UJeremiya 20:9 - iBhayibhili Elingcwele 1978

⁹ Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

IBhayibhili Elingcwele LesiNdebele

⁹ Kodwa nxa ngisithi, “Kangiyikumqamba loba ngikhulume ngebizo lakhe futhi,” ilizwi lakhe lisenhliziyweni yami njengomlilo, umlilo ovalelwe emathanjeni ami. Sengidiniwe ngokuligodla ngaphakathi; impela, ngingeke nganelise.

UJeremiya 20:9 ပူးပေါင်းရင်းမြစ်များ

AmaHubo 39:3

inhliziyo yami yavutha phakathi kwami, yavutha njengomlilo ngisacabanga; ngasengikhuluma ngolimi lwami,

UJeremiya 23:29

Ilizwi lami kalinjengomlilo yini lanjengesando esiqhekeza ilitshe na? kutsho iNkosi.

UJeremiya 23:9

Ngabaprofethi. Inhliziyo yami yephukile phakathi kwami, lamathambo ami wonke ayathuthumela; nginjengomuntu odakiweyo, lanjengomuntu owehlulwe liwayini, ngenxa yeNkosi, langenxa yamazwi ayo angcwele.

UJeremiya 4:19

Ngilobuhlungu obukhulu, ngiyazitshila ngenxa yobuhlungu. Maye inhliziyo yami! Inhliziyo yami iyatshaya, kangilakuthula; ngoba ngizwile ukukhala kophondo, lomkhosi wempi.

UJeremiya 6:11

Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

UHezekhiyeli 3:14

Umoya wasengiphakamisa, wangisusa; ngahamba ngifutheka emoyeni wami, isandla seNkosi sinzima phezu kwami.

UHezekhiyeli 3:3

Yathi kimi: Ndoda, dlana lumqulu engikunika wona, ukuba usuthe. Ngasengiwudla, waba mnandi njengoluju emlonyeni wami.

uAmosi 3:8

Isilwane sesibhongile, ngubani ongayikwesaba na? INkosi uNkulunkulu isikhulumile, ngubani ongayekela ukutshumayela na?

UJona 1:2

lathi: Suka uye eNineve kulowana umuzi omkhulu, umemezele kuwo ukuthi ububi babantu bawo bufinyelele kimi.

UJona 1:3

Kodwa uJona wasuka waya eTarshishi ukuba abalekele iNkosi. Wehlela eJopha, wafumana khona umkolo oya eTarshishi; wakhupha imali yokukhwela, wakhwela kuwo ukuba ahambe labaya eTarshishi, abaleke eNkosini.

ULukha 9:62

Kodwa uJesu wathi kuye: Kakho othi esebeke isandla sakhe ekhubeni, akhangele emuva, ofanele umbuso kaNkulunkulu.

Imisebenzi 17:16

Kwathi uPawuli esabalindele eAtene, umoya wakhe wakhathazeka phakathi kwakhe ebona umuzi ugcwele izithombe.

Imisebenzi 18:5

Kwathi sebefikile oSilasi loTimothi bevela eMakedoniya, uPawuli wakhuthalela ukutshumayela, efakaza kubaJuda ukuba uJesu unguKristu.

Imisebenzi 4:20

ngoba thina kasilakuyekela ukukhuluma ngalokho esikubonileyo lesikuzwileyo.