UJeremiya 22:3 - iBhayibhili Elingcwele 1978

³ INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

IBhayibhili Elingcwele LesiNdebele

³ UThixo uthi: Yenzani okulungileyo lokuqondileyo. Mhlenge esandleni somncindezeli wakhe lowo ophangiweyo. Lingenzi okubi loba udlakela kowezizweni, intandane loba umfelokazi, njalo lingachithi igazi elingelacala kule indawo.

UJeremiya 22:3 ပူးပေါင်းရင်းမြစ်များ

2 USamuyeli 23:3

UNkulunkulu kaIsrayeli usekhulumile, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu,

2 AmaKhosi 24:4

langenxa yegazi elingelacala alichithayo: wagcwalisa iJerusalema ngegazi elingelacala, iNkosi yayingamthetheleli.

UJobe 22:9

Ubaxotshile abafelwakazi bengelalutho, watshaya izintandane ezingelakuzivikela.

UJobe 24:9

Intandane zihluthunwa ebeleni, lengane yomyanga ithathwa ibe yisibambiso.

AmaHubo 68:5

UYise wezintandane lomvikeli wabafelwakazi nguNkulunkulu endlini yakhe engcwele.

AmaHubo 82:4

Khululani obuthakathaka loswelayo, libophule ezandleni zababi.

AmaHubo 94:21

Bayahlangana ukuvukela ukuphila kolungileyo, bamqumele ukufa ongelacala.

AmaHubo 94:6

Bayabulala abafelwakazi lezihambi, babulale lezintandane;

U-Eksodasi 22:21

Lingamoni umuntu wezizweni, lingamhluphi; ngoba lani lalingabantu bezizweni kwelaseGibithe.

U-Eksodasi 22:22

Lingahluphi umfelwakazi lentandane.

Izaga 23:10

Ungasusi elizweni isikhonkwane esidala, ungazithatheli amasimu ezintandane;

Izaga 6:17

ukukhangela ngokuzigqaja, lolimi oluqamba amanga, lezandla ezichitha igazi lomuntu ongelacala,

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

U-Isaya 58:6

Kayisikho lokhu ukuzila engikufunayo yini, ukuthukululwa kwezibopho zobubi, lokukhululwa kwemichilo yejogwe, ukuze bakhululeke abacindezelweyo, kwaphulwe wonke amajogwe na?

U-Isaya 58:7

Kayisikho ukuba wahlukanisanele ukudla kwakho labalambileyo, lokungenisa abayanga emzini wakho, lokwambathisa ohambaze lapho umbona, lokungacatsheli izihlobo zakho na?

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

UJeremiya 26:16

Izikhulu labo bonke abantu basebesithi kubapristi labaprofethi: Lumuntu kafanelanga ukubulawa, ngoba ukhulumile kithi ebizweni leNkosi, uNkulunkulu wethu.

UJeremiya 5:28

bakhuluphele; kabalamkhawulo ekwenzeni kwabo okubi, kabameli ukulunga lezintandane ukuba ziphumelele, kabavikeli amalungelo abaswelayo.

UJeremiya 7:23

Kodwa ngabalaya lokhu kuphela ngathi: Lalelani ilizwi lami, ngizakuba nguNkulunkulu wenu, lina libe ngabantu bami, lihambe ngezindlela engililaya zona, ukuze kulilungele.

UJeremiya 9:24

kodwa ozincomayo kazincome ngalokhu, ukuthi uyangiqedisisa, futhi uyazi ukuba mina ngiyiNkosi elothando olungapheliyo, lokulunga, lobuqotho emhlabeni; ngoba lezizinto ngiyezithanda, kutsho iNkosi.

Izililo 3:36

lokona umuntu endabeni yakhe, iNkosi kayikukuvuma lokho.

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 18:7

engacindezeli muntu, ebuyisela kowebolekayo isibambiso sakhe, engaphangi muntu, enika olambileyo ukudla, enika abahambaze izigqoko,

UHezekhiyeli 22:7

Phakathi kwakho abazali benziwa inhlekisa, owezizweni uyacindezela phakathi kwakho, koniwe intandane lomfelwakazi.

UHezekhiyeli 45:9

INkosi uNkulunkulu ithi: Kwanele, lina zikhulu zakoIsrayeli! Lahlani isihluku lokucindezela, lenze ukwahlulela lokulunga, likhawule ukuxotsha abantu bami, kutsho iNkosi uNkulunkulu.

UJoweli 3:19

IGibithe lizakuba yinkangala, leEdoma libe yinkangala engelalutho, ngenxa yesihluku esenziwa kwabakoJuda, langenxa yegazi elingelacala abalichitha elizweni labo.

ULevi 19:15

Lingahluleli ngokungalungi; lingakhethi ongumyanga loba omkhulu, kodwa lahlulele umakhelwane wenu ngokulungileyo.

uAmosi 5:15

Zondani okubi lithande okuhle, lenze okufaneleyo enkundleni; mhlawumbe iNkosi uNkulunkulu wamabandla ingaba lomusa kwabaseleyo koJosefa.

uAmosi 5:24

Kodwa okufaneleyo kakugobhoze njengamanzi, lokulunga kugeleze njengemifula engacimiyo.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UMatewu 23:23

Maye kini babali labaFarisi, bazenzisi! ngoba lithela okwetshumi kwemfe, lolude, lamakhomane, liyekele izinto ezinkulu zomlayo, ukulunga lesihawu lokuthembeka. Belifanele ukukwenza lokhu lingakuyekeli lalokho.

UDutheronomi 10:18

Iyenzela ukwahlulela izintandane labafelwakazi, iyathanda abezizweni abahlala phakathi kwenu ibanike ukudla lezambatho.

UDutheronomi 24:17

Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

UDutheronomi 24:7

Uba umuntu efunyanwa ethumba omunye wabakibo koIsrayeli, amphathe njengesigqili loba amthengise, lowomuntu uzakubulawa. Ngalokhu lizaqeda ububi phakathi kwenu.

UDutheronomi 25:1

Uba abantu bexabana, baye kubathonisisi, abathonisisi bazakubathonisisa, bayekele ongelacala, balahle olecala.

UDutheronomi 27:19

Kaqalekiswe owonakalisa ukwahlulelwa kowemzini lentandane lomfelwakazi. Bonke abantu bazakuthi: Ameni.

UJakhobe 1:27

Ukukholwa okuhlambulukileyo okungangcolanga phambi kukaNkulunkulu uBaba yilokhu, ukuhambela izintandane labafelwakazi ekuhluphekeni kwabo, lokuzilondoloza kokungcolisayo emhlabeni.