Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




UJeremiya 2:13 - iBhayibhili Elingcwele 1978

13 Ngoba abantu bami benzile izinto ezimbi ezimbili; bangihlamukele, mina mthombo wamanzi okuphila, bazigebhela imithombo etshayo, engabambi manzi.

အခန်းကိုကြည့်ပါ။ ကော်ပီ

IBhayibhili Elingcwele LesiNdebele

13 “Abantu bami benze izono ezimbili: Bangidelile, mina mthombo wamanzi okuphila, bagebha eyabo imithombo, imithombo evuzayo engagcini manzi.

အခန်းကိုကြည့်ပါ။ ကော်ပီ




UJeremiya 2:13
49 ပူးပေါင်းရင်းမြစ်များ  

Ngoba bangidelile, batshisela abanye onkulunkulu impepha, ukuba bangithukuthelise ngazo zonke izithombe zabo. Ngakho intukuthelo yami izakuvutha ngalindawo, ingadedi.


Ngoba ukuwe umthombo wokuphila; ekukhanyeni kwakho siyakubona ukukhanya.


Ngikubonile konke okwenziwayo ngaphansi kwelanga; konke kulize lamaya.


Ize leze, kutsho umtshumayeli, ize leze, konke kulize.


Ngasengihlolisisa konke okwenziwe yizandla zami, kanye lokutshikatshika kwami; konke kwakulize lamaya, kwakungekho nzuzo ngaphansi kwelanga.


ngoba lowo otshikatshike ngokuhlakanipha langolwazi langobungcitshi konke angakutshiyela umuntu ongazanga akusebenzele. Lalokho lakho kulize, lobubi obukhulu.


Ngoba uNkulunkulu uyamnika umuntu omthokozisayo ukuhlakanipha lolwazi lokuthokoza; kodwa isoni uyasinika umsebenzi wokubutha lokubuthelela ukuze sinike yena othokozisa uNkulunkulu. Lalokho lakho kulize lamaya.


Ngasengibona ukuthi ukusebenza lakho konke ukuphumelela kuvela ekuncintanisaneni kwabantu. Lokho lakho kulize lamaya.


Inkabi iyamazi umniniyo, lobabhemi uyawazi umkolo womnikazi wakhe; kodwa uIsrayeli, abantu bami, kabazi, kabaqedisisi.


Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.


Ngokuthokoza uzakukha amanzi emithonjeni yokukhululwa.


Ngakhoke abantu bami bazathunjwa bengananzelele, labadumileyo babo besifa indlala, labantu bonke besifa yikoma.


Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.


Yathi: Impela bangabantu bami, bangamadodana angakhohlisiyo; yaba nguMsilisi wabo


Ngizabagweba ngenxa yabo bonke ububi babo ngokungihlamuka kwabo. Batshisela abanye onkulunkulu impepha, bakhonza imisebenzi yezandla zabo.


Izikhulu zakhe zithuma inceku zazo ukuba ziyekukha amanzi, zifika emithonjeni, kodwa kazifumani manzi, zibuyele inkonxa zazo zingelalutho, zilenhloni, zidanile, zimbomboza amakhanda.


Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.


Wena Nkosi, olithemba likaIsrayeli, bonke abakudelayo bazakuyangeka, labakutshiyayo bazaqedwa emhlabeni, ngoba bayidelile iNkosi engumthombo wamanzi okuphila.


Ungqoqwane angazitshiya yini ingqonga zaseLebanoni, lamanzi aqandayo ageleza ezintabeni azakutsha na?


Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,


Isizwe sake santshintsha onkulunkulu baso, loba bengesibo onkulunkulu balutho na? Kodwa abantu bami bangintshintshile mina enginguNkulunkulu wabo obalethela udumo ngonkulunkulu ongasizi lutho.


Wena Israyeli, kawuzehliseli lokhu ngokuhlamuka iNkosi uNkulunkulu wakho lapho ikukhokhela endleleni na?


Njengoba isela lilenhloni lapho selibanjiwe, kunjalo abakoIsrayeli bazakuba lenhloni, bona kanye lamakhosi abo, lezikhulu zabo, labapristi babo, labaprofethi babo,


Abantu bami bayizithutha, kabangazi; bangabantwana abayiziphukuphuku, kabalakuqedisisa. Bahlakaniphele ukwenza okubi, kodwa ukwenza okuhle kabakwazi.


Ngoba phakathi kwabantu bami kukhona abantu ababi, abacathamayo njengabathiyi becathamele inyoni, bathiya abantu ngemijibila yabo.


abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?


ukuze ngibambe inhliziyo zabakoIsrayeli abehlukene lami ngenxa yezithombe zabo.


Wasengibuyisela ngasemnyango wethempeli, ngabona amanzi egobhoza ngaphansi kwedundulu lomnyango wethempeli eqonda empumalanga, ngoba ithempeli lalikhangele impumalanga; amanzi ayegeleza ngakwesokunene ngeningizimu kwealtare.


INkosi ithi: Kanti liyizitha zabantu bami, libahlubule ingubo zabo abathanda ukuthula, lalabo abadlulayo bevela empini, besithi bavikelekile.


Lina bantu bami, ngenzeni kini na? Kuyini engilikhathaze ngakho na? Ngiphendulani.


Ngalolosuku umthombo uzavulelwa indlu kaDavida labakhileyo eJerusalema ukuba bahlanjululwe ezonweni lasek ungcoleni.


UJesu wathi kuye: Uba ubusazile isiphiwo sikaNkulunkulu lokuthi ungubani othi kuwe: Nginathisa; ubuzakucela kuye, yena ubezakukunika amanzi aphilisayo.


Wathi kuye: Nkosi, kawulalutho lokukha, lomthombo uyatshona, uwathathaphi pho lamanzi aphilisayo na?


kodwa lowo onatha amanzi engizakumnika wona kasayikoma; amanzi engizakumnika wona azakuba ngumthombo ogobhozayo phakathi kwakhe, kube yikuphila okungapheliyo.


Kwathi ngosuku lokucina olukhulu lomkhosi uJesu wema wamemeza, esithi: Uba ekhona owomileyo, keze kimi, anathe.


INkosi yathi kuMose: Usuzakubhubha njengokhokho bakho; lababantu lapho sebefikile elizweni abaya kulo, bahlala labezizwe, bazakhonza onkulunkulu bazo, bangitshiye, basaphule isivumelwano sami engisenze labo.


Laba bayimithombo engelamanzi, lenkungu eqhutshwa yisiphepho, abagcinelwe umnyama omkhulu.


Wasesithi kimi: Sekwenzekile. NginguAlfa loOmega, ukuqala lokucina. Owomileyo ngizakumnathisa ngesihle emthonjeni wamanzi okuphila.


Wasengitshengisa umfula wamanzi okuphila acwengekileyo kakhulu, evela esihlalweni sobukhosi sikaNkulunkulu leseWundlu,


UMoya lomlobokazi bathi: Woza! Lozwayo lokhu katsho athi: Woza! Lowomileyo keze. Othandayo kathathe amanzi okuphila ngesihle.


Kantike lingitshiyile lakhonza abanye onkulunkulu; ngalokhoke kangisayikulikhulula futhi.


Bakhala eNkosini bathi: Sonile ngoba siyilahlile iNkosi, sakhonza izithombe zikaBali lezikaAshitorethi. Kodwa khathesi sophule ezitheni zethu, sizakukukhonza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ