UJeremiya 2:2 - iBhayibhili Elingcwele 1978

² Hamba uyememezela eJerusalema uthi: INkosi ithi: Ngiyakhumbula ukuthembeka kwakho usemutsha, lothando lwakho usengumlobokazi, lokungilandela kwakho enkangala, elizweni elingahlanyelwanga.

IBhayibhili Elingcwele LesiNdebele

² “Hamba umemezele iJerusalema lisizwa uthi: Lokhu yikho okutshiwo nguThixo: ‘Ngiyakukhumbula ukuzinikela kwasebutsheni bakho, ukungithanda kwakho njengomlobokazi ungilandela enkangala, phakathi kwelizwe elingahlanyelwanga.

UJeremiya 2:2 ပူးပေါင်းရင်းမြစ်များ

AmaHubo 129:1

Abantu bangihluphile kakhulu kusukela ebutsheni bami; katsho njalo uIsrayeli athi:

U-Eksodasi 14:31

Babona isenzo esikhulu eyasenzayo iNkosi kuwo amaGibithe. Abantu bayesaba iNkosi, bakholwa eNkosini, lasencekwini yayo uMose.

U-Eksodasi 16:8

UMose wathi: INkosi izalinika inyama ibe yikudla kwenu kusihlwa, ilinike isinkwa ekuseni ukuba lidle lisuthe; ngoba iNkosi izwile ukusola kwenu eliyisola ngakho. Ngoba thina siyini? Ukusola kwenu kakungathi, kodwa kungeNkosi.

Izaga 1:20

UkuHlakanipha kuyamameza endleleni, kuyezwakalisa ilizwi lakho emidangeni,

Ingoma 3:11

Phumani, lina madodakazi aseJerusalema, liphume lani, madodakazi aseZiyone, liyibone inkosi uSolomoni, ithwele umqhele eyawuthwaliswa ngunina mhla wosuku lomthimba wayo, mhla wosuku lokuthokoza kwayo.

Ingoma 3:6

Kuyini lokhuya okuvela enkangala kunjengensika yentuthu, evela ekutshisweni kwemure lempepha, lokunjengamakha wonke abathengi na?

U-Isaya 58:1

INkosi ithi: Memeza ngelizwi elikhulu, ungathuli, uphakamise ilizwi lakho njengelophondo, utshele abantu bami iziphambeko zabo, lendlu kaJakobe izono zayo.

UJeremiya 11:6

INkosi yathi kimi: Tshumayela wonke lamazwi emizini yakoJuda lasezindleleni zaseJerusalema, uthi: Zwanini amazwi alesisivumelwano, liwagcine.

UJeremiya 19:2

uye esihotsheni seBeni‐Hinomu eSangweni leziNdengezi, utshumayele khona amazwi engikutshela wona.

UJeremiya 2:1

Laselifika kimi ilizwi leNkosi lisithi:

UJeremiya 2:6

Kabatshongo ukuthi: Ingaphi iNkosi eyasikhupha elizweni laseGibithe, yasikhokhela enkangala, elizweni elilugwadule lelilemigodi, elizweni elomileyo elimnyama kakhulu, elizweni elingahanjwa muntu, lalapho kungahlali muntu khona na?

UJeremiya 3:4

Kawusand’ ukumemeza kimi yini ukuthi: Baba, wena ungumngane wobutsha bami?

UJeremiya 7:2

Mana emnyango wethempeli, utshumayele lapho lelilizwi uthi: Zwanini ilizwi leNkosi, lina lonke bantu bakoJuda, abangena kuliminyango ukukhonza iNkosi.

UHezekhiyeli 16:22

Kuwo wonke amanyala akho lakukho konke ukuwula kwakho kawukhumbulanga insuku zobutsha bakho lapho wawunqunu, uqhatsha egazini lakho.

UHezekhiyeli 16:60

kanti ngizakhumbula isivumelwano sami lawe, esensukwini zobutsha bakho, ngenze lawe isivumelwano esingelakuphela.

UHezekhiyeli 16:8

Lapho ngidlula kuwe futhi ngakukhangela, ngakubona ususesikhathini sothando; ngendlala ingubo yami phezu kwakho, ngambathisa ubunqunu bakho; ngathembisa ukukuthatha, ngenza isivumelwano lawe, waba ngowami, kutsho iNkosi uNkulunkulu.

UHezekhiyeli 23:19

Kodwa wandisa ukuwula kwakhe, wakhumbula insuku zobutsha bakhe ezokuwula kwakhe elizweni laseGibithe,

UHezekhiyeli 23:3

Bawula eGibithe, bawula ebutsheni babo, babanjwa amabele abo lamathangazi abo.

UHezekhiyeli 23:8

Kakuyekelanga ukuwula kwakhe akwenza kusukela enzukwini zakhe eGibithe, ngoba ebutsheni bakhe amadoda alala laye, abamba amathangazi akhe, akholisa ukukhanuka kwawo kuye.

UHosiya 11:1

UIsrayeli esengumntwana ngamthanda, ngayibiza indodana yami ukuba iphume eGibithe.

UHosiya 2:15

Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

UHosiya 2:17

Ngoba ngizasusa amabizo aboBali emlonyeni wakhe, angabe esezwakala futhi.

UHosiya 2:7

Uzathungatha izithandwa zakhe, kodwa angazifici; uzazidinga, kodwa angazifumani. Abesesithi: Sengizabuyela endodeni yami yokuqala, ngoba kwakungcono kimi ngalesosikhathi kulakhathesi.

UHosiya 8:1

INkosi ithi: Khalisa uphondo, ngoba ukhozi luzula phezu kwendlu yeNkosi; abantu bami sebephule isivumelwano sami, baphambuka emlayweni wami.

UHosiya 9:10

INkosi ithi: Ngamfumana uIsrayeli njengezithelo zevini egangeni, ngababona okhokho babo njengezithelo zokuqala zomkhiwa. Kodwa bafika eBali‐Peyori, bazinikela kuBali, baba yisinengiso njengento abayithandileyo.

UJona 1:2

lathi: Suka uye eNineve kulowana umuzi omkhulu, umemezele kuwo ukuthi ububi babantu bawo bufinyelele kimi.

UMatewu 11:15

Olendlebe zokuzwa akezwe.

ULukha 12:13

Omunye wexuku wathi kuye: Mfundisi, akutshele umfowethu abelane lami ilifa.

UDutheronomi 2:7

Ngoba iNkosi uNkulunkulu wenu ilibusisile emsebenzini wonke wezandla zenu; ililondolozile ekuhambeni kwenu kulinkangala enkulu. INkosi uNkulunkulu wenu ibe lani liminyaka engamatshumi amane, kaliswelanga lutho.

UDutheronomi 33:3

Yebo, yabathanda abantu bayo. Bonke abangcwele bayo babesesandleni sayo; bahlala ngasenyaweni zayo, bamukele imilayezo yayo.

UDutheronomi 8:2

Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

Isambulo 2:4

Kodwa ngilalokhu ngawe ukuthi udelile uthando lwakho lwakuqala.