremiya 27:14

Ungawalaleli amazwi abaprofethi abathi kuwe: Kaliyikuyisebenzela inkosi yaseBabiloni; ngoba balitshumayeza amanga.

UJeremiya 27:15

Kangibathumanga mina, kutsho iNkosi, kodwa batshumayela amanga ngebizo lami, ukuze ngilixotshe, libhubhe wena kanye lalabo abaprofethi abalitshumayezayo.

UJeremiya 27:16

Ngasengikhuluma kubapristi lakubo bonke abantu ngisithi: INkosi ithi: Lingawalaleli amazwi abaprofethi benu abalitshumayeza besithi: Izitsha zethempeli zizabuyiswa masinyane zivela eBabiloni; ngoba lokhu kungamanga abalitshumayezayo.

UJeremiya 28:11

UHananiya wakhuluma phambi kwabantu bonke esithi: INkosi ithi: Ngokunjalo ngizalaphula ijogwe likaNebukadineza inkosi yaseBabiloni entanyeni yezizwe zonke, ingakapheli iminyaka emibili. UJeremiya umprofethi wasesuka ehamba.

UJeremiya 28:16

Ngakho iNkosi ithi: Khangela, ngizakukususa emhlabeni; ngawona lo umnyaka nje uzakufa, ngoba utshumayele ukuhlamuka eNkosini.

UJeremiya 32:31

Lumuzi uvuse ukuthukuthela kwami lolaka, kusukela mhla wakhiwayo kuze kube lamuhla, ukuze ngiwususe kimi,

UJeremiya 8:19

Lalelani ukukhala kwabantu bami, kuvela kuyo yonke imikhawulo yelizwe, kuthi: INkosi kayikho eZiyone na? INkosi yalo kayikho phakathi kwalo na? Bangicunuleleni ngezithombe zabo ezibaziweyo, langezithombe zezizwe na?

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

UDanyeli 4:7

Zasezifika izanuse lezangoma lamaKaladiya labafunda okutshiwo zinkanyezi; ngabatshela iphupho, kodwa behluleka ukungitshela incazelo yalo.

UZakhariya 10:2

Ngoba izithombe ezithiwa amaterafi zikhuluma ize, labalumbi babona okungamanga, labaphuphi balandisa amaphupho ayinkohliso, ukududuza kwabo kuyize. Ngakhoke abantu bayahambahamba njengezimvu, bahlupheke ngoba bengelamalusi.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UDutheronomi 18:10

Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,