UJeremiya 23:3 - iBhayibhili Elingcwele 1978

³ Ngizabutha eziseleyo emhlambini wami kuwo wonke amazwe lapho ngizixotshele khona, ngizibuyise futhi esibayeni sazo, zizazala, zande.

IBhayibhili Elingcwele LesiNdebele

³ “Mina ngokwami ngizabutha insalela zezimvu zami emazweni wonke engangizixotshele kuwo ngizibuyisele edlelweni lazo, lapho ezizazalana khona zande.

UJeremiya 23:3 ပူးပေါင်းရင်းမြစ်များ

AmaHubo 106:47

Sikhulule, Nkosi Nkulunkulu wethu, usibuthe ezizweni, ukuba sidumise ibizo lakho elingcwele, sithabe ekukudumiseni.

UJeremiya 16:15

kodwa kuzakuthiwa: Ngifunga iNkosi eyabakhupha abakoIsrayeli elizweni lasenyakatho lasemazweni ababexotshelwe kiwo. Ngoba ngizababuyisa elizweni lakibo engalinika okhokho babo.

UJeremiya 29:14

lizangifumana, kutsho iNkosi, ngilibuyise ekuthunjweni kwenu, ngiliqoqe kuzo zonke izizwe lakuzo zonke indawo lapho ngilixotshele khona, ngilibuyise endaweni engalithumba kuyo.

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

UJeremiya 30:3

Ngoba insuku ziyeza, lapho ngizabuyisa abantu bami uIsrayeli loJuda, kutsho iNkosi. Ngizababuyisela elizweni engalinika okhokho babo, libe ngelabo.

UJeremiya 31:7

Ngoba iNkosi ithi: Mhlabeleleni uJakobe ngokuthokoza, liyimemezele induna yezizwe; limemeze, lidumise lithi: INkosi yabakhulula abantu bayo abaseleyo koIsrayeli.

UJeremiya 31:8

Khangelani, ngizabakhupha elizweni lasenyakatho, ngibabuthe emikhawulweni yomhlaba; phakathi kwabo kukhona iziphofu labaqhulayo, labesifazana abakhulelweyo kanye labahelelwayo, belixuku elikhulu bazabuya lapha.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UJeremiya 46:27

Kodwa ungesabi, wena Jakobe nceku yami, ungatshaywa luvalo, wena Israyeli, ngoba ngizakukukhulula usekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.

UJeremiya 50:19

Ngizabuyisela uIsrayeli edlelweni lakhe, uzakudla eKarmeli laseBashani, lokufisa kwakhe kukholiswe emaqaqeni akoEfrayimi laseGileyadi.

UJeremiya 8:3

Ukufa kuzakuba ngcono kulokuphila kubo bonke abaseleyo balesisizwe esibi, kuzo zonke indawo lapho ngibaxotshele khona, kutsho iNkosi yamabandla.

UHezekhiyeli 11:17

Ngakhoke tshono uthi iNkosi uNkulunkulu ithi: Ngizabaqoqa ezizweni, ngibabuthe emazweni engibachithachithele kiwo, ngibanike ilizwe lakoIsrayeli.

UHezekhiyeli 36:11

ngandise phezu kwenu abantu lenyamazana, kuzalane kwande. Ngizakwenza ukuba kwakhiwe kini njengakudala, ngilenzele okuhle kakhulu kulakuqala. Ngalokho, lina zintaba, lizakwazi ukuba ngiyiNkosi.

UHezekhiyeli 36:24

Ngoba ngizalithatha ezizweni, ngilibuthe emazweni wonke, ngililethe elizweni lenu.

UHezekhiyeli 36:37

INkosi uNkulunkulu ithi: Lalokhu abakoIsrayeli bazangicela ukuba ngibenzele khona, ukuba ngandise abantu babo ngangomhlambi,

ULevi 26:9

Ngizakuba lomusa kini, ngilenze ukuba lizale, lande, ngimise isivumelwano sami lani.

UMikha 2:12

Ngizakulibutha lonke, lina bakoJakobe, ngibuthe abaseleyo bakoIsrayeli, ngibabuthelele ndawonye njengezimvu esibayeni, njengomhlambi osedlelweni lawo, libe lixuku labantu ababanga umsindo.

UMikha 7:12

Ngalolosuku bazafika kuwe bevela eAsiriya laseGibithe, kusukela eGibithe kuze kube semfuleni iYufrathi, bevela kuzo zonke inlwandle lezintaba.