UJeremiya 22:6 - iBhayibhili Elingcwele 1978

⁶ Ngoba iNkosi ithi mayelana lendlu yenkosi yakoJuda: Wena ufana leGileyadi kimi lengqonga yaseLebanoni, kodwa impela ngizakukwenza ube njengenkangala, ube njengomuzi ongahlalwa muntu.

IBhayibhili Elingcwele LesiNdebele

⁶ Ngoba mayelana lendawo yenkosi yakoJuda uThixo uthi: “Lanxa unjengeGiliyadi kimi, lanjengengqongo yeLebhanoni, ngeqiniso ngizakwenza ufane lenkangala, lanjengamadolobho angahlali muntu.

UJeremiya 22:6 ပူးပေါင်းရင်းမြစ်များ

UGenesisi 37:25

Basebehlala phansi ukuba badle. Baphakamisa amehlo abo, babona ixuku lamaIshmayeli livela eGileyadi, lisiya eGibithe, lilamakamela alo ethwele inhlaka lamakha lemure.

AmaHubo 107:34

umhlabathi ovundileyo ube lugwadule lwetshwayi, ngenxa yobubi babahlezi khona.

Ingoma 4:1

Umuhle, wena sithandwa sami, umuhle impela. Amehlo akho anjengamajuba ngaphakathi kweveli lakho; lenwele zakho zinjengomhlambi wembuzi zisehla emawatheni aseGileyadi.

Ingoma 5:15

Imilenze yaso izinsika zelitshe elilukhuni ezisezisekelweni zegolide elihle. Ukubukeka kwaso kunjengeLebanoni, kuhle njengemikusu.

U-Isaya 27:10

Umuzi obiyelweyo usulunxiwa, usuyindawo engelalutho, esele iyinkangala; lapho ithole lidla khona, lilale khona, lidle liqede lamahlamvu awo.

U-Isaya 37:24

Uklolodele iNkosi ngezinceku zakho, wathi: Lezinqola zami ezinengi ngikhwele ingqonga zezintaba, ngaze ngafika ezindaweni ezikhatshana zaseLebanoni. Ngagamula imikusu yalo emide kakhulu, lamaphane alo amahle kakhulu. Ngangena endaweni zalo zokucina, lasemaguswini alo amnyama.

U-Isaya 6:11

Ngasengisithi: Kuze kube nini, Nkosi, na? Yona yathi: Kuze kuchitheke imizi, kusale kungaselamuntu kiyo, lezindlu zisale zingaselabantu, lelizwe lichitheke lithi nya,

UJeremiya 21:11

Kuyo indlu yenkosi yakoJuda lithi: Zwana ilizwi leNkosi,

UJeremiya 21:14

Ngizalitshaya ngokufanele izenzo zenu, kutsho iNkosi; ngizaphemba umlilo ehlathini ozatshisa konke okuseduze lalo.

UJeremiya 22:24

Ngiyazifunga mina, kutsho iNkosi, loba uKoniya indodana kaJehoyakimi, inkosi yakoJuda, ebeyindandatho esandleni sami sokunene, bengizakukuhluthula, ngikukhuphe,

UJeremiya 26:18

UMika waseMoreshethi watshumayela ensukwini zikaHezekiya, inkosi yakoJuda, wathi kibo bonke abantu bakoJuda: INkosi yamabandla ithi: IZiyone lizalinywa njengensimu; iJerusalema libe lunxiwa oludilikileyo, lentaba okwakhiwe kuyo ithempeli ibe lisandle.

UJeremiya 4:20

Ukuchitheka kulandela ukuchitheka, ilizwe lonke lichithekile. Amathente ethu adilikile masinyane, lamaveli awo ngesibangana nje.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

UJeremiya 50:12

unyoko uzakuba lenhloni, lowalizalayo ayangeke. IBabiloni lizakuba ngelokucina phakathi kwezizwe, libe yinkangala eyomileyo logwadule.

UJeremiya 7:34

Ngizaqeda emizini yakoJuda lezindleleni zaseJerusalema umsindo wokujabula lowokuthokoza, lelizwi lomyeni lelomlobokazi, ngoba ilizwe lizakuchitheka.

UJeremiya 8:22

Kakulamuthi eGileyadi na? Kayikho yini inyanga khona? Pho, abantu bami kabasili ngani na?

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.

UZakhariya 11:1

Vula iminyango yakho, Lebanoni, ukuba umlilo utshise imikusu yakho.

AmaNani 32:1

AbakoRubeni labakoGadi babelezinkomo ezinenginengi. Babona ukuthi amazwe aseJazeri lelizwe laseGileyadi ayezindawo zokwalusela.

UDutheronomi 3:25

Ungivumele ukuba ngichaphe, ngibone ilizwe elihle elingaphetsheya kweJordani, lezontaba ezinhle, leLebanoni.