UJeremiya 2:6 - iBhayibhili Elingcwele 1978

⁶ Kabatshongo ukuthi: Ingaphi iNkosi eyasikhupha elizweni laseGibithe, yasikhokhela enkangala, elizweni elilugwadule lelilemigodi, elizweni elomileyo elimnyama kakhulu, elizweni elingahanjwa muntu, lalapho kungahlali muntu khona na?

IBhayibhili Elingcwele LesiNdebele

⁶ Kababuzanga ukuthi, ‘Ungaphi uThixo, owasikhupha elizweni laseGibhithe wasikhokhela emagangeni alugwadule phakathi kwelizwe lezinkangala lezindonga, ilizwe lokoma lobumnyama, ilizwe elingahanjwa muntu lelingelamuntu ohlala kulo?’

UJeremiya 2:6 ပူးပေါင်းရင်းမြစ်များ

2 AmaKhosi 2:14

Wasetshaya amanzi ngengubo kaElija ebiwile kuye esithi: Ingaphi iNkosi, uNkulunkulu kaElija na? Kwathi esewatshayile amanzi, adabuka phakathi; wasewela.

UJobe 3:5

Luphiwe umnyama lethunzi lokufa, lamayezi ehlele phezu kwalo, lomnyama ucitshe ilanga.

UJobe 35:10

Kodwa kakho othi: Ungaphi uNkulunkulu uMenzi wami, owenza amahubo okuthokoza azwakale ebusuku,

AmaHubo 23:4

Loba ngidabula esihotsheni esimnyama, kangesabi okubi, ngoba wena ulami; intonga yakho lodondolo lwakho kuyangivikela.

AmaHubo 77:5

Ngiyazikhumbula insuku zasendulo leminyaka yasendulo.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

UJeremiya 13:16

Inikeni iNkosi udumo, uNkulunkulu wenu, ingakalethi umnyama, lenyawo zenu zingakakhubeki ezintabeni ngoba sekuhlwile, kuthi lisadinga ukukhanya, ikuphendule kube ngumnyama, ikwenze kube ngumnyama omkhulu.

UJeremiya 2:2

Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

UJeremiya 2:8

Abapristi kabatshongo ukuthi: Ingaphi iNkosi na? Lalabo abaphatha umlayo kabangazanga. Ababusi baphambuka kimi, labaprofethi batshumayela ngoBali, balandela izithombe ezingasizi lutho.

UJeremiya 5:12

Bayiphikile iNkosi, bathi: Kayilamsebenzi. Kakuyikusehlela okubi, kasiyikubona impi lendlala.

UJeremiya 5:2

Loba besithi: Ngifunga iNkosi; kanti bafunga amanga nje.

UJeremiya 51:43

Imizi yalo isingamanxiwa, ilizwe elomileyo lenkangala, ilizwe elingahlalwa muntu, okungadluli kulo umuntu.

UHosiya 12:13

INkosi yamkhupha uIsrayeli eGibithe ngomprofethi, walondolozwa ngumprofethi.

UHosiya 13:4

INkosi ithi: Mina ngiyiNkosi, uNkulunkulu wakho, kusukela ekuhlaleni kwakho eGibithe; kawumazi omunye uNkulunkulu ngaphandle kwami, kakho omunye umsilisi ngaphandle kwami.

uAmosi 2:10

Futhi mina ngalikhupha elizweni laseGibithe, ngalihola enkangala iminyaka engamatshumi amane, ukuba lithumbe ilizwe lamaAmori.

UMatewu 4:16

abantu ababehlezi emnyameni babonile ukukhanya okukhulu, lababehlezi elizweni lasethunzini lokufa ukukhanya kuphumele kibo.

UDutheronomi 1:19

Sasuka eHorebe, sadabula phakathi kwaleyonkangala enkulu leyesabekayo elayibonayo; sahamba ngendlela eya ezintabeni zamaAmori, njengokusilaya kweNkosi, safika eKadeshiBarneya.

UDutheronomi 32:10

Wamfumana elizweni eliyinkangala, enkangala elezilo ezibhongayo. Wamphahla, wamlondoloza, wamgcina, waba ligugu kuye.

UDutheronomi 8:2

Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.

Abahluleli 6:13

UGidiyoni wathi kuso: E nkosi, uba iNkosi ilathi, konke lokhu kusehlele ngani na? Zingaphi zonke izenzo zayo ezimangalisayo abasitshela ngazo obaba besithi: INkosi kayisikhuphanga eGibithe na? Kodwa khathesi iNkosi isisilahlile, yasinikela ezandleni zamaMidiyani.