UJeremiya 23:4 - iBhayibhili Elingcwele 1978

⁴ Ngizakuzimisela abelusi abazakuzilondoloza; kazisayikwesaba, zitshaywe luvalo; futhi kakusayikulahleka leyodwa yazo, kutsho iNkosi.

IBhayibhili Elingcwele LesiNdebele

⁴ Ngizazilethela abelusi abazazelusa, njalo kazisayikwesaba loba zithuthumele, loba enye yazo ilahleke,” kutsho uThixo.

UJeremiya 23:4 ပူးပေါင်းရင်းမြစ်များ

U-Isaya 11:11

Kuzakuthi ngalolosuku iNkosi yelule isandla sayo ngokwesibili ukubutha abaseleyo ebantwini bayo, ibabuthe eAsiriya laseGibithe lasePatrosi laseEtiyopiya laseElamu, laseShinari laseHamathi, lasemazweni angasolwandle.

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

UJeremiya 31:10

Zwanini ilizwi leNkosi, lina zizwe, lilizwakalise ezihlengeni ezikhatshana, lithi: Yena owachitha uIsrayeli uzakumbutha, amaluse njengomalusi eselusa umhlambi wakhe.

UJeremiya 33:26

ngizakulahla inzalo kaJakobe lenzalo kaDavida inceku yami, kangiyikukhetha omunye wenzalo yakhe ukuba abuse phezu kwenzalo kaAbrahama loIsaka loJakobe. Ngoba ngizabuyisa abantu babo, ngibe lesihawu kibo.

UHezekhiyeli 36:11

ngandise phezu kwenu abantu lenyamazana, kuzalane kwande. Ngizakwenza ukuba kwakhiwe kini njengakudala, ngilenzele okuhle kakhulu kulakuqala. Ngalokho, lina zintaba, lizakwazi ukuba ngiyiNkosi.

ULevi 26:9

Ngizakuba lomusa kini, ngilenze ukuba lizale, lande, ngimise isivumelwano sami lani.

UMikha 4:4

kodwa abantu bazakuzihlalela ngaphansi kwezihlahla zabo zevini, langaphansi kwezomkhiwa, kabayikwethuswa lutho; ngoba iNkosi yamabandla ikhulumile.

UMikha 5:2

Kodwa wena, Betlehema Efratha, omncinyane ukuba ube phakathi kwezizwe zakoJuda, kuzavela kuwe othile ozakuba ngumbusi wakoIsrayeli, okudabuka kwakhe kusukela endulo.

UMikha 7:14

Yelusa abantu bakho ngentonga yakho, umhlambi ongowakho impela ohlala wodwa ehlathini lasezihotsheni; kawalukele eBashani laseGileyadi njengasendulo.

UZefaniya 3:13

abaseleyo koIsrayeli; kabayikwenza okubi, kabayikukhuluma amanga, kakuyikuphuma emlonyeni wabo amazwi akhohlisayo. Ngoba bazakwaluka balale phansi, kungabi khona obethusayo.

AmaNani 31:49

zathi kuye: Thina zinceku zakho sesibalile amabutho esiwaphathayo; kakulamuntu ongekho.

UJohane 17:12

Lapho ngiselabo ngabalondoloza ebizweni lakho, labo onginike bona, ngibalindile; kakho kibo olahlekileyo, kuphela indodana yokulahlwa, ukuba kugcwaliseke umbhalo.

UJohane 18:9

Lokhu wakwenza ukuze ligcwaliseke ilizwi ayelikhulumile elokuthi: Kulabo owanginika bona kakulahlekanga lamunye wabo.

1 UPhethro 1:5

lina elilondolozwe ngamandla kaNkulunkulu ngokukholwa ukuba libe lokusiliswa okulungiselwe ukwambulwa ngesikhathi sokucina.