UJeremiya 26:3 - iBhayibhili Elingcwele 1978

³ Mhlawumbe bazakulalela, bonke batshiye indlela zabo ezimbi, ukuba ngiyekele okubi ebengisithi ngizakukwenza kubo ngenxa yezenzo zabo ezimbi.

IBhayibhili Elingcwele LesiNdebele

³ Mhlawumbe bazalalela omunye lomunye wabo aphenduke endleleni yakhe embi. Lapho-ke ngizadeda ngingabehliseli umonakalo ebengizawenza kubo ngenxa yobubi ababenzileyo.

UJeremiya 26:3 ပူးပေါင်းရင်းမြစ်များ

1 AmaKhosi 21:27

Kwathi uAhabi esizwa lamazwi wadabula izigqoko zakhe, wagqoka izambatho zokulila, wazila ukudla, walala ngezambatho zokulila, wahamba edanile.

1 AmaKhosi 21:29

Ubonile yini ukuthi uAhabi uzithobe njani phambi kwami na? Ngoba ezithobile phambi kwami kangiyikwehlisa lobobubi ensukwini zakhe, kodwa ensukwini zomntanakhe.

UJeremiya 26:13

Ngakho lungisani indlela zenu lezenzo zenu, lilalele ilizwi leNkosi uNkulunkulu wenu, izayekela ukwenza okubi konke ekukhulume ngani.

UJeremiya 26:19

Kambe inkosi yakoJuda uHezekiya labo bonke abakoJuda bambulala yena yini? Angithi bayesaba iNkosi, bayincenga, kayiyekelanga yini iNkosi ukukwenza okubi eyayikukhulume ngabo na? Sizakwehlisela phezu kwethu ububi obukhulu na?

UJeremiya 36:3

Mhlawumbe indlu yakoJuda izakuzwa konke okubi engicabanga ukukwenza kiyo, ukuba baphenduke bonke endleleni yabo embi, ukuze ngithethelele ububi babo lesono sabo.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UHezekhiyeli 12:3

ngoba bangabantu abahlamukayo. Ngakhoke, wena ndoda, lungisa umthwalo womuntu othunjiweyo, usuke emini uhambe phambi kwabo njengomuntu othunjiweyo, usuke endaweni yakho uye kwenye indawo phakathi kwabo. Mhlawumbe bazakuqedisisa lanxa bengabantu abahlamukayo.

UHezekhiyeli 18:21

Uba omubi ephenduka ebubini bakhe bonke abenzileyo, agcine izimiso zami, enze okufaneleyo lokulungileyo, uzakuphila impela, kayikufa.

UHosiya 11:9

Kangiyikwenza njengokuthukuthela kwami okukhulu. Kangiyikuphinda ngimchithe uEfrayimi; ngoba mina nginguNkulunkulu, kangisuye umuntu, ngingoNgcwele ophakathi kwenu, kangiyikuza ukuchitha.

UJoweli 2:14

Mhlawumbe izaphenduka isihawukele, isitshiyele isibusiso, isibusiso somnikelo wempuphu lomnikelo wokunathwayo weNkosi, uNkulunkulu wenu.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.