UJeremiya 26:2 - iBhayibhili Elingcwele 1978

² INkosi ithi: Mana egumeni lethempeli, ukhulume kuyo yonke imizi yakoJuda efikayo ukuzakhonza ethempelini, utsho wonke amazwi engakulaya wona, ungatshiyi lelilodwa.

IBhayibhili Elingcwele LesiNdebele

² “UThixo uthi: Mana egumeni lendlu kaThixo ukhulume kubo bonke abantu basemadolobheni akoJuda abeza endlini kaThixo ukuba bakhonze. Batshele konke engakulaya khona, kungabi lelizwi olitshiyayo.

UJeremiya 26:2 ပူးပေါင်းရင်းမြစ်များ

UJeremiya 1:17

Kodwa wena, mana isibindi, usuke, ukhulume kibo konke engikulaya khona. Ungabesabi, funa ngehlisele phezu kwakho ukwesaba phambi kwabo.

UJeremiya 1:7

Kodwa iNkosi yathi kimi: Ungatsho ukuthi: Ngingumntwana nje; ngoba kubo bonke engikuthuma kubo uzakuya, lakho konke engikulaya khona uzakukukhuluma.

UJeremiya 19:14

Wabuyake uJeremiya evela eTofethi, lapho iNkosi yayimthume ukutshumayela khona, wema egumeni lendlu yeNkosi, wathi ebantwini bonke:

UJeremiya 23:28

Umprofethi olephupho kalixoxe iphupho lakhe, kodwa olelizwi lami kalikhulume ilizwi lami ngeqiniso. Amakhoba ayini kulamabele ne? kutsho iNkosi.

UJeremiya 25:2

ilizwi alikhulumayo uJeremiya umprofethi kubo bonke abantu bakoJuda labo bonke abakhileyo eJerusalema esithi:

UJeremiya 28:5

Umprofethi uJeremiya wasekhuluma kumprofethi uHananiya phambi kwabapristi laphambi kwabantu bonke ababemi ethempelini,

UJeremiya 36:10

UBaruki wawafunda wonke amazwi kaJeremiya asemqulwini wencwadi phambi kwabo bonke abantu ethempelini, endlini kaGemariya indodana kaShafani, umbhali, eyayisegumeni elingaphezulu, ekungeneni kweSango elitsha lethempeli.

UJeremiya 42:4

UJeremiya umprofethi wathi kibo: Sengilizwile; ngizakhuleka eNkosini uNkulunkulu wenu njengokucela kwenu, lalokho iNkosi ekutshoyo ngizalitshela khona, kangiyikuthula.

UJeremiya 7:2

Mana emnyango wethempeli, utshumayele lapho lelilizwi uthi: Zwanini ilizwi leNkosi, lina lonke bantu bakoJuda, abangena kuliminyango ukukhonza iNkosi.

UJeremiya 7:27

Ngakho uzakhuluma wonke lamazwi kibo, kodwa kabayikukulalela; uzababiza, kodwa kabayikukusabela.

UHezekhiyeli 3:10

Futhi yathi kimi: Ndoda, wonke amazwi ami engiwatshoyo kuwe amukele enhliziyweni yakho, uwezwe ngendlebe zakho.

UHezekhiyeli 33:7

Wenake, ndoda, ngikubeke ube ngumlindi koIsrayeli; nxa usizwa ilizwi elivela kimi, ubaxwayise.

UHezekhiyeli 40:4

Lowomuntu wathi kimi: Ndoda, khangela ngamehlo akho, uzwe ngendlebe zakho, ubeke ingqondo yakho kulokho konke engizakukutshengisa khona, ngoba ulethelwe ukuba ngikutshengise khona, utshumayele koIsrayeli konke lokho ozakukubona.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

ULukha 19:47

Wayefundisa ethempelini insuku zonke, kodwa abapristi abakhulu, lababhali, lezikhulu zesizwe, bathanda ukumbulala.

UJohane 18:20

UJesu wamphendula wathi: Ngikhulume obala emhlabeni. Ngezikhathi zonke bengifundisa emasinagogeni lasethempelini, lapho abaJuda bonke babuthana khona, kangikhulumanga lutho ensitha.

UJohane 8:2

Ekuseni kakhulu wabuya weza ethempelini; bonke abantu beza kuye; wahlala phansi, wabafundisa.

Imisebenzi 20:20

lokuthi kangigodlanga lutho olusizayo kini, ngalifundisa phambi kwabantu lakuzo izindlu ngezindlu,

Imisebenzi 20:27

Ngoba kangiyekelanga ukulitshela lonke icebo likaNkulunkulu.

Imisebenzi 5:25

Kwasekufika omunye, wabatshela wathi: Khangelani, amadoda ebeliwafake entolongweni emi ethempelini, ayafundisa abantu.

Imisebenzi 5:42

Insuku zonke ethempelini lasekhaya kabayekelanga ukufundisa lokutshumayela ngoJesu ukuthi unguKristu.

UDutheronomi 12:32

Gcinani kuhle konke engililaya khona, lingengezeleli lutho kukho, futhi lingaphunguli lutho kukho.

UDutheronomi 12:5

kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona,

UDutheronomi 4:2

Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

UJoshuwa 8:35

Kakukho lelilodwa ilizwi uMose alilayayo angalifundanga uJoshuwa phambi kwebandla lakoIsrayeli kanye labesifazana labantwana labezizweni abahlala phakathi kwabo.

Isambulo 22:19

Uba umuntu ephungula amazwi esiprofethi alotshiweyo kulincwadi, uNkulunkulu uzakuphungula isabelo sakhe esihlahleni sokuphila lasemzini ongcwele, izinto ezilotshiweyo kulincwadi.