UJeremiya 20:2 - iBhayibhili Elingcwele 1978

² UPashuri wamtshaya uJeremiya umprofethi, wamfaka esitokisini esiseSangweni lakoBenjamini elingaphezulu, ekungeneni kwethempeli.

IBhayibhili Elingcwele LesiNdebele

² wenza ukuthi uJeremiya umphrofethi atshaywe njalo wamvalela esitokisini eSangweni laPhezulu koBhenjamini ethempelini likaThixo.

UJeremiya 20:2 ပူးပေါင်းရင်းမြစ်များ

1 AmaKhosi 13:4

Kwathi inkosi uJerobowamu isizwile amazwi omuntu kaNkulunkulu awakhuluma ngealtare leBetheli, yasusa isandla sayo ealtareni, yamkhomba isithi: Mbambeni lumuntu! Sahle safa isandla eyayimkhombe ngaso, yehluleka ukusibuyisa.

1 AmaKhosi 22:27

yathi: Valelani lumuntu entolongweni, limnike ukudla lamanzi alutshwana ngize ngibuye kuhle.

2 ImiLando 16:10

UAsa wamthukuthelela umboni, wamfaka entolongweni, ngoba wamthukuthelela kakhulu ngalokhu. UAsa wenza isihluku ebantwini abathile ngasona lesosikhathi.

2 ImiLando 18:23

UZedekiya indodana kaKenana wasesondela, wawakala uMikaya esihlathini, esithi: Umoya weNkosi wasuka njani kimi ukuyakhuluma kuwe na?

2 ImiLando 24:21

Basebemenzela icebo; belaywe yinkosi uJowashi, bamkhanda uZekariya ngamatshe egumeni lethempeli.

UJobe 13:27

Uzikhinile inyawo zami, waqaphela zonke indlela zami, wazibekela umkhawulo inyawo zami.

UJobe 33:11

Uyazikhina inyawo zami, aqaphele zonke indlela zami.

UJeremiya 1:19

Bazakulwa lawe, kodwa kabayikukwehlula, ngoba ngilawe ukukuvikela, kutsho iNkosi.

UJeremiya 26:10

Kwathi izikhulu zakoJuda sezizwile lezizinto zafika ethempelini, zivela esigodlweni senkosi, zahlala ngaseSangweni elitsha.

UJeremiya 26:8

lapho eseqedile ukukhuluma konke iNkosi eyayimlayile ukukukhuluma ebantwini, abapristi labaprofethi labo bonke abantu bamdumela bathi: Sizakukubulala!

UJeremiya 29:26

INkosi isikumisile ukuba ube ngumpristi esikhundleni sikaJehoyada umpristi, ukuba ulondoloze ithempeli; uba kukhona umuntu ohlanyayo ozitshaya umprofethi, uzakumfaka esitokisini, umbophe ngeketane.

UJeremiya 36:26

Inkosi yalaya uJerameli indodana yenkosi, loSeraya indodana kaAziriyeli, loShelemiya indodana kaAbideli, ukuba babambe uBaruki umbhali loJeremiya umprofethi; kodwa iNkosi uNkulunkulu yabafihla.

UJeremiya 37:13

Kwathi lapho eseSangweni lakoBenjamini, induna yabalindi ethiwa nguIrija indodana kaShelemiya, kaHananiya, wambamba uJeremiya umprofethi, wathi: Uyabalekela kumaKeladiya.

UJeremiya 37:21

Ngakho inkosi uZedekiya waselaya ukuba bamfake uJeremiya egumeni labalindi, lokuba anikwe isinkwa sibe sinye insuku zonke esivela kubapheki bezinkwa, kwaze kwaphela zonke izinkwa emzini. Ngakho uJeremiya wahlala egumeni labalindi.

UZakhariya 14:10

Lonke ilizwe lizaphenduka igceke kusukela eGeba kuze kube seRimoni ngaseningizimu kweJerusalema. Kodwa iJerusalema lizasala liphakeme endaweni yalo, ligcwele abantu kusukela eSangweni lakoBenjamini kuze kube sendaweni yesango lakuqala, isango laseGonsini, kusukela eMphotshongweni kaHananeli kuze kube sezikhamelweni zewayini zenkosi.

UMatewu 21:35

Abalimi bazibamba inceku zakhe, enye bayitshaya, enye bayibulala, enye bayikhanda ngamatshe.

Imisebenzi 4:3

bababamba, babafaka entolongweni kwaze kwaba kusasa, ngoba kwasekuhlwile.

Imisebenzi 5:18

bababamba abaphostoli, babafaka entolongweni.

Imisebenzi 5:40

Sebebabizile abaphostoli babatshaya, babalaya ukuba bangakhulumi ngebizo likaJesu, babakhulula.

Imisebenzi 7:52

Nguwuphi owabaprofethi okhokho benu abangamzingelanga na? Bababulala labo abamemezela ngaphambili ukuza koLungileyo, eselimnikele lambulala,

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.