UJeremiya 2:19 - iBhayibhili Elingcwele 1978

¹⁹ Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

IBhayibhili Elingcwele LesiNdebele

¹⁹ Ububi bakho buzakujezisa; ukutshedela kwakho emuva kuzakukhuza. Ngakho cabanga ubone ukuthi kubi njalo kubuhlungu kanjani lapho udela uThixo uNkulunkulu wakho njalo ungelavalo ngami,” kutsho iNkosi uThixo uSomandla.

UJeremiya 2:19 ပူးပေါင်းရင်းမြစ်များ

1 AmaKhosi 18:18

Yena waphendula wathi: Kangimhluphanga uIsrayeli mina. Kodwa wena kanye lendlu kayihlo limhluphile, ngoba litshiyile imilayo yeNkosi, lalandela uBali.

2 ImiLando 12:5

UShemaya umprofethi wafika kuRehobowamu lakuzikhulu zakoJuda ezazibuthene eJerusalema ngenxa kaShishaki, wathi kubo: INkosi uNkulunkulu ithi: Lingilahlile lina, lami sengililahlela esandleni sikaShishaki.

2 ImiLando 21:10

Ngakho iEdoma lawuhlamuka umbuso wakoJuda kuze kube lamhla. LeLibina lalo lawuhlamuka umbuso wakhe, ngoba wayeyidelile iNkosi, uNkulunkulu wabokhokho bakhe.

2 ImiLando 25:16

Kodwa kwathi esakhuluma, uAmaziya wathi kuye: Kambe sikwenze nini umeluleki wenkosi na? Thula! Uzifakelani engozini na? Kodwa engakathuli umprofethi wathi: Ngiyazi ukuba uNkulunkulu uzimisele ukukubhubhisa, ngoba wenzile lokhu, kawukulalelanga ukweluleka kwami.

AmaHubo 36:1

Omubi uyalalela ilizwi lesono enhliziyweni yakhe, ukwesaba uNkulunkulu kakukho engqondweni yakhe.

U-Eksodasi 33:6

Ngakhoke abantu bakoIsrayeli bazihlubula izigqizo zabo kusukela entabeni yaseHorebe.

Izaga 1:31

ngakhoke bazakudla izithelo zokuhamba kwabo, basuthiswe ngamacebo abo.

Izaga 1:32

Ngoba abayizithutha bayabulawa yikungaqapheli kwabo, labayiziphukuphuku bayabhujiswa yikungananzi kwabo.

Izaga 5:22

Omubi uyathiywa ngezakhe izenzo ezimbi, abanjwe yizono zakhe.

U-Isaya 3:9

Ukubandlulula kwabo kuyafakaza ngabo; benza izono zabo obala njengeSodoma, kabazifihli. Maye kibo! Ngoba bazehlisela okubi.

U-Isaya 5:5

Sengizakulitshela engizakukwenza esivinini sami. Ngizakuqhaqha uthango lwaso ukuze sidliwe, ngidilize umduli waso ukuze sigxotshwe.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UJeremiya 1:16

Ngizabagweba ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo.

UJeremiya 13:22

Uba lisithi enhliziyweni zenu: Lezizinto zehleleleni phezu kwethu na? Ngenxa yobukhulu bokona kwenu izidwaba zenu zambuliwe, lehlelwa yikuhlupheka.

UJeremiya 2:17

Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

UJeremiya 3:22

Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

UJeremiya 4:18

Ukuhamba kwakho lezenzo zakho kukulethele lokho. Lokhu kuyikuphela kwakho, kubuhlungu, sekufinyelele enhliziyweni yakho uqobo.

UJeremiya 5:22

Kalingesabi na? kutsho iNkosi. Kalithuthumeli phambi kwami na? Ngabeka itshebetshebe laba ngumkhawulo wolwandle, umkhawulo oqinileyo olungelakuwudlula; lanxa amavinqo etshayana angeweqe, lanxa ehlokoma, kawalakudlula phezu kwalo.

UJeremiya 5:24

Kabatsho enhliziyweni zabo ukuthi: Asiyesabe iNkosi uNkulunkulu wethu, esinika izulu ngesikhathi salo, ehlobo lasentwasa, isimisele amaviki akhethelwe isivuno.

UJeremiya 5:6

Ngakhoke isilwane sasehlathini sizababulala, babhujiswe yimpisi yasenkangala, lengwe iyicathamele imizi yabo, bonke abaphuma kiyo bazakubanjwa; ngoba iziphambeko zabo zinengi, lokuhlehlela kwabo emuva kwandile.

UJeremiya 7:19

Kodwa yimi abangicunulayo na? kutsho iNkosi. Kayisibo yini ukuba baziyangise?

UJeremiya 8:5

Phoke, baphambukeleni lababantu, bahlamuke kokuphela na? Baqinela enkohlisweni, bayala ukuphenduka.

UHezekhiyeli 23:30

Amanyala akho lokuwula kwakho kukwehlisele lokho, ngoba uwulile lezizwe, wazingcolisa ngezithombe zazo.

UHezekhiyeli 39:24

Ngabaphatha ngokufanele ukungcola kwabo leziphambeko zabo, ngabafihlela ubuso bami.

UHosiya 11:7

Abantu bami baqonde ukuhlehla kimi, lanxa bekhuleka kunkulunkulu wabo ophakemeyo, kodwa kayikubasiza.

UHosiya 13:9

Ngizakukuchitha, Israyeli; ngubani ongakusiza na?

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 4:16

UIsrayeli ulenkani njengethokazi elihlanyayo; iNkosi izakubelusela edlelweni elibanzi njengamawundlu na?

UHosiya 5:5

Ukuzigqaja kukaIsrayeli kuyafakaza phambi kwakhe; uEfrayimi uzakukhubeka ngokona kwakhe, loJuda akhubeke kanye laye.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.

UHosiya 9:1

Ungajabuli, wena Israyeli, ungathokozi njengabezizwe, ngoba uwulile ngokutshiya uNkulunkulu wakho; uthandile umvuzo wewule ezizeni zonke.

uAmosi 8:10

Ngizaphendula imikhosi yenu ibe yikukhala, lengoma zenu zonke zibe yikulila, livunule izambatho zokulila, liphuce amakhanda enu, kube yisililo esinjengesokulilela indodana eyodwa, kube lusuku olubuhlungu impela.

UMikha 1:5

Konke lokhu kungenxa yezono zikaJakobe, langenxa yezono zikaIsrayeli. Siyini isono sikaJakobe na? Kasisilo iSamariya na? Siyini isono sikaJuda na? Kasisilo iJerusalema na?

UZakhariya 7:11

Kodwa bona bala ukulalela, baqinisa amakhanda abo, bavimba indlebe zabo ukuze bangezwa.

AbaseRoma 3:18

Ukwesaba uNkulunkulu kakukho engqondweni abo.

Abahluleli 10:13

Kantike lingitshiyile lakhonza abanye onkulunkulu; ngalokhoke kangisayikulikhulula futhi.