UJeremiya 20:5 - iBhayibhili Elingcwele 1978

⁵ Futhi ngizanikela yonke imfuyo yalumuzi, layo yonke inzuzo yawo, lakho konke okwawo okuligugu, kanye lenotho yonke yamakhosi akoJuda, ezandleni zezitha zabo ezizakubaphanga, zibathumbe zibase eBabiloni.

IBhayibhili Elingcwele LesiNdebele

⁵ Yonke inotho yedolobho leli ngizayipha izitha zabo lazozonke izithelo zalo, zonke izinto zalo eziligugu kanye lemfuyo yonke yamakhosi akoJuda zizayithumba njengempango ziyithwalele eBhabhiloni.

UJeremiya 20:5 ပူးပေါင်းရင်းမြစ်များ

2 ImiLando 36:10

Ekuqaleni komnyaka inkosi uNebukadineza yathumela abantu ukuba alethwe eBabiloni, lezitsha eziligugu zethempeli; yabeka umfowabo uZedekiya ukuba abe yinkosi yakoJuda laseJerusalema.

U-Isaya 39:6

uthi: Insuku ziyeza lapho konke okusendlini yakho, lalokho konke okhokho bakho abakugcinayo kuze kube lamhla, kuzathwalelwa eBabiloni, kakuyikusala lutho, kutsho iNkosi.

UJeremiya 12:12

Abaphangi bafikile phezu kwawo wonke amadundulu angelalutho asenkangala, ngoba umkhonto weNkosi uyadla kusukela komunye umkhawulo welizwe kusiya komunye, kakho olokuthula.

UJeremiya 15:13

Ngizanikela imfuyo yakho lenotho yakho ibe yimpango engabizi mali, ngenxa yezono zakho zonke ezigcwele kulo lonke ilizwe lakini.

UJeremiya 17:3

laphezu kwezintaba eziselizweni. Imfuyo yenu layo yonke inotho yenu ngizayinikela ibe yimpango yokuhlawulela izono zenu kulo lonke ilizwe lakini.

UJeremiya 3:24

UBali, into elehlazo iqedile wonke umsebenzi wabokhokho kusukela ebutsheni bethu, izimvu zabo lenkomo zabo, amadodana abo lamadodakazi abo.

UJeremiya 32:24

Amadundulu okuvimbezela umuzi asekhona ukuba umuzi uthathwe, langenxa yempi lendlala lomkhuhlane umuzi unikelwe ezandleni zamaKaladiya awuhlaselayo. Lokho owakutshoyo kwenzakele njengoba ubona.

UJeremiya 39:2

Ngomnyaka wetshumi lanye wokubusa kukaZedekiya, ngosuku lwesificamunwemunye lwenyanga yesine, umuzi wafohlelwa.

UJeremiya 39:8

AmaKaladiya atshisa indlu yenkosi lezindlu zabantu, adilizela phansi imiduli yaseJerusalema.

UJeremiya 4:20

Ukuchitheka kulandela ukuchitheka, ilizwe lonke lichithekile. Amathente ethu adilikile masinyane, lamaveli awo ngesibangana nje.

Izililo 1:10

Isitha selula izandla zaso ukuthatha konke okuhle kwalo. Libonile izizwe zihlasela indlu yalo engcwele, zona owazalela ukungena phakathi kwebandla lakho.

Izililo 1:7

IJerusalema liyakhumbula ensukwini zokuhlupheka lezosizi lwalo konke okuhle okwakukhona ensukwini zasendulo. Nxa abantu balo bewela ezandleni zesitha, kwakungekho olisizayo; isitha sathokoza ngalo, sahleka ukuchitheka kwalo.

Izililo 4:12

Amakhosi omhlaba kawakholwanga, kanye labakhileyo emhlabeni, ukuthi umufo lesitha singangena emasangweni eJerusalema.

UHezekhiyeli 22:25

Izikhulu eziphakathi kwalo zifana lezilwane ezibhongayo leziphangayo; zibadlile abantu; zathatha inotho lezinto eziligugu; zenza abanengi baba ngabafelwakazi phakathi kwalo.

UDanyeli 1:2

INkosi uNkulunkulu yanikela uJehoyakimi inkosi yakoJuda esandleni sakhe, lengxenye yezitsha zendlu kaNkulunkulu. UNebukadineza wazisa elizweni laseShinari, endlini kankulunkulu wakhe, wazibeka endlini yenotho.

UHosiya 13:15

Loba uIsrayeli ekhahlela phakathi kwemihlanga, kuzafika umoya wasempumalanga, isivunguvungu esivela eNkosini siphuma enkangala; imithombo yakhe izakutsha, kome lamaxhaphozi akhe; sithathe inotho yakhe, izinto zonke eziligugu.