UJeremiya 20:6 - iBhayibhili Elingcwele 1978

⁶ Wenake Pashuri, labo bonke abahlala endlini yakho, lizakuthunjwa, liye eBabiloni; lizakufela khona, lingcwatshelwe khona, wena labangane bakho bonke, otshumayele kibo amanga.

IBhayibhili Elingcwele LesiNdebele

⁶ Wena Phashuri, labo bonke abahlala endlini yakho lizathunjwa liye eBhabhiloni. Uzafela khonale, ungcwatshwe khonale, wena kanye labangane bakho bonke ophrofetha amanga kubo.’ ”

UJeremiya 20:6 ပူးပေါင်းရင်းမြစ်များ

U-Isaya 9:15

Ikhanda lingohloniphekayo lesikhulu, lomsila ungumprofethi otshumayela amanga.

UJeremiya 14:13

Ngasengisithi: Hawu, Nkosi Nkulunkulu! Khangela, abaprofethi babatshela bathi: Kaliyikubona impi, kaliyikufikelwa yindlala, kodwa ngizalinika ukuthula kulindawo.

UJeremiya 14:16

kuthi abantu abatshumayela kibo baphoselwe endleleni zeJerusalema, bebulewe yindlala lempi, kungasekho muntu wokubangcwaba, bona labomkabo, lamadodana abo lamadodakazi abo. Ngoba ngizakwehlisela ububi babo phezu kwabo.

UJeremiya 20:1

Kwathi uPashuri umpristi, indodana kaImeri, owayeyinduna enkulu ethempelini, wamuzwa uJeremiya etshumayela lezizinto.

UJeremiya 20:4

Ngoba iNkosi ithi: Ngizakukwenza ukuba ube yinto eyesabekayo kuwe uqobo lakubo bonke abangane bakho. Bazabulawa ngomkhonto wezitha zabo, ukhona wena ukhangele. Ngizanikela bonke abakoJuda esandleni senkosi yaseBabiloni, ibathumbe, ibase eBabiloni, ibabulale.

UJeremiya 23:32

Ngimelana lalabo abaxoxa amaphupho amanga, baduhise abantu bami ngamanga abo langokuwalazela kwabo, ngingabathumanga, ngabalaya; ngakho kababasizi ngalutho lababantu, kutsho iNkosi.

UJeremiya 29:32

ngakho ngizamtshaya yena kanye lenzalo yakhe; kakuyikuba lamuntu wakwakhe ozasala phakathi kwalababantu abone okuhle engizakukwenzela abantu bami, ngoba ukhulumile ukuhlamuka kimi, kutsho iNkosi.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

UHezekhiyeli 22:28

Abaprofethi balo bayacomba izenzo zazo ngekalaga, babona imibono yamanga, bavumise amanga, besithi: Nanti ilizwi leNkosi uNkulunkulu; yona iNkosi ingakulumanga.

ULevi 26:17

Ngizakumelana lani, lichithwe yizitha zenu. Abalizondayo bazakulibusa, libaleke lingaxotshwa muntu.

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

UZakhariya 13:3

Uba kuvela futhi umuntu ongumprofethi, uyise lonina abamzalayo bazakuthi kuye: Kawuyikuphila, ngoba ukhuluma amanga ebizweni leNkosi. Uyise lonina abamzalayo bamgwaze esaprofetha.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.