UJeremiya 23:2 - iBhayibhili Elingcwele 1978

² Ngalokho iNkosi, uNkulunkulu kaIsrayeli, ithi mayelana labelusi abelusa abantu bayo: Liwuhlakazile umhlambi wami, lawuxotsha, kaliwalusanga. Khangelani, ngizakwehlisela phezu kwenu umvuzo wezenzo zenu ezimbi, kutsho iNkosi.

IBhayibhili Elingcwele LesiNdebele

² Ngakho uThixo, uNkulunkulu ka-Israyeli, uthi kubelusi abelusa abantu bami: “Ngenxa yokuthi lina lihlakaze umhlambi wami lawuxotshela khatshana kalaze lawunaka, ngizakwehlisela isijeziso phezu kwenu ngenxa yobubi elibenzileyo,” kutsho uThixo.

UJeremiya 23:2 ပူးပေါင်းရင်းမြစ်များ

U-Eksodasi 32:34

Kodwa hambake, ubaholele abantu endaweni engikhulume ngayo kuwe; isithunywa sami sizakukwandulela. Kanti mhla ngibethekelelayo ngizabatshaya ngenxa yesono sabo.

UJeremiya 10:21

Abelusi babantu bayiziphukuphuku, kababuzanga eNkosini; ngakho kabaphumelelanga, lemihlambi yabo ihlakazekile.

UJeremiya 11:22

iNkosi yamabandla ithi: Ngizabatshaya; insizwa zabo zizabulawa empini, amadodana lamadodakazi abo abulawe yindlala;

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 13:20

Phakamisani amehlo enu libone labo abavela enyakatho. Ungaphi umhlambi elaliwunikiwe, umhlambi wenu omuhle na?

UJeremiya 13:21

Lizakuthini uba belibekela labo elabenza abangane benu ukuba babe ngabaphathi benu na? Kaliyikwehlelwa yibuhlungu obunjengowesifazana ohelelwayo na?

UJeremiya 17:10

Mina Nkosi ngiyahlola ingqondo, ngiyilinge inhliziyo, ukuba nginike wonke umuntu okufanele indlela zakhe, lokufanele izenzo zakhe.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 23:34

Umprofethi lompristi loba omunye wabantu othi: Indaba yeNkosi; ngizamtshaya lowomuntu kanye lendlu yakhe.

UJeremiya 44:22

INkosi yayingaselakukuthwala okubi kwemisebenzi yenu lezinengiso elazenzayo; ngakhoke ilizwe lenu lachitheka, laba yinkangala, laba yinto yokuthukwa, kakusekho okuhlala khona njengoba kunjalo lamhla.

UJeremiya 5:29

Kangiyikubatshaya ngalezizinto na? kutsho iNkosi. Kangiyikuphindisela esizweni esinje na?

UJeremiya 5:9

Kangiyikubatshaya ngenxa yezinto lezi na? kutsho iNkosi; kangiyikuphindisela esizweni esinje na?

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHezekhiyeli 34:5

Ngakho zichithekile ngoba bekungelamalusi, zaba yikudla kwazo zonke izilo zeganga.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

UMikha 7:4

Omuhle wabo unjengameva, lolungileyo wabo unjengothango lwameva. Usuku lokutshaywa kwabo, abatshumayela ngalo abalindi babo, selufikile, lokudideka kwabo sekusondele.

UZakhariya 10:3

Ukuthukuthela kweNkosi kuyavutha ngabelusi, izatshaya abakhokheli; ngoba iNkosi yamabandla iyawukhathalela umhlambi wayo uJuda, izabenza babe njengebhiza lobukhosi empini.

UZakhariya 11:16

Ngoba ngizabeka elizweni umalusi ongakhathaleli izimvu ezifayo, ongazidingiyo ezilahlekileyo, longazelaphiyo ezilimeleyo, longaziboneliyo eziphilayo, kodwa adle inyama yezinonileyo, adle lamangqina azo.

UMatewu 25:36

ngangihambaze, langambathisa; ngangigula, leza ukungibona; ngangisentolongweni, leza kimi.

UMatewu 25:43

ngangingowemzini, kalingingenisanga endlini; ngangihambaze, kalingambathisanga; ngangigula, ngangisentolongweni, kalizanga ukungibona.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.