UJeremiya 2:21 - iBhayibhili Elingcwele 1978

²¹ Kukanti mina ngakuhlanyela ulivini elihle, uyinhlanyelo elungileyo kuphela. Phoke, usuphenduke kanjani waba mubi, waba livini elibi na?

IBhayibhili Elingcwele LesiNdebele

²¹ Ngikuhlanyele njengevini elikhethiweyo elohlobo oluqinileyo loluthembekileyo. Pho kwenzakala njani ukuba ungiphendukele ube livini elibolileyo, leganga?

UJeremiya 2:21 ပူးပေါင်းရင်းမြစ်များ

UGenesisi 18:19

Ngoba ngimkhethile ukuba alaye abantwana bakhe losendo lwakhe, bagcine indlela yeNkosi ngokwenza ukulunga lokuqotho, ukuze iNkosi imenzele uAbrahama lokho emthembise khona.

UGenesisi 32:28

Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.

AmaHubo 105:6

lina nzalo kaAbrahama inceku yayo, lina bantwana bakaJakobe abakhethiweyo bayo.

AmaHubo 44:2

Wababeka bona elizweni, kodwa wazixotsha izizwe ngesandla sakho; wazichitha izizwe, kodwa wabandisa bona.

AmaHubo 80:8

Walikhupha ivini eGibithe, wazixotsha izizwe, walihlanyela lona.

AmaHubo 80:9

Walicentela indawo, waligxumeka, lagcwala umhlaba wonke.

U-Eksodasi 15:17

Uzabangenisa, ubamise entabeni yakho, indawo ozenzele yona, Nkosi, ukuba uhlale kuyo, indawo engcwele eziyimisileyo izandla zakho, Nkosi.

U-Isaya 1:21

Yeka umuzi othembekileyo usuphenduke waba liwule, wona owawugcwele okufaneleyo! Ukulunga kwakuhlezi phakathi kwawo, kodwa khathesi sekuhlala ababulali.

U-Isaya 27:2

Ngalolosuku iNkosi izakuthi: Hlabelani ngesivini esihle.

U-Isaya 41:8

Kodwa wena Israyeli, nceku yami, wena Jakobe engikukhethileyo, nzalo kaAbrahama umngane wami,

U-Isaya 5:4

Ngabe kwenziwani esivinini sami engingakwenzanga na? Kungani ukuba lapho ngithembe ukuthi sizathela izithelo ezinhle, sathela izithelo ezibabayo na?

U-Isaya 60:21

Abantu bakho bonke bazakuba ngabalungileyo, ilizwe libe ngelabo kokuphela, babe lugatsha oluhlanyelwa yimi, umsebenzi wezandla zami, ukuba ngibe lodumo.

U-Isaya 61:3

nginike labo abalilayo eZiyone imiqhele endaweni yomlotha, lamafutha enjabulo endaweni yengubo yokulila, indumiso endaweni yomoya odanileyo; ukuze babizwe ngokuthi yizihlahla zobuqotho, ezihlanyelwe yiNkosi, ukuba izuze udumo.

UJeremiya 11:16

INkosi yake yakubiza ngokuthi: Uyisihlahla seoliva esiluhlaza, esilezithelo ezinhle; kodwa ngomdumo wesiphepha esikhulu izakusithungela ngomlilo lengatsha zaso zitshiswe.

UJeremiya 11:17

INkosi yamabandla eyakuhlanyelayo ikhulumile okubi ngawe, ngenxa yobubi obenziwe yindlu yakoIsrayeli leyakoJuda, bangicunula ngokutshisela uBali impepha.

UJeremiya 5:10

Ngenani emavinini alo liwachithe, kodwa lingawaqedi ngokupheleleyo; susani ingatsha zalo, ngoba kazisizo zeNkosi.

Izililo 4:1

Yeka ukufiphala kwegolide lokuphenduka kwegolide elihle! Amatshe endlu engcwele achithekile ekuhlanganeni kwazo zonke indlela.

UHezekhiyeli 15:2

Ndoda, isihlahla sevini sedlula ngani ezinye, singcono kulogatsha lwesinye isihlahla eguswini na?

UMatewu 21:33

Zwanini omunye umfanekiso. Kwakukhona umnumzana owahlanyela isivini, wasibiyela ngothango, wemba isikhamelo, wakha idumba, wasiqatshisa kubalimi, waya kwelinye ilizwe.

UMakho 12:1

Waqala ukukhuluma labo ngemifanekiso, wathi: Umuntu wahlanyela isivini, wasibiyela ngothango, wemba isikhamelo, wakha idumba, wasiqatshisa kubalimi, wasuka waya kwelinye ilizwe.

ULukha 20:9

Waseqala ukutshela abantu lumfanekiso, esithi: Umuntu wahlanyela isivini, wasiqatshisa kubalimi, waya kwelinye ilizwe isikhathi eside.

UJohane 15:1

Mina ngilivini eliqotho, uBaba ungumlimi.

UDutheronomi 32:32

Ivini labo livela evinini laseSodoma, emasimini aseGomora; izithelo zesivini sabo yizithelo ezilobuhlungu, amahlukuzo abo amunyu;

UDutheronomi 4:37

Njengoba ibathandile okhokho benu, yakhetha inzalo yabo emva kwabo, yalikhupha yona ngokwayo eGibithe ngamandla ayo amakhulu,

UJoshuwa 24:31

UIsrayeli wayikhonza iNkosi zonke insuku zikaJoshuwa lazo zonke insuku zabadala abasalayo, ababewazi wonke umsebenzi iNkosi eyawenzela uIsrayeli.