UJeremiya 2:8 - iBhayibhili Elingcwele 1978

⁸ Abapristi kabatshongo ukuthi: Ingaphi iNkosi na? Lalabo abaphatha umlayo kabangazanga. Ababusi baphambuka kimi, labaprofethi batshumayela ngoBali, balandela izithombe ezingasizi lutho.

IBhayibhili Elingcwele LesiNdebele

⁸ Abaphristi kababuzanga ukuthi, ‘Ungaphi UThixo?’ Labo abaphatha umthetho abangazanga; abakhokheli bangihlamukela. Abaphrofethi baphrofetha ngoBhali balandela izithombe eziyize.

UJeremiya 2:8 ပူးပေါင်းရင်းမြစ်များ

1 AmaKhosi 18:22

UElija wasesithi ebantwini: Sekuyimi ngedwa umprofethi weNkosi uNkulunkulu oseleyo; kodwa abaprofethi bakaBali bangamakhulu amane lamatshumi amahlanu.

1 AmaKhosi 18:29

Imini yonke baklabalala kwaze kwaba yisikhathi sokunikelwa umnikelo; kodwa kwakungezwakali lizwi, kungaphenduli muntu, kungalaleli muntu.

1 AmaKhosi 18:40

UElija wasesithi kibo: Babambeni abaprofethi bakaBali, kungaphunyuki loyedwa wabo. Basebebabamba. UElija wabehlisela esifuleni iKishoni, wababulalela khona.

UJobe 35:10

Kodwa kakho othi: Ungaphi uNkulunkulu uMenzi wami, owenza amahubo okuthokoza azwakale ebusuku,

U-Isaya 28:7

Lalaba bayadakwa liwayini, badayizele ngenxa yotshwala; umpristi lomprofethi badakwa ngutshwala, baphambene ngenxa yewayini, badayizele ngenxa yotshwala; ngakho abaprofethi baphambanisa imibono, labapristi bakhubeke ekwahluleleni kwabo.

U-Isaya 29:10

Ngoba iNkosi ilehlisele umoya wobuthongo obunzima, yavula amehlo enu, baprofethi, yagubuzela amakhanda enu, baboni.

U-Isaya 30:5

bonke bayangeka ngenxa yesizwe leso esingelakubasiza ngalutho, isizwe esingabaletheli usizo, kuphela ukuyangeka lenhloni.

UJeremiya 10:21

Abelusi babantu bayiziphukuphuku, kababuzanga eNkosini; ngakho kabaphumelelanga, lemihlambi yabo ihlakazekile.

UJeremiya 12:10

Abelusi abanengi basichithile isivini sami, basinyathezela phansi isabelo sami, isabelo sami esihle basenza saba yinkangala engelalutho.

UJeremiya 16:19

Nkosi, wena ongamandla ami lenqaba yami, isiphephelo sami ngosuku lokuhlupheka, izizwe zizakufika kuwe zivela emikhawulweni yomhlaba, zithi: Okhokho bethu badlile ilifa lamanga kuphela, izinto ezingelamsebenzi ezingasizi lutho.

UJeremiya 18:18

Basebesithi: Wozani simenzele amacebo amabi uJeremiya; ngoba kuzabe kulokhu kukhona abapristi ukusifundisa, labahlakaniphileyo ukuseluleka, labaprofethi ukutshumayela ilizwi. Wozani simenzele amacebo, singananzi wonke amazwi akhe.

UJeremiya 2:11

Isizwe sake santshintsha onkulunkulu baso, loba bengesibo onkulunkulu balutho na? Kodwa abantu bami bangintshintshile mina enginguNkulunkulu wabo obalethela udumo ngonkulunkulu ongasizi lutho.

UJeremiya 2:6

Kabatshongo ukuthi: Ingaphi iNkosi eyasikhupha elizweni laseGibithe, yasikhokhela enkangala, elizweni elilugwadule lelilemigodi, elizweni elomileyo elimnyama kakhulu, elizweni elingahanjwa muntu, lalapho kungahlali muntu khona na?

UJeremiya 4:22

Abantu bami bayizithutha, kabangazi; bangabantwana abayiziphukuphuku, kabalakuqedisisa. Bahlakaniphele ukwenza okubi, kodwa ukwenza okuhle kabakwazi.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UJeremiya 7:8

Khangelani, lithemba amazwi akhohlisayo angelakusiza.

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

UHezekhiyeli 22:26

Abapristi balo bawaphule umlayo wami, bangcolisa izinto zami ezingcwele; kabenzanga umahluko phakathi kwezinto ezingcwele lezingangcwele; futhi kabawufundisanga umahluko phakathi kwezinto ezingcolileyo lezingangcolanga, badelile amaSabatha ami; ngangcoliswa phakathi kwabo.

UHezekhiyeli 34:2

Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

UHosiya 4:6

Abantu bami bayabhubha ngokuswela ukwazi; ngoba ukwalile ukwazi, lami ngizakukwala, ungabi ngumpristi wami. Lokhu usuwukhohliwe umlayo kaNkulunkulu wakho, lami ngizakhohlwa abantwana bakho.

UHabhakhukhi 2:18

Sisizani isithombe esibaziweyo, lokhu umenzi waso esibazile na? Siyinto ebunjiweyo eqamba amanga. Kusizani ukuba umenzi waso athembe kiso, lokuba enze isithombe esingakhulumiyo na?

UMatewu 16:26

Ngoba kuzamsizani umuntu ukuzuza umhlaba wonke, alahlekelwe yikuphila kwakhe; ingabe anganikani umuntu kube yinhlawulo yokuphila kwakhe na?

ULukha 11:52

Maye kini zazumlayo! ngoba lisusile ikhiye yokwazi. Kalingenanga lina uqobo lwenu, labangenayo labavimbela.

UJohane 16:3

Bazakwenza lokhu ngoba bengamazanga uBaba lami;

UJohane 8:55

Kodwa kalimazanga; mina ngiyamazi. Uba ngisithi kangimazi, ngizakuba ngumqambi wamanga njengani. Kodwa mina ngiyamazi, ngiyaligcina ilizwi lakhe.

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

UDutheronomi 33:10

Bazamfundisa uJakobe izimiso zakho, loIsrayeli umlayo wakho; bazabeka impepha phambi kwakho, lomnikelo wonke wokutshiswa ealtareni lakho.

1 USamuyeli 12:21

Lingaphambuki ukuba lilandele izinto eziyize ezingabuyiseli lutho lezingasizi lutho, ngoba ziyize.

1 USamuyeli 2:12

Amadodana kaEli ayengabantu ababi; ayengayazi iNkosi.