UJeremiya 26:8 - iBhayibhili Elingcwele 1978

⁸ lapho eseqedile ukukhuluma konke iNkosi eyayimlayile ukukukhuluma ebantwini, abapristi labaprofethi labo bonke abantu bamdumela bathi: Sizakukubulala!

IBhayibhili Elingcwele LesiNdebele

⁸ Kodwa kwathi uJeremiya eqeda nje ukubatshela bonke abantu konke uThixo ayemlaye ukuba akutsho, abaphristi, labaphrofethi kanye labantu bonke bamphuthuma bathi kuye, “Kumele ufe!

UJeremiya 26:8 ပူးပေါင်းရင်းမြစ်များ

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

UJeremiya 1:19

Bazakulwa lawe, kodwa kabayikukwehlula, ngoba ngilawe ukukuvikela, kutsho iNkosi.

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 18:23

Kanti, wena Nkosi, uyawazi amacebo abo okungibulala. Ungathetheleli ububi babo, lezono zabo ungazicimi phambi kwakho. Kodwa kabawe phambi kwakho, ubavukele wena ngesikhathi sokuthukuthela kwakho.

UJeremiya 2:30

Kwaba yize ukubatshaya kwami abantwana benu, kabakwamukelanga ukulaywa. Umkhonto wenu ubadlile abaprofethi bakho njengesilwane esichithayo.

UJeremiya 32:3

Ngoba uZedekiya inkosi yakoJuda wayemvalele khona esithi: Kungani utshumayela usithi: INkosi ithi: Lumuzi ngiwunikela esandleni senkosi yaseBabiloni, izakuwuthumba;

UJeremiya 43:1

Kwathi lapho uJeremiya eseqedile ukukhuluma ebantwini wonke lamazwi eNkosi uNkulunkulu wabo eyayimthume wona kibo,

uAmosi 7:10

UAmaziya umpristi waseBetheli wasethumela ilizwi kuJerobowamu inkosi yakoIsrayeli, wathi: UAmosi ukuvusela abantu bakoIsrayeli, lelizwe kalilakuwamela wonke amazwi akhe.

UMatewu 22:6

Abaseleyo bazibamba inceku zakhe, baziphatha kubi, bazibulala.

UMatewu 27:20

Kodwa abapristi abakhulu labadala bavumelana lamaxuku ukuba bacele uBarabasi, ambulale uJesu.

Imisebenzi 5:33

Kwathi bona sebezwile lokhu bathukuthela, bafuna ukubabulala.

Imisebenzi 7:52

Nguwuphi owabaprofethi okhokho benu abangamzingelanga na? Bababulala labo abamemezela ngaphambili ukuza koLungileyo, eselimnikele lambulala,

Isambulo 18:24

Futhi kwafunyanwa phakathi kwakho igazi labaprofethi lelabangcwele lelabo bonke ababebulewe emhlabeni.