UJeremiya 21:7 - iBhayibhili Elingcwele 1978

⁷ Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

IBhayibhili Elingcwele LesiNdebele

⁷ Emva kwalokho, kutsho uThixo, uZedekhiya inkosi yakoJuda, lezikhulu zakhe kanye labantu bakulelidolobho abaphepha emkhuhlaneni, enkembeni lasendlaleni, ngizabanikela kuNebhukhadineza inkosi yaseBhabhiloni lasezitheni zabo ezifuna ukubabulala. Uzababulala ngenkemba; kayikuba lomusa kumbe uzwelo loba isihawu.’

UJeremiya 21:7 ပူးပေါင်းရင်းမြစ်များ

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UDutheronomi 28:50

isizwe esesabekayo, esingahloniphi abadala, esingelamusa kwabatsha.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

UHezekhiyeli 8:18

Ngizabasukela ekuthukutheleni kwami. Kangiyikubayekela ngibahawukele; lanxa bekhala kakhulu, kangiyikubezwa.

U-Isaya 47:6

Ngabathukuthelela abantu bami, ngabayangisa, ngabanikela esandleni sakho, kawubahawukelanga; walenza laba nzima ijogwe lakho phezu kwabadala.

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

UJeremiya 15:5

Ngubani ozakukuhawukela, wena Jerusalema, lozakukukhalela na? Ngubani ozaphambukela eceleni ukubuza ngempilo yakho na?

UJeremiya 15:9

Owazala abayisikhombisa usekhathele, waqaleka; watshonelwa lilanga kusesemini; waba lenhloni, wayangeka. Abaseleyo ngizabanikela ezitheni zabo ukuze babulawe, kutsho iNkosi.

UJeremiya 22:25

ngikunikele ezandleni zalabo abakuzingelayo, labo obesabayo, ngitsho esandleni sikaNebukadineza inkosi yaseBabiloni lakumaKaladiya,

UJeremiya 27:6

Sengiwanikele wonke lamazwe kuNebukadineza inkosi yaseBabiloni, inceku yami, ngimnikile futhi inyamazana zeganga ukuba zimsebenzele.

UJeremiya 34:3

Kawuyikuphunyuka esandleni sayo, kodwa uzabanjwa impela, unikelwe ezandleni zayo; uzabonana lenkosi yaseBabiloni, likhulumisane; futhi uzakuya eBabiloni.

UHezekhiyeli 23:28

INkosi uNkulunkulu ithi: Ngizakukunikela ezandleni zalabo obazondayo, ezandleni zalabo owabatshiya usunengiwe yibo.

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 19:7

Ngizakuchitha kulindawo amacebo akoJuda laweJerusalema, ngenze ukuba abantu babo babulawe empini phambi kwezitha zabo, langesandla salabo ababazingelayo; nginike izidumbu zabo zibe yikudla kwenyoni zaphezulu lenyamazana zeganga.

UJeremiya 20:4

Ngoba iNkosi ithi: Ngizakukwenza ukuba ube yinto eyesabekayo kuwe uqobo lakubo bonke abangane bakho. Bazabulawa ngomkhonto wezitha zabo, ukhona wena ukhangele. Ngizanikela bonke abakoJuda esandleni senkosi yaseBabiloni, ibathumbe, ibase eBabiloni, ibabulale.

UJeremiya 32:4

loZedekiya inkosi yakoJuda kayiyikuphunyuka esandleni samaKaladiya, kodwa uzanikelwa impela esandleni senkosi yaseBabiloni, akhulume layo bekhangelene;

UJeremiya 36:29

Mayelana loJehoyakimi inkosi yakoJuda uzakuthi: INkosi uNkulunkulu ithi: Uwutshisile umqulu wencwadi, wathi: Ulobeleni kiwo ukuthi inkosi yaseBabiloni izafika impela, ilichithe lelilizwe, ibulale bonke abantu lenyamazana na?

UJeremiya 50:17

UIsrayeli uyimvu ezingelwayo, exotshwa yizilwane. Kuqala wadliwa yinkosi yaseAsiriya, emva kwalokho uNebukadineza inkosi yaseBabiloni uqhobile amathambo akhe.

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

Izililo 2:22

Wangibizela izitha zami, zavela inxa zonke, njengabantu abeza emkhosini, kakho loyedwa owaphunyukayo, kakho owasilayo osukwini lokuthukuthela kweNkosi. Bonke engabazala ngabondla babhujiswa yizitha zami.