UJeremiya 25:3 - iBhayibhili Elingcwele 1978

³ Sekuyiminyaka engamatshumi amabili lantathu, kusukela emnyakeni wetshumi lantathu wokubusa kukaJosiya indodana kaAmoni, inkosi yakoJuda, kuze kube lamuhla, ilizwi leNkosi lifikile kimi, ngalikhuluma kini njalonjalo, kodwa kalilalelanga.

IBhayibhili Elingcwele LesiNdebele

³ Okweminyaka engamatshumi amabili lantathu, kusukela ngomnyaka wetshumi lantathu kaJosiya indodana ka-Amoni inkosi yakoJuda kuze kube yilolusuku, ilizwi likaThixo lafika kimi njalo ngalikhuluma kini njalonjalo, kodwa kalilalelanga.

UJeremiya 25:3 ပူးပေါင်းရင်းမြစ်များ

UGenesisi 22:3

UAbrahama wavuka ekuseni, wabophela ubabhemi wakhe, wathatha ababili encekwini zakhe loIsaka indodana yakhe. Esebandile inkuni zomnikelo wokutshiswa, wasuka waya endaweni ayemtshele yona uNkulunkulu.

1 AmaKhosi 22:3

Inkosi yakoIsrayeli yathi encekwini zayo: Liyazi ukuthi iRamothi‐Gileyadi lingelethu, kodwa siphongukuhlala nje, singalithathi enkosini yaseSiriya na?

2 AmaKhosi 17:13

Kanti iNkosi yamxwayisa uIsrayeli loJuda ngabo bonke abaprofethi lababoni yathi: Tshiyani indlela zenu ezimbi, ligcine imithetho yami lezimiso zami ezisemlayweni engalaya okhokho benu ngawo lengawuthumela kini ngenceku zami abaprofethi.

2 ImiLando 24:19

Kodwa iNkosi yathumela abaprofethi phakathi kwabo ukubabuyisela kuyo; bona babaxwayisa, kodwa kababalalelanga.

2 ImiLando 34:1

UJosiya wayeleminyaka eficaminwembili lapho eqalisa ukubusa; wabusa iminyaka engamatshumi amathathu lanye eJerusalema.

2 ImiLando 34:3

Ngomnyaka wesificaminwembili wokubusa kwakhe esesengumfana waqala ukumdinga uNkulunkulu kaDavida ukhokho wakhe; ngomnyaka wetshumi lambili waqala ukuhlambulula uJuda leJerusalema, wavala indawo eziphakemeyo zokukhonzela, wadiliza insika zikankulunkulukazi uAshera, wasusa izithombe ezibaziweyo lezibunjiweyo.

2 ImiLando 34:8

Kwathi ngomnyaka wetshumi lesificaminwembili wokubusa kwakhe, eselihlambulule ilizwe lethempeli, wathuma uShafani indodana kaAzaliya loMahaseya umbusi womuzi loJowa indodana kaJowahazi umbhali ukuba balungise indlu yeNkosi uNkulunkulu wakhe.

2 ImiLando 36:15

INkosi, uNkulunkulu wabokhokho babo, yabathumela futhifuthi izithunywa zayo, ngoba yayilesihawu ngabantu bayo langendawo yayo yokuhlala.

AmaHubo 81:13

Kungathi abantu bami bengangilalela, loIsrayeli ahambe endleleni zami!

U-Eksodasi 8:20

INkosi yathi kuMose: Vuka ekuseni, umlindele uFaro; lapho ephuma esiya emanzini, uthi kuye: INkosi ithi: Vumela abantu bami ukuba bahambe ukuyangikhonza.

U-Isaya 55:2

Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.

UJeremiya 1:2

Ilizwi leNkosi lafika kuye ensukwini zikaJosiya indodana kaAmoni, inkosi yakoJuda, ngomnyaka wetshumi lantathu wokubusa kwakhe;

UJeremiya 11:7

Ngoba ngabalayisisa okhokho benu ekubakhupheni kwami eGibithe, ngisalilaya lalamhla ngisithi: Lalelani ilizwi lami.

UJeremiya 19:15

INkosi yamabandla, uNkulunkulu kaIsrayeli, ithi: Khangelani, ngizakwehlisela kulumuzi lakuyo yonke imizana yawo konke okubi engikutshiloyo, ngoba balenkani, bala ukuzwa amazwi ami.

UJeremiya 22:21

Ngakhuluma lawe uselenhlanhla, kodwa wena wathi: Kangiyikulalela. Lokho kuyindlela yakho kusukela ebutsheni bakho, ukuba ungalilaleli ilizwi lami.

UJeremiya 25:4

Kalilalelanga, kalizwanga lanxa iNkosi iphikelela ukuthumela kini zonke inceku zayo abaprofethi,

UJeremiya 26:5

lingawalaleli amazwi ezinceku zami abaprofethi engibathume kini, ngibathuma njalonjalo, kodwa lingabalaleli,

UJeremiya 29:19

ngoba bengawalalelanga amazwi ami engawathuma kibo ngezinceku zami abaprofethi, ngiwathuma njalonjalo, kodwa kabalalelanga, kutsho iNkosi.

UJeremiya 32:33

Bangifulathela, kabakhangelanga kimi; lanxa ngibafundise njalonjalo, kabalalelanga ukufundisa kwami.

UJeremiya 35:14

Ugciniwe umlayo uJonadabi indodana kaRekabi awunika amadodana akhe wokuba anganathi iwayini; kuze kube lamuhla kawalinathi, ngoba awulalele umlayo kakhokho wawo. Lami ngikhulumile kini njalonjalo, kodwa kalingilalelanga.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 36:1

Kwathi ngomnyaka wesine wokubusa kukaJehoyakimi indodana kaJosiya, inkosi yakoJuda, lelilizwi leNkosi lafika kuJeremiya, lathi:

UJeremiya 36:2

Thatha umqulu wencwadi, ulobe kiwo wonke amazwi engiwakhulume kuwe ngoIsrayeli langoJuda langazo zonke izizwe, kusukela osukwini engakhulume kuwe ngoIsrayeli langoJuda langazo zonke izizwe, kusukela osukwini engakhuluma ngalo kuwe, ensukwini zikaJosiya, kuze kube lamhla.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UJeremiya 7:13

Ngakhoke, kutsho iNkosi, ngoba lenzile zonke lezizinto, lingalalelanga lapho ngikhuluma lani njalonjalo, lapho ngilibiza kalingiphendulanga,

UJeremiya 7:25

Kusukela osukwini okhokho benu abaphuma ngalo eGibithe kuze kube lamuhla, ngithumile kibo zonke inceku zami abaprofethi, ngibathuma insuku ngensuku.

UHezekhiyeli 33:4

uba omunye esizwa ukukhala kophondo angananzi, impi ifike imbulale, kuzakuba ngumlandu wakhe.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

UMakho 1:35

Ekuseni kusesemnyama kakhulu, wavuka waphuma, waya endaweni eyinkangala, wakhuleka khona.

UJohane 8:2

Ekuseni kakhulu wabuya weza ethempelini; bonke abantu beza kuye; wahlala phansi, wabafundisa.

UJohane 8:47

Yena ongokaNkulunkulu uyawezwa amazwi kaNkulunkulu; kungakho lina lingezwa ngoba kalisibo abakaNkulunkulu.

2 uTimothi 4:2

ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.