UJeremiya 2:7 - iBhayibhili Elingcwele 1978

⁷ Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

IBhayibhili Elingcwele LesiNdebele

⁷ Ngaliletha elizweni elivundileyo ukuba lidle izithelo zalo lezilimo ezinhle. Kodwa lina lafika langcolisa ilizwe lami, lenza ilifa lami langakhwabitheki.

UJeremiya 2:7 ပူးပေါင်းရင်းမြစ်များ

UNehemiya 9:25

Bathumba imizi ebiyelweyo lelizwe elinothileyo, lezindlu ezigcwele zonke izinto ezinhle, imithombo egejiweyo lezivini lezihlahla zamaoliva lezihlahla ezilezithelo ezinengi. Badla basutha, bazimuka, bazithokozisa ngezinto ezinhle owabapha zona.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

U-Isaya 19:25

INkosi yamabandla izakubabusisa ithi: Ibusisiwe iGibithe abantu bami, leAsiriya umsebenzi wezandla zami, loIsrayeli abantu bami.

UJeremiya 16:18

Ngizaphindisela ngokuphindiweyo ububi babo lezono zabo, ngoba balingcolisile ilizwe lami ngezidumbu zezithombe zabo ezinengekayo, bagcwalisa ilizwe lami ngamanyala abo.

UJeremiya 3:1

INkosi ithi: Uba indoda isahlukana lomkayo, abesesiba ngowenye indoda, isazakumbuyisa na? Lelolizwe belingayikungcoliswa kakhulu na? Kanti wena usufebile lezithandwa ezinengi, usabuya kimi na? kutsho iNkosi.

UJeremiya 3:2

Phakamisela amehlo akho emadundulwini angelalutho, ubone. Kungaphi lapho ungalalelwanga khona na? Ngasezindleleni wahlalela izithandwa njengomArabiya enkangala. Ulingcolisile ilizwe ngobufebe bakho obubi.

UJeremiya 3:9

Ngoba ubufebe babuyinto elula kuye wangcolisa ilizwe ngokufeba kwakhe langokukhonza amatshe lezihlahla.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 32:30

Ngoba amadodana akoIsrayeli lamadodana akoJuda enzile okubi kuphela phambi kwami, kusukela ebutsheni bawo; yebo, amadodana akoIsrayeli angicunule kuphela ngezenzo zabo, kutsho iNkosi.

UHezekhiyeli 20:24

ngoba bengayenzanga imithetho yami, bezalile izimiso zami, bangcolisa amaSabatha ami, bathanda ukukhonza izithombe zokhokho babo.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 20:6

Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

UHezekhiyeli 23:35

Ngalokho iNkosi uNkulunkulu ithi: Ngoba ungikhohliwe, wangilahla nyovane, thwala umvuzo wamanyala akho lokuwula kwakho.

UHezekhiyeli 36:17

Ndoda, lapho uIsrayeli esahlala elizweni lakhe, walingcolisa ngendlela zakhe langezenzo zakhe, ukuziphatha kwakhe phambi kwami kwakufana lokungcola kowesifazana osemfuleni.

UHosiya 9:3

Kabayikuhlala elizweni leNkosi, kodwa abakoEfrayimi bazabuyela eGibithe, badle ukudla okungcolileyo eAsiriya.

UMikha 2:10

Sukani lihambe, ngoba lapha kakusiyo indawo yokuphumula, ngenxa yokungcola okuletha ukuchitheka okukhulu.

AmaNani 13:27

Bambikela uMose bathi: Safika elizweni owasithuma kulo; ligcwele uchago lenyosi; nanzi izithelo zalo.

UDutheronomi 21:23

isidumbu sakhe singahlali esihlahleni ubusuku bonke, kodwa lizamlahla ngalona lolosuku, ngoba umuntu ophanyekiweyo uqalekisiwe nguNkulunkulu. Lingangcolisi ilizwe lenu iNkosi uNkulunkulu wenu elinika lona ukuba ngelenu.

UDutheronomi 32:9

kodwa isabelo seNkosi saba ngabantu bayo, uJakobe waba yisabelo sayo esikhethiweyo.

UDutheronomi 6:18

Wenze okulungileyo lokuhle emehlweni eNkosi ukuba kukulungele, lokuba ungene ulithumbe ilizwe elihle, iNkosi eyafunga ukulinika okhokho benu,