UJeremiya 20:8 - iBhayibhili Elingcwele 1978

⁸ Ngoba lapho ngikhuluma, ngiyakhala, ngimemeze ngithi: Okubi lokuchitheka! Ilizwi leNkosi selingilethele ihlazo lokuhlekwa usuku lonke.

IBhayibhili Elingcwele LesiNdebele

⁸ Zonke izikhathi lapho ngikhuluma, ngiyakhala ngimemezela ukuba kube lodlakela lokuchitheka. Ngakho ilizwi likaThixo selingilethele isithuko lensolo ilanga lonke.

UJeremiya 20:8 ပူးပေါင်းရင်းမြစ်များ

2 AmaKhosi 2:23

Wasuka lapho, waya eBetheli; kwathi esahamba endleleni kwaphuma okungabafanyana okuthile emzini, kwamhleka kusithi: Hamba, wena mpandla ndini! Hamba, wena mpandla ndini!

2 ImiLando 36:16

Kodwa babelokhu bezihleka ulunya izithunywa zikaNkulunkulu, bedelela amazwi akhe, beklolodela abaprofethi bakhe, lwaze lwavutha ulaka lweNkosi ebantwini bayo baze baswela usizo.

U-Isaya 57:4

lidlala ngobani na? likhamisela ubani imilomo yenu, linyalize inlimi zenu na? Angithi lingabantwana besiphambeko, lenzalo yenkohliso,

UJeremiya 15:10

Maye mina, maye ngomama! ngoba wangizala ngaba ngumuntu wokuphikisana lokuxabana kulo lonke ilizwe. Kangebolekisanga ngalutho, futhi kangebolekanga lutho, kodwa bonke bayangithuka.

UJeremiya 15:15

Uyazi, wena Nkosi; ngikhumbula, ungihambele, ungiphindiselele kwabangihluphayo. Ngoba ulokubekezela, ungangisusi; yazi ukuthi ngenxa yakho ngithwele ukuthukwa.

UJeremiya 17:27

Kodwa uba lingangilaleli, lingenzi iSabatha libe ngcwele, lingena ngamasango eJerusalema ngosuku lweSabatha, lithwele imithwalo, ngizaphemba umlilo emasangweni alo, ozakutshisa uqothule izindlu zamakhosi zaseJerusalema, ungacimeki.

UJeremiya 20:7

Nkosi, wangiyenga, ngayengeka. Ulamandla kulami, ungahlulile, sengiyinhlekisa insuku zonke, bonke bayangihleka.

UJeremiya 28:8

Abaprofethi ababephambi kwakho lababephambi kwami, kusukela endulo, batshumayela ngempi, langendlala, langomkhuhlane, emazweni amanengi lasemibusweni emikhulu.

UJeremiya 5:1

Gijimani, lizulazule ezindleleni zeJerusalema, lizibonele; licinge emagumeni ayo, libone ukuba lingafumana umuntu owenza ukulunga, odinga iqiniso, ukuze ngiyithethelele.

UJeremiya 5:6

Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

UJeremiya 6:10

Ngizakhuluma lobani ngimxwayise ukuba bezwe na? Indlebe zabo zivalekile, kabalakulalela; ilizwi leNkosi liyinhlekisa kibo, kalibathokozisi.

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

UHabhakhukhi 1:3

Ungitshengiselani okubi lenkathazo na? Ukuchitheka lobubi kuphambi kwami, kukhona ukulwa lokuxabana.

ULukha 11:45

Omunye wezazumlayo wathi kuye: Mfundisi, ngokutsho lokhu uyasithuka lathi.

AmaHebheru 11:26

Wathi ukuthukwa ngenxa yoGcotshiweyo kuyinotho enkulu kulamagugu aseGibithe, ngoba wayekhangele umvuzo.

AmaHebheru 13:13

Ngakhoke asiphumele kuye ngaphandle komuzi, sithwale ihlazo lakhe.

1 UPhethro 4:14

Uba lithukwa ngenxa yebizo likaKristu, libusisiwe, ngoba uMoya wenkazimulo onguMoya kaNkulunkulu uhlezi phezu kwenu.