UJeremiya 20:3 - iBhayibhili Elingcwele 1978

³ Kwathi kusasa, lapho uPashuri esemkhuphe esitokisini uJeremiya, uJeremiya wathi kuye: INkosi kayisakubizi ngokuthi unguPashuri, kodwa ngokuthi uyiKwesabeka okunxa zonke.

IBhayibhili Elingcwele LesiNdebele

³ Ngosuku olwalandelayo, uPhashuri esemkhupha esitokisini, uJeremiya wathi kuye, “Ibizo lakho oliphiwe nguThixo akusiPhashuri, kodwa uMagori-Misabibi,

UJeremiya 20:3 ပူးပေါင်းရင်းမြစ်များ

UGenesisi 17:15

UNkulunkulu wathi kuAbrahama: Mayelana loSarayi umkakho, ibizo lakhe kalisayikuba nguSarayi, kodwa selizakuba nguSara.

UGenesisi 17:5

Ibizo lakho kalisayikuba nguAbrama, kodwa ibizo lakho selizakuba nguAbrahama, ngoba ngikwenzile ukuba ube ngukhokho wezizwe ezinengi.

UGenesisi 32:28

Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.

AmaHubo 31:13

Inxa zonke ngifikelwa yikwesaba, lapho ngisizwa ukunyenyeza kwabanengi, besenza icebo ngami, beqonde ukungibulala.

U-Isaya 8:3

Ngalala lomkami, wathatha isisu, wazala indodana. INkosi yasisithi kimi: Umuthe ibizo lokuthi uMaherishalaliHashibazi.

UJeremiya 19:2

uye esihotsheni seBeni‐Hinomu eSangweni leziNdengezi, utshumayele khona amazwi engikutshela wona.

UJeremiya 19:6

Ngakhoke insuku ziyeza, kutsho iNkosi, lapho lindawo ingasayikuthiwa yiTofethi, loba isihotsha seBeni‐Hinomu, kodwa izathiwa yisiHotsha sokuBulala.

UJeremiya 20:10

Ngiyezwa abanengi benyeyeza besithi: Kukhona ukwesabeka inxa zonke! Bathi: Mmangalele! Asimmangaleleni! kutsho bonke abangane bami engibejwayeleyo, beqaphele ukuwa kwami. Bathi: Mhlawumbe angakhohliseka; ng’khona sizakumahlula, siphindisele kuye.

UJeremiya 29:29

UZefaniya umpristi wayifunda lincwadi, uJeremiya umprofethi esizwa.

UJeremiya 46:5

Ngibonani na? Sebephele amandla, babuyele emuva. Lamaqhawe abo ayahlulwa, ayabaleka, kawanyemukuli emuva; lokwesaba kunxa zonke, kutsho iNkosi.

UJeremiya 6:25

Lingaphumeli egangeni, lingahambi endleleni, ngoba izitha zihlomile, lokwesaba kukhona inxa zonke.

UJeremiya 7:32

Ngalokhoke insuku ziyeza lapho indawo ingasayikubizwa ngokuthi yiTofethi, loba isihotsha seBeni‐Hinomu, kodwa izakuthiwa yisihotsha sokubulala; ngoba abafileyo bazangcwatshwa eTofethi, ngoba ingasekho enye indawo.

Izililo 2:22

Wangibizela izitha zami, zavela inxa zonke, njengabantu abeza emkhosini, kakho loyedwa owaphunyukayo, kakho owasilayo osukwini lokuthukuthela kweNkosi. Bonke engabazala ngabondla babhujiswa yizitha zami.

UHezekhiyeli 13:9

Isandla sami sizamelana labaprofethi ababona imibono yenkohliso, bavumise amanga. Kabayikuba semhlanganweni wabantu bami, loba babhalwe oluhlwini lwakoIsrayeli, kabayikungena elizweni lakoIsrayeli; lizakwazi ukuba ngiyiNkosi uNkulunkulu.

Imisebenzi 16:30

Wasebakhuphela phandle, wathi: Madoda, ngenzeni ukuze ngisiliswe na?