UJeremiya 19:9 - iBhayibhili Elingcwele 1978

⁹ Ngizakubenza badle inyama yamadodana leyamadodakazi abo; bonke bazakudla inyama yabomakhelwana babo ngesikhathi sokuvinjezelwa lesokuhlupheka okuzalethwa yizitha zabo lalabo ababazingelayo.

IBhayibhili Elingcwele LesiNdebele

⁹ Ngizabenza badle inyama yamadodana abo leyamadodakazi abo, njalo labo bazadlana inyama ngesikhathi esinzima sokuvinjezelwa kwabo yizitha ezifuna ukubabulala.’

UJeremiya 19:9 ပူးပေါင်းရင်းမြစ်များ

2 AmaKhosi 25:3

Ngosuku lwesificamunwemunye lwenyanga yesine indlala yaba nkulu phakathi komuzi, kwakungaselakudla kwabantu elizweni.

U-Isaya 9:20

Bayahluthuna ngakwesokunene, kodwa babe belokhu belambile, badle ngakwesokhohlo, kodwa kabasuthi; lowo lalowo udla abantwana bakhe,

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 38:9

wathi: Nkosi yami, abantu laba benzile okubi ngakho konke abakwenze kuJeremiya umprofethi, ngoba bamphosele emgodini, uzabulawa yindlala ngoba kakusekho ukudla emzini.

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

Izililo 4:10

Izandla zabesifazana abalesihawu zapheka abantwana babo, baba yikudla kwabo ekubhujisweni kwabantu bami.

UHezekhiyeli 5:10

Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.

ULevi 26:29

Lizakudla imizimba yamadodana enu leyamadodakazi enu.