UJeremiya 2:17 - iBhayibhili Elingcwele 1978

¹⁷ Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?

IBhayibhili Elingcwele LesiNdebele

¹⁷ Lokhu kawukwehliselanga phezu kwakho ngokudela uThixo uNkulunkulu wakho lapho ekukhokhela endleleni na?

UJeremiya 2:17 ပူးပေါင်းရင်းမြစ်များ

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

UJobe 34:27

ngoba bephambukile ekumlandeleni, bengananzanga leyodwa yezindlela zakhe,

UJobe 4:8

Njengengikubonileyo, abalima ububi behlanyela inkathazo, bavuna khona lokho.

AmaHubo 107:7

yabahola ngendlela eqondileyo, baze bafika emzini abangahlala kuwo.

AmaHubo 136:16

Yakhokhela abantu bayo enkangala, ngoba uthando lwayo olungapheliyo lumi kuze kube nininini;

AmaHubo 77:20

Wabahola abantu bakho njengezimvu ngezandla zikaMose loAroni.

Izaga 15:10

Otshiya indlela elungileyo uzajeziswa kakhulu, ozonda ukukhuzwa uzakufa.

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

U-Isaya 59:13

siyaphambeka, siyiphike iNkosi, simhlamuke uNkulunkulu wethu, sikhulume ngokucindezela langokuhlamuka, sicabange ngamanga enhliziyweni zethu siwakhulume.

UJeremiya 13:22

Uba lisithi enhliziyweni zenu: Lezizinto zehleleleni phezu kwethu na? Ngenxa yobukhulu bokona kwenu izidwaba zenu zambuliwe, lehlelwa yikuhlupheka.

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

UJeremiya 2:13

Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 4:18

Ukuhamba kwakho lezenzo zakho kukulethele lokho. Lokhu kuyikuphela kwakho, kubuhlungu, sekufinyelele enhliziyweni yakho uqobo.

UJeremiya 44:3

ngenxa yobubi babo ababenzayo, bangivusa ulaka ngoba batshisa impepha, bakhonza abanye onkulunkulu abangabaziyo bona kanye lani labokhokho benu.

UJeremiya 5:25

Ububi benu buvimbele konke lokhu, lezono zenu zilivalela okuhle.

UHezekhiyeli 39:24

Ngabaphatha ngokufanele ukungcola kwabo leziphambeko zabo, ngabafihlela ubuso bami.

UHosiya 13:9

Ngizakukuchitha, Israyeli; ngubani ongakusiza na?

UMikha 1:5

Konke lokhu kungenxa yezono zikaJakobe, langenxa yezono zikaIsrayeli. Siyini isono sikaJakobe na? Kasisilo iSamariya na? Siyini isono sikaJuda na? Kasisilo iJerusalema na?

AmaNani 32:23

Kodwake uba lingenzi njalo, lizabe lonile eNkosini; yazini ukuthi isono senu sizakuba phezu kwenu.

UDutheronomi 32:10

Wamfumana elizweni eliyinkangala, enkangala elezilo ezibhongayo. Wamphahla, wamlondoloza, wamgcina, waba ligugu kuye.

UDutheronomi 32:19

INkosi yakubona, yabafulathela, ngenxa yokucunula kwamadodana lamadodakazi ayo.